Yohane 3:14 - Katɔti Ɔku Kedee

¹⁴ “Bínu na Mose ɔku kalɛ na ɔ́kana kɔlakpi kɔni bávɔ ku lɛbuala ɔ́mana ugyii lɛlɔ, na ɔ́kɔliku-ku katɔ na ketele kukuuku kalɛ na bekyuli bammɔ bakɛ ngba. Lɛni kani na ɔlɛka bakɔliku ami Ukyuli Ɔyawine Ubi katɔ,

Yohane 3:14 ပူးပေါင်းရင်းမြစ်များ

Baga 2 18:4

Na ɔ́bwɛ aƒiodu ani na abi eli mmɔ ƒui, na ɔ́ƒɛ atabi kedee lɛƒiɔgyii lɛni na bálɛ béte Asera baƒiɔ mmɔ. Na lɛbualagyie lɛni na Mose úti ɔ́vɔ kɔlakpi mmɔ ni, úbo-ni ɔ́bwɛ, ɔsika Israelƒuɔ baakyula oloƒui teete-ni. Na baalɔ-ni Nehustan.

Kɔgya 22:16

Na bekyuli bekpidi lisu badi bábla lɛlɔ aani bakpewe báka bámana-mi na bádu-mi enu ku lɛgba.

Yesaia 11:10

Na limeyi lɛmmɔ lɛlɔ ni, Yese kugyii ugyiitu ɔdubɔlɛ unye aani ngba bɔƒɔ aƒlaga ute kayawi bekyuli ƒui. Na kadi ƒui bekyuli badubukeli bebo-nwu kudɔ na kesii kani na uli, ɔsika mmɔ kadubɔbla kesii kani muukeye na bekyuli baakɛ́ bɔnwuna.

Mateo 26:54

Nsu si bébo na békpo béte-mi ni, na Bunweni Kedee Ɔku etemila ammɔ elebo aani kalɛ na Katɔti ɔ́su úse lɛni na ɔdi ka ɔlɛ.”

Mateo 8:20

Amu na Yesu ɔ́su-nwu ɔnini, “Beƒiebuo bebo libu lɛni kemmo na baatɛ, na baasɛ bebo ayu. Nsu Ukyuli Ɔyawine Ubi ni, anwu uuubo katɛnkɔ muedi.”

Luka 24:20

Yudaƒuɔ Katɔti bakpane benengu ku bula lɛlɔ badine béti-nwu bákya Roma aban unengu enu kemmo na ɔ́du-nwu kukpi kɔtɔ na bákana-nwu bámana ugyii lɛlɔ.

Yohane 18:32

Na ala amɛni álɛ lɛni kalɛ na litemi lɛni na Yesu ɔ́su ɔ́siku kukpi kɔni udu na ɔdubo bukpi lɛlɔ ubo ute lɛni sɔsɔ.

Yohane 6:51

Ami ndi adila ani muute ngba. Na lɛ́si katɔ lɛ́yu líbo. Ukyuli biala ɔni mɔɔdi adila amɛni adi ni, ɔdubo ngba bulie uwi ƒui. Na adila ani ndubute bekyuli ni, anya ndi mina ɔlɔna.”

Yohane 8:28

Anwuɔsu Yesu ɔ́su-ma ɔnini, “Si uwi ɔni na bɛ́kɔliku Ukyuli Ɔyawine Ubi katɔ ni, mmɔ na bɛdubɔti ka ami ndi Anwu ɔmmɔ. Na naaabla lɛla lɛdi na ami ɔlati ɔyikun kemmo. Mmomu mɔɔtɛmi kalɛ kani na mina Ɔti ɔ́tina-mi.

Batalane Kabla 2:23

Nsu na Ɔti bɔyɔ ku kakali kemmo ni, ɔ́nyonu-nwu úte-mii na bɛ́kɛ ekpidi bablane lɛlɔ na bɛ́du-nwu uwi ɔni na bɛ́kana-nwu bɛ́mana ugyii lɛlɔ.