Yohane 21:7 - Katɔti Ɔku Kedee

⁷ Amu na ɔtɛyane ɔni na Yesu ɔɔyɔ́ mmɔ ɔ́su Petro ɔnini, “Blɔti na ɔdi!” Ka Simon Petro únu ka ɔtɛyane ɔmmɔ ɔ́su ɔnii Blɔti na ɔdi ni, Petro úti nwuna awu gyɔlɔɔ ɔ́bala lɛlɔ, ɔsika ɔ́da-nwu údie. Na ɔ́ƒulu úduo ntu bɔmmɔ kemmo, na úti úsela Blɔti kudɔ.

Yohane 21:7 ပူးပေါင်းရင်းမြစ်များ

Kɔgya 118:23

Unwoti nábla lɛla bonwu lɛmɛni. Na lɛ́ƒɔ-bu anu geen.

Lɛnu Ƒui Ɔnu 8:7

Ɛpu muedi iye ketu kadi buyi bulakana bɔyɔ buƒie na wanyina-mu wakya ntu kalɔ na ɔɔɔdi lɛla lɛni na beye lɛnɔ si ina bi kayu na ukyuli ɔdi ɔnii waƒɔ.

Marko 11:3

Na si ukyuli ɔdi úye-mii ɔnii, ‘Bi bɛɛka-nwu?’ ni, bɛsu-nwu ka bina Unwoti mɔɔwia-nwu, na biti-nwu biboku mɛni ɔƒaani.”

Luka 12:35

“Bɛklibi lɛlɔ bise bite lɛla biala mebo, na bɛtu akpagya. Na bina likpo liteni.

Luka 2:11

Na ɔmwi limeyi lɛmɛni kani lɛlɔ ni, báwɔ Ɔƒɔne ɔni ndi Blɔti Kristo béte-mii na Ɔga Dawid ɔma kemmo.

Luka 7:47

Anwuɔsu mɔɔsu-ɔ ka ni, na bɔyɔ bɔni na údie ɔ́tina-mi ɔsu ni, ɔ́kɛ nwuna ekpidi pii ani na ɔ́bla ƒui buti taakyiɛ. Na ukyuli ɔni na blii na béti bákyiɛ-nwu ni, nwuna bɔyɔ lɛnɔ buse blii.”

Yohane 13:23

Na batɛyane bammɔ akɔ unwi ɔni na Yesu ɔɔyɔ́ ni, úlie ude Yesu.

Yohane 19:26

Yesu ɔ́nu uni ku nwuna ɔtɛyane ɔni na ɔɔyɔ́ geen ka benye. Anwuɔsu ɔ́su uni ɔnini, “Nna, aanu ƒ'ubidi.”

Yohane 20:2

Anwuɔsu úkeli úsie Simon Petro ku ɔtɛyane ɔni na Yesu ɔɔyɔ́ mmɔ kudɔ. Na útásu-ma ɔnini, “Bekyuli badi bétédie Blɔti na kaƒiɔtɔ kammɔ kemmo bátɔlɔku. Na bɔɔɔgyi kesii kani na béti-nwu bétése!”

Yohane 20:20

Ka ɔ́su-ma ɔmɛni ɔ́wɔlɔ ni, Yesu úti nwuna enu ku ɔƒɛnyi ɔ́tina-ma. Na lɛlɔ lɛ́yɔ batɛyane bammɔ ka bánu Blɔti ɔsu.

Yohane 20:28

Ka Yesu ɔ́su-nwu lɛni ni, Toma údie kenye ɔnini, “Mina Ati ku Katɔti!”

Yohane 21:20

Amu ka Petro ɔ́tu únwini ni, ɔ́nu ɔtɛyane ɔni na Yesu ɔɔyɔ́ mmɔ. Anwu ndi ɔtɛyane ɔni nábu úsie Yesu kudɔ uwi ɔdi návi ɔni na baadiku-