Yohane 3:21 - Katɔti Ɔku Kedee

²¹ Nsu ukyuli biala ɔni nda nwuna ngba na ulu lɛlɔ geen ni, ɔɔkpɛ́ teede bukeye. Ɔsika ɔɔwia ka bukeye bɔmmɔ budie nwuna Katɔti bɔsiaku ablala atina.”

Yohane 3:21 ပူးပေါင်းရင်းမြစ်များ

Kɔgya 119:105

Ƒula litemi lɛdi asogya ute mina lɛgba. Na uukeye teewi mina kasiakɔ.

Kɔgya 119:80

Ya na mina kayi kasia ulu siin lɛlɔ na ntasia ƒula litemi kama kalɛ na kɔƒa kulékpo-mi.

Yesaia 26:12

O Unwoti ya na bulie na atu bɔyɔ kemmo, ɔsika ɔkɛnku ƒula ɔyikun kemmo na bɔ́kana na bɔ́bla ala ani na bɔ́bla.

Yesaia 8:20

Bɛnu bɛti ka si bana ala aaakɛnku mina litemi lɛni ndanku ɔda bubo ku bunyimi bɔmɛni ni, na bukeye bɔdi buuubo-ma kemmo.

Hosea 14:8

Israel, die ƒula lɛƒiɔkpa atu na ndubunu ƒula buvele na lɛnu-ɔ lɛlɔ. Ami ɔlati ndi kugyii kɔni muukeye mmɔ. Na ami ndubɔya na bɛnwu ebi pii.

Yohane 1:47

Ka bákpɛ beedé na Yesu ɔ́nu ka Natanael ɔdubo ni, ɔ́su-nwu lɛlɔ kɔtɛ ɔnini, “Bɛɛnu ka ukyuli ɔdi ɔdubo na ulatɔlɔ bekyuli. Ɔdi Israelni geen!”

Yohane 3:20

Ukyuli biala ɔni mɔɔbla likyulikpi ala ni, ukisi bukeye na ulakpɛ teede-mu. Ɔsika ɔɔyia ka nwuna ablala adubɔlɛ keyi na Katɔti ɔdubɔni-nwu kɔtu.

Yohane 5:39

Bɛɛtɛya Bunweni Kedee Ɔku kemmo ala uwi biala ku kakali ka si bɛ́bla lɛni ni, bɛdubɔkɛ ngba bɔni nsɔ naaadu bɔsa kudii. Na ɔku ɔmmɔ geen muudie kenye taasiku-mi lɛlɔ.

Yohane 7:17

Ukyuli ɔni mɔɔyɔ́ ka ɔbla lɛla lɛni na Katɔti ɔɔwia ni, ɔdubɔti si ala ani na mɔɔtina ási Katɔti kudɔ iye ami ɔlati ɔyikun kemmo na muutemi.

Korintoƒuɔ 1 15:10

Nsu ɔkɛnku Katɔti lɛƒɔndia ɔsu ni, ndi ukyuli ɔni ndi ɔƒɛni. Na nwuna kaƒɔbuni ala ani na úte-mi ni, ánwu ebi. Na lɛ́bla kabla kpakplaa lítulo batalane bakladi ɔni na bekyuli baaasia anu ina ka ɔɔɔdi ami ɔlati ɔyikun kemmo na ɔdi. Mmomu Katɔti ɔyikun nkɛ-mi lɛlɔ na lɛ́bla ɔmɛni.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Galatiƒuɔ 6:8

Si aavá ala ani mɔɔda ɔlɔna ɔkwɛ ebi ni, kukpi na adubɔkɛ. Nsu si aavá ala ani mɔɔda Kɔyu ɔkwɛ ebi ni, ngba bɔni nsɔ naaadubo bɔsa kudii na adubɔkɛ.

Eƒesoƒuɔ 5:9

Ɔsika bekyuli bani nli bukeye kemmo ni, ebi ani na baanwu ndi ebi abuni. Baasu etemila geen na beelie siin.

Ƒilipiƒuɔ 1:11

Na bɛnwu ebi ani mɔɔtina ka bise siin na bina ngba bulie kemmo ka bɛ́ƒɔ Blɔti Yesu Kristo bɛ́di ɔsu, na biti ɔbu ku bumwi bite Katɔti.

Ƒilipiƒuɔ 2:13

Ɔsika Katɔti ɔkya-mii akɔ ɔɔbla kabla na bina akɔ uwi biala kalɛ na ɔbla-mii na bɛkana na bɛdi ala ani na ɔ́su-mii lɛlɔ.

Koloseƒuɔ 1:29

Ɔmɛni ɔsu na muukpóku lɛlɔ ɔkɛnku Kristo ɔyikun ɔni nkya-mi lɛlɔ kemmo ɔɔbla kabla kamɛni kenye.

Hebriƒuɔ 13:21

ute-mii ala abuni ani ƒui na bɛkana biti bɛbla nwuna lɛyɔla. Na muuvele-nwu nnii ɔbla lɛla lɛni na ɔɔyɔ́ na bula lɛlɔ kemmo ɔkɛnku Yesu Kristo ɔni námanku úte bumwi uwi ƒui lɛlɔ. Ɔsia lɛni.

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Yohane 1 1:6

Anwuɔsu si bɔnii abu ku-nwu bɔɔdi kɔkpana nsu bɔkɛ na lɛdisa ngba bukpidi bulie kemmo ni, na bɔɔnyi ɔkɔ na bɔɔɔsiaku litemi geen lɛmmɔ kama.

Yohane 3 1:11

Mina ɔkpana ɔyɔne, tasiaku likpidi bɔbla kama. Mmomu siaku lɛbuni bɔbla kama. Na ukyuli biala ɔni mɔɔbla lɛbuni ni, ɔdi Katɔti ɔdi. Nsu ukyuli ɔni mɔɔbla ala ekpidi ni, ɔɔɔgyi Katɔti.

Budie Taatina 3:15

Ngyi lɛla lɛni na bɛ́bla na ngyi ka bítaba na bítaƒɔ ogya lɛnɔ. Nsu nka mɔɔyɔ́ si bɛ́ƒuna linwi.