Yohane 3:35 - Katɔti Ɔku Kedee

³⁵ Katɔti ɔɔyɔ́ Ubidi na úti lɛla biala ɔ́kya nwuna enu kemmo.

Yohane 3:35 ပူးပေါင်းရင်းမြစ်များ

Mateo 28:18

Amu na Yesu ɔ́kpɛ úde-ma na ɔ́su-ma ɔnini, “Katɔti úti katɔ ku kalɔ ɔyikun ƒui úte-mi.

Yohane 5:22

Na lɛnɔ ni, mina Ɔti ɔlati ulatɛku ukyuli ɔdi litemi. Mmomu ɔ́ɔnyonu likpidi biala litemi bɔtɛ úte ami Ubidi,

Yohane 5:20

Ɔsika Ati ɔɔyɔ́ ami Ubidi na ɔɔtina-mi lɛla biala lɛni na ɔɔbla. Na ɔdubɔtina-mi ala ani na lɛbla litulo ɔmɛni na ɔdubo-mii bɔbla kalɛ kadi.

Luka 10:22

Amu na ɔ́sɔ ɔ́su ɔnini, “Mina Ɔti úti ala ƒui úte-mi. Ɔdi biala ɔɔɔgyi ukyuli ɔni na Katɔti Ubi ɔmmɔ ɔdi, ntu Katɔti lɛti pɛ. Na ɔdi lɛnɔ ɔɔɔgyi ukyuli ɔni na Katɔti ɔmmɔ lɛnɔ ɔdi, ntu Ubidi ɔmmɔ lɛti pɛ ku bekyuli bani na Ubi ɔmmɔ ɔ́ƒuna ka udie Ɔti ɔmmɔ ɔtina kani.”

Yohane 17:2

Ɔsika éti ɔyikun unengudi éte-mi na kayawi bekyuli ƒui akɔ kalɛ na lɛya na bani ƒui na éti éte-mi ni, belie ngba bɔni nsɔ naaadubo bɔsa kudii.

Mateo 11:27

Na ɔ́sɔ ɔ́su ɔnini, “Mina Ɔti úti ala ƒui úte-mi. Na anwu lɛti ngyi ukyuli ɔni udu na ndi. Na ami lɛti ngyi ukyuli ɔni na mina ɔti lɛnɔ ɔdi. Na mɔɔƒuna bekyuli badi bani na medie-nwu matina.

Eƒesoƒuɔ 1:22

Katɔti úti lɛla biala ɔ́kya Kristo lɛgba kalɔ na úti-nwu ɔ́bla baƒɔtaadine ƒui lili.

Yohane 13:3

Yesu ɔgyi nwaa ka Ɔti úti ɔyikun úte-nwu ka ɔdi ala ƒui lɛlɔ. Na ɔgyi ka Katɔti ɔmmɔ kudɔ na ɔ́si, na nwuna kudɔ kani na ɔdubɔsɔ unwini usie.

Petro 1 3:22

Kristo ɔmɛni nésie katɔ na ulie Katɔti kɔdianu. Na katɔ batu ku lɛlɔ badine ku kayaa bayikune ƒui bakya-nwu kalɔ.

Korintoƒuɔ 1 15:27

Ɔsika Bunweni Kedee Ɔku ɔ́su ɔnini, “Katɔti úti ala ƒui ɔ́kya-nwu lɛgba kalɔ.” Na use nwaa ka si básu banii ala ƒui ni, ɔmmɔ ulátina ka Katɔti ɔni néti ala ammɔ ɔ́kya Kristo lɛgba kalɔ lɛnɔ ubunku.

Kɔgya 2:8

Awɔ, vele-mi na ndubuti kayawi kadi bekyuli ƒui lite-ɔ na eti kayawi ƒui abla ƒula kadikɔ.

