Yohane 3:13 - Katɔti Ɔku Kedee

¹³ Ukyuli ɔdi útesie katɔ utatáwia ala amɛni udu ntu ami Ukyuli Ɔyawine Ubi kani. Na ami kani nási katɔ líbo kayawi kamɛni lɛlɔ.

Yohane 3:13 ပူးပေါင်းရင်းမြစ်များ

Agba 30:4

Ɔma nákɔ úsie katɔ na ɔ́sɔ únwini úbo? Na ɔma násala ɔƒɛƒɛɛ ɔ́kya nwuna lɛkɔkɔ kemmo? Ɔma násala ntu ƒui ɔ́kya nwuna awu bonwu ɔni mbi-nwu lɛlɔ kemmo? Na ɔma nátu kalɔ kammɔ lɛvi ƒui únyene kalɔ útédu kana kawɔlɔkɔ? Dɛ na baalɔ anwu ku ubidi? Su-mi si agyi!

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Mateo 8:20

Amu na Yesu ɔ́su-nwu ɔnini, “Beƒiebuo bebo libu lɛni kemmo na baatɛ, na baasɛ bebo ayu. Nsu Ukyuli Ɔyawine Ubi ni, anwu uuubo katɛnkɔ muedi.”

Yohane 1:18

Ukyuli ɔdi útanu Katɔti nwaa dii. Nsu Katɔti ubidi unwi pɛ ɔni mma-nwu lɛlɔ ni, anwu nédie-nwu nwaa ɔ́tina bekyuli.

Yohane 13:3

Yesu ɔgyi nwaa ka Ɔti úti ɔyikun úte-nwu ka ɔdi ala ƒui lɛlɔ. Na ɔgyi ka Katɔti ɔmmɔ kudɔ na ɔ́si, na nwuna kudɔ kani na ɔdubɔsɔ unwini usie.

Yohane 17:5

Ɔƒɛni ni, Ati, sɔ kɔliku mina lɛnyi katɔ na ƒula anumi aani kalɛ na nse ɔni na lɛ́kya-a kudɔ asa na édie kayawi.

Yohane 3:12

Na si mɔɔsu-mii ala ani mɔɔlɛ́ bina akɔ na kalɔ lɛlɔ mɛni na bilaƒɔ-mi taadi ni, dɛ na bɛdubɔkana na bɛƒɔ-mi bɛdi si lɛ́su-mii lɛla lɛni mɔɔlɛ́ na katɔ?

Yohane 3:31

“Ukyuli Ɔƒunadi ɔni na katɔ na ɔ́si ni, utulo ukyuli biala. Na ukyuli ɔni nási kalɔ lɛnɔ ni, kalɔ ukyuli kani na ɔdi. Na ɔɔtɛmi ala taasiku kalɔ lɛlɔ. Anwu ɔni nási Katɔ Ɔga Ɔma ni, utulo ukyuli biala.

Yohane 6:33

Ɔsika Katɔti adila geen ani na uute bekyuli ndi ami ɔni mɔɔyá na bekyuli beelie ngba.”

Yohane 6:38

Ɔsika ńtasi katɔ ńtebo nnii mɔɔbla ami ɔlati lɛƒɔyɔ. Mmomu líbo nnii mbabla anwu ɔni nátala-mi lɛƒɔyɔ.

Yohane 6:42

Anwuɔsu béye banii, “Ɔɔɔdi Yesu ɔmɛni ndi Yoseƒ ubidi yoo? Bɔgyi ɔti ku uni. Dɛ na ɔ́bla na ɔɔsu ɔnii, ‘Katɔ na lɛ́si líbo’?”

Yohane 6:46

Ɔmɛni ulátina ka ukyuli ɔdi ɔ́ɔnu Ati ɔmmɔ. Mmomu ami ɔni lɛti nási Katɔti kudɔ ni, ami lɛti náanu-nwu.

Yohane 6:51

Ami ndi adila ani muute ngba. Na lɛ́si katɔ lɛ́yu líbo. Ukyuli biala ɔni mɔɔdi adila amɛni adi ni, ɔdubo ngba bulie uwi ƒui. Na adila ani ndubute bekyuli ni, anya ndi mina ɔlɔna.”

Yohane 6:62

Amu dɛ na wabla-mii si banii bɛ́nu ka ami Ukyuli Ɔyawine Ubi lɛ́kɔ lísela katɔ kesii kani na nka nli?

Yohane 8:42

Amu na Yesu ɔ́su-ma ɔnini, “Si Katɔti ndi bina ɔti ni, bɛdubɔyɔ-mi. Ɔsika Katɔti ɔmmɔ kudɔ geen na lɛ́si líbo mɛni. Ńtebo na ami ɔlati bɔyɔ kemmo. Mmomu anwu ɔmmɔ nátala-mi.

Batalane Kabla 2:34

Ɔɔɔdi Dawid náta úsie katɔ mmɔ. Mmomu ni, ɔ́su ɔnini, “ ‘Unwoti ɔ́su mina Unwoti ɔnii, “Sɔ lie-mi kɔdianu kakɛ wetédu uwi ɔni na meti ƒula bekisine makya-a lɛgba kalɔ.” ’

Batalane Kabla 20:28

Ɔmɛni ɔsu ni, binye lɛlɔ kagyumana. Katɔti Kɔyu nábla-mii batɔnkune ɔnii bɛda nwuna bebi bani na Katɔti úti úte-mii bɔda kɔkɔɔkɔ. Bɛda-ma kaduɛ, ɔsika Katɔti úwi Ubidi ubugya kalɔ úti udie-ma lili.

Romaƒuɔ 10:6

Nsu Bunweni Kedee Ɔku ɔ́su ɔ́siku kalɛ na ukyuli ɔɔbla siin na Katɔti anumi ɔkɛnku bɔƒɔtaadi lɛlɔ ɔnini, “Teye lɛlɔ anii, ‘Ɔma ndubusie katɔ?’ ” Nwuna kalɔ ndi, ɔma makɔ katɔ matákpanku Kristo meboku?

Korintoƒuɔ 1 15:47

Adam udeedi ɔni na Katɔti úti lɛti ɔ́vɔ ni, kalɔ lɛlɔ na ɔ́si. Na Adam unyɔdi ni, katɔ na ɔ́si.

Eƒesoƒuɔ 1:23

Baƒɔtaadine bamɛni badi Kristo ɔlɔna na beedie-nwu keyi na ulu biala lɛlɔ ka anwu ndi ukyuli ɔni náƒɔ lɛla biala kemmo ƒui.

Lɛkpa Ulu 30:12

Na bɔɔɔkya katɔ katɔ na bɛsu bɛnii, “Ɔma ndubusie katɔ katɔ mmɔ utéti-mu uboku-bu kalɛ na bunu ɔda bubo bɔmmɔ na bɔdi-mu lɛlɔ?”