Yohane 3:26 - Katɔti Ɔku Kedee

²⁶ Anwuɔsu bébo Yohane kudɔ na béye-nwu banini, “Ala ɔtinane, buvele, ukyuli ɔni na átina-bu na Yordan Ketu ɔvi ngye na édie-nwu kenye ni, anwu lɛnɔ ɔɔbla ketu kemmo ntu bɔkpila ɔdi ɔmɛni. Ɔdia kalɛ na bula bekyuli ƒui békeli bésela-nwu kudɔ mɛni?”

Yohane 3:26 ပူးပေါင်းရင်းမြစ်များ

Kɔgya 65:2

Ati, awɔ muunú bekyuli ƒui bɔkpali si beevele-ɔ ala anwuɔsu na ukyuli biala ɔdubo kenye budie na nwuna alaekpidi lɛlɔ.

Etemila 4:4

Na lɛ́nu kabla kani lɛlɔ na bekyuli benye ku ala enengudi ani na baabla na bɔɔnu ƒui kási lɛlɔ kogyulo bukpo ku lɛnungyie lɛni nkya bekyuli ɔsu. Na ɔmmɔ ƒui uuubo kalɔ kadi, ɔsika use aani kalɛ na baabi taasiaku ɔƒɛƒɛɛ.

Yesaia 45:23

Líse kenye kpakplaa kani na kalavumana kudii, na ukyuli biala ɔdubo lili kalɔ bɔkya bɔbu-mi.

Mateo 23:7

Baayɔ́ banii bekyuli beteebo kalɔ teegyele-ma na kuyeya na bataalɔ-ma banii Ala Ɔtinane.

Mateo 23:8

“Na bɔƒɔtaadi ulu lɛlɔ ni, bitaya na bekyuli balɔ-mii Unwoti, ɔsika banwa na bɛdi bite lɛlɔ. Na Unwoti unwi pɛ kani na bibo.

Yohane 1:15

Yohane údie-nwu ɔ́tina bekyuli uwi ɔni na ɔ́kɔ lɛsa úte kasalakɔ ƒui ɔnini, “Ɔmɛni ndi ukyuli ɔni lɛlɔ na ńtaatɛmi taasiku ɔni lɛ́su nnii ukyuli ɔdi ɔkpɛ-mi kama ɔdubo ɔni ntulo-mi ƒui, ɔsika ɔkya kukuuku asa na báwɔ-mi.”

Yohane 1:7

Úbo ɔnii ubedie kenye na ukyuli ɔni ndi bukeye bɔmɛni lɛlɔ kalɛ na ukyuli biala unu linyesia lɛmɛni na ɔƒɔ ukyuli ɔni ndi bukeye mmɔ ɔdi.

Yohane 1:9

Na uwi ɔmmɔ kemmo ni, bukeye geen bɔni muuti bukeye teete ukyuli biala bɔ́si bɔdubo kayawi.

Yohane 11:48

Si bunye bɔɔnu-nwu na ɔdaku ɔmɛni lɛni ni, ukyuli biala ɔdubo-nwu bɔƒɔ bɔdi. Na Romaƒuɔ lɛlɔ badine badubɔta na bebebo bula kakpakɔ kamɛni babwɛ na bekpo bula kalɔ ƒui.”

Yohane 12:19

Mmɔ na Ƒarisiƒuɔ bammɔ básu lɛlɔ banini, “Bɛnu ka bekyuli bammɔ bálɛ-bu kama! Kayawi bekyuli ƒui bétiku lɛlɔ bésie basiaku-nwu kama!”

Yohane 3:2

Ɔ́bɛ úbo Yesu kudɔ usien na úbeye-nwu ɔnini, “Ala ɔtinane, buvele, bula ƒui bɔgyi ka awɔ nási Katɔti kudɔ ébo abatina-bu ala, ɔsika ukyuli biala ɔdi ulakana akɔla budie bɔtina bɔmɛni udu bɔbla amu ntu Katɔti uliku-nwu.”

Yohane 4:1

Na uwi ɔmmɔ ni, Ƒarisiƒuɔ bénu ka Yesu útaabla ntu bɔkpila ɔdi teete bekyuli na ɔɔkɛ́ basiakune pii teetulo Yohane

Yohane 4:2

ina ka ɔɔɔdi anwu ɔlati nátaabla ntu bɔkpila ɔdi ɔmɛni, mmomu nwuna batɛyane nátaabla-mu.

Yohane 4:31

Uwi ɔmmɔ kemmo ni, Yesu batɛyane bévele-nwu banii, “Ala ɔtinane, di lɛla lɛdi.”

Yohane 5:33

“Bɛ́tala bekyuli bɛnii betéye Yohane ala basiku-mi lɛlɔ, na ɔ́su-ma lɛla lɛni ndi litemi geen lɛmmɔ.