Hebriƒuɔ 1:2

Nsu na uwi ukplodi ɔmɛni kemmo ni, Katɔti ɔ́tɛmiku-bu ɔ́siaku Ubidi lɛlɔ. Ubi ɔmmɔ na ɔ́ƒuna úse ka ɔbla nwuna ala ƒui ɔdine. Na nwuna lɛlɔ kani na ɔ́sia údie kayawi ƒui.

Yohane 17:26

Lídie-ɔ lɛ́tina-ma. Na ndubo butaabla lɛni kalɛ na bati ka aayɔ́-ma aani kalɛ na aayɔ́-mi, na bati ka nliku-ma.”

Yohane 17:23

Ami nliku-ma, na awɔ eliku-mi. Ya na babla unwi bawɔlɔ kalɛ na kayawi bekyuli banu bati ka awɔ nátala-mi, na aayɔ́-ma kalɛ kani na aayɔ́-mi.

Yohane 15:9

Mɔɔyɔ́-mii kalɛ kani na mina Ɔti ɔɔyɔ́-mi. Anwuɔsu bɛsɔ biliku-mii na ntaayɔ-mii uwi biala.

Mateo 17:5

Uwi ɔni na ɔɔsu ɔmɛni ni, ulɔyɔ ɔni muukeye úbewi-ma lɛlɔ. Na bénu Katɔti lɛdi na ulɔyɔ ɔmmɔ kemmo na lɛ́su lɛnini, “Ɔmɛni ndi mina ubi ɔyɔne unwi pɛ ɔni mɔɔƒɔ́-mi anu geen. Binu-nwu litemi.”

Mateo 3:17

Na bénu Katɔti lɛdi ka lɛ́si katɔ lɛnini, “Ɔmɛni ndi mina Ubi Ɔyɔne ɔni mɔɔƒɔ́-mi anu geen.”

Yesaia 42:1

Unwoti ɔnini, “Aanu mina kabla ɔblane ɔni na lɛ́ƒuna, mɔɔyɔ́-nwu geen na nnye-nwu kama kpakplaa lɛnɔ. Líti mina Kɔyu lɛ́kya-nwu lɛlɔ kemmo, na ɔdubuti ala bɔbla ulu lɛlɔ siin buboku kayawi kadi bekyuli ƒui.

Agba 8:30

Geen ni, ami ndi-nwu kabla kammɔ kakwɛ ɔkyane na nwuna kɔmadɔ. Na mɔɔkɛ́ ebiti limeyi ndi limeyi na lɛlɔ lɛɛyɔ́-mi na nwuna anumi uwi ndi uwi.

Ala Kalɔ Buse 41:55

Na uwi ɔni na Egyipteƒuɔ lɛnɔ bése kalɔ beenú kɔka kɔmmɔ ni, mmɔ na bákya animi ku kɔka buwulo taakya Ƒarao ka ute-ma adila. Mmɔ na Ƒarao ɔ́su nwuna kadi bekyuli ɔnini, “Biteesie Yoseƒ kudɔ. Na lɛla biala na ɔ́su-mi ni, na bɛbla bɛsiaku-ni lɛlɔ.”

Ala Kalɔ Buse 41:44

Ɔmmɔ kama ni, Ƒarao ɔ́su Yoseƒ ɔnini, “Ami ndi Ƒarao, nsu si ɔɔɔdi awɔ masu anii babla lɛla lɛdi ni, ukyuli ɔdi uledie ɔgba iye ɔtala kɔnu katɔ!”

Daniel 7:14

Na bébi-nwu kagabwa bése-nwu lɛga, na béte-nwu ɔyikun na uukeye. Na bani nási kadi ƒui akɔ ku adi ƒui batɛmine na kalɔ biala lɛlɔ bákya-nwu lili kalɔ. Ɔdubo lɛga bɔdi uwi ƒui, na nwuna lɛga kadikɔ kalása kudii, na ɔdi lɛnɔ ulakana-ka lɛlɔ bɔdi.