Yohane 3:2 - Katɔti Ɔku Kedee

² Ɔ́bɛ úbo Yesu kudɔ usien na úbeye-nwu ɔnini, “Ala ɔtinane, buvele, bula ƒui bɔgyi ka awɔ nási Katɔti kudɔ ébo abatina-bu ala, ɔsika ukyuli biala ɔdi ulakana akɔla budie bɔtina bɔmɛni udu bɔbla amu ntu Katɔti uliku-nwu.”

Yohane 3:2 ပူးပေါင်းရင်းမြစ်များ

Baga 1 17:24

Amu na uleku ɔmmɔ údie kenye ɔnini, “Ɔƒɛni na lɛ́nu lɛ́ti ka Katɔti ukyuli na adi. Na Unwoti uutemi taasiaku-ɔ lɛlɔ.”

Yesaia 51:7

“Anwuɔsu amii bani ngyi lɛbuni lɛni na ɔdi ka bɛbla na bɛda mina ɔda bubo ku kayi ƒui ni, bise atu. Enu ataƒɛ-mii si bekyuli beedumi-mii na baatɛmi enyekpi na bina lɛlɔ.

Yeremia 38:16

Mmɔ na úse kenye ɔnini, “Lɛ́kpali Unwoti, ala ƒui Udiene ɔni nli ngba uwi ƒui, ka lɛɛɛdubo bɔya na badu-ɔ, na ɔdi biala lɛnɔ ulénu lɛla lɛni na bɔɔsu na ɔdi lɛnɔ uládu-ɔ.”

Mateo 22:16

Anwuɔsu bátala bana batɛyane badi ku bekyuli bani nsiaku Herode kama bákya Yesu. Na ka bésie ni, básu-nwu banini, “Ala ɔtinane, bɔgyi ka ese siin na aatina Katɔti bɔƒɔtaadi ulu ɔmmɔ geen, ɔsika alánu ukyuli anumi taabla lɛla lɛdi. Na alákpete bekyuli asula lɛnɔ.

Mateo 23:7

Baayɔ́ banii bekyuli beteebo kalɔ teegyele-ma na kuyeya na bataalɔ-ma banii Ala Ɔtinane.

Mateo 23:8

“Na bɔƒɔtaadi ulu lɛlɔ ni, bitaya na bekyuli balɔ-mii Unwoti, ɔsika banwa na bɛdi bite lɛlɔ. Na Unwoti unwi pɛ kani na bibo.

Marko 12:14

Ka bétédu-nwu kudɔ ni, básu-nwu banini, “Ala ɔtinane, bɔgyi ka aasu litemi geen uwi biala. Na alávumana ƒula etemila na ɔ́si kalɛ bekyuli baakali taasiku-ɔ lɛlɔ ɔsu. Alánu anii ɔmɛni ɔdi ukyuli ubendi iye ɔmɛni ɔdi ukyuli ubliidi. Nsu aatina ukyuli biala Katɔti kudɔ ulu na ulu geen lɛlɔ. Anwuɔsu su-bu si ɔdia ka butaaƒɔ kuyi teete Romaƒuɔ Ɔga Unengudi.

Yohane 1:38

Mmɔ na bédie kenye banini, “Rabi,” ɔni kalɔ ndi ala ɔtinane, “Buvele, wɛ na eli?”

Yohane 10:38

Nsu si anya na mɔɔbla bɔdi ni, si ina bilaƒɔ ami ɔlati taadi ni, ɔdi ka bɛƒɔ ala ani na mɔɔbla anya bɛdi. Na si bɛ́bla lɛni ni, bɛdubɔnu bɔti kɔnakunwi ka Katɔti uliku-mi na ami lɛnɔ nliku-nwu.”

Yohane 12:37

Na ina ka Yesu ɔ́bla akɔla budie taatina amɛni ƒui na bana anumi ni, bátaƒɔ-nwu bátadi.

Yohane 14:10

Átaƒɔ átadi ka ami nliku Katɔti, na anwu lɛnɔ uliku-mi? Ala ani ƒui na lɛ́su-mii ni, aaadi ami ɔlati etemila kani na adi. Mmomu adi Katɔti ɔni nliku-mi na ɔɔbla nwuna kabla ɔdi.

Yohane 15:24

Na si bubo na ńtebo ńtababla ala ani udu na ɔdi útabla kudii na bana akɔ ni, nka ukyuli ɔdi uládu-ma kɔtɔ ka bábla likpidi lɛdi. Nsu ɔƒɛni ni, bánu ala ani na lɛ́bla, nsu beekisi ami ku mina Ɔti.

Yohane 2:11

Lɛla lɛni nálɛ na Kana na Galilea mɛni ni, ani ndi akɔla budie taatina edeedi ani na Yesu ɔ́bla. Na ka údie nwuna ɔyikun ɔ́tina lɛni ni, nwuna batɛyane báƒɔ-nwu bádi.

Yohane 20:16

Amu na Yesu ɔ́kpali-nwu ɔnini, “Maria!” Mmɔ ni, Maria únwini ɔ́nu-nwu, na ɔ́su na Hebri lɛdi kemmo ɔnini, “Rabuni!” Na nwuna kalɔ ndi Ala Ɔtinane.

Yohane 3:26

Anwuɔsu bébo Yohane kudɔ na béye-nwu banini, “Ala ɔtinane, buvele, ukyuli ɔni na átina-bu na Yordan Ketu ɔvi ngye na édie-nwu kenye ni, anwu lɛnɔ ɔɔbla ketu kemmo ntu bɔkpila ɔdi ɔmɛni. Ɔdia kalɛ na bula bekyuli ƒui békeli bésela-nwu kudɔ mɛni?”

Yohane 4:31

Uwi ɔmmɔ kemmo ni, Yesu batɛyane bévele-nwu banii, “Ala ɔtinane, di lɛla lɛdi.”

Yohane 5:36

“Nsu kenye kani na mbo na medie ni, ketulo Yohane ɔdi ƒui. Kabla lidu lɛni na Ati úte-mi ka mbawɔlɔ na kana lɛlɔ na nnye ni, aka muudie taatina ka Anwu nátala-mi.

Yohane 6:2

Na bekyuli pii badi basiaku-nwu, ɔsika bánu akɔla budie bɔtina bɔni na Yesu ɔ́bla na uwi ɔni na ɔ́bwi balɛne ɔsu.

Yohane 7:31

Nsu bana akɔ pii báƒɔ-nwu bádi na béye banii, “Na si Ukyuli Ɔƒunadi ɔmmɔ úbo ni, ɔdubɔbla akɔla budie bɔtina butulo ani na ukyuli ɔmɛni ɔ́ɔbla?”

Yohane 9:16

Amu na Ƒarisiƒuɔ bammɔ badi básu banini, “Ukyuli ɔni nábla lɛla lɛmɛni ni, ɔɔɔdi Katɔti nátala-nwu! Ɔsika uládi lɛnwunameyi ɔda ɔni na Katɔti úbo-bu lɛlɔ.” Na babambadi ama banini, “Dɛ na ukyuli ɔni na ɔdi alaekpidi ɔblane wakana na wabla akɔla budie taatina amɛni udu?” Mmɔ ni, bekyuli bammɔ béle lɛlɔ akpa anyɔ.

Batalane Kabla 10:38

Na bínu lɛnɔ kalɛ na Katɔti ɔ́ƒuna Yesu ɔni nási Nasaret ɔni na úti nwuna Kɔyu úse-nwu likpo na úti ɔyikun lɛnɔ úte-nwu. Na ɔ́kɛ útaavi taabla lɛbuni na útaabwi bani ƒui na ayu ekpidi eekpóku, ɔsika Katɔti ɔsiaku-nwu.

Batalane Kabla 2:22

“Ati bene biinú? Yesu Nasareni ɔdi Ukyuli Ɔƒunadi ɔni lɛlɔ na Katɔti ɔkɛ údie nwuna ɔyikun ku akɔla bɔbla keyi ɔ́tina-mii aani kalɛ na amii alati lɛnɔ bɛgyi.

Ƒilipiƒuɔ 1:14

Na mina ɔtɔ bɔtɛ bɔmɛni bɔ́ya na mina banwa pii na Blɔti kemmo básɔ bákɛ kayi buse bébu na bákana na básu Katɔti litemi lɛmmɔ, na bɔyia bɔdi bɔsɔ buuubo-ma kemmo.

Litemi Batɛne 6:27

Ɔmmɔ ɔsu Gideon úti nwuna kabla bablane leevu ɔ́da aani kalɛ na Unwoti úbo-nwu ɔda. Nsu ka ɔyia nwuna bawɔne ku ɔma ɔmmɔ bananabi ɔsu ni, usien mmomu na ɔ́bla ala ammɔ, na ɔɔɔdi ɔƒiiwi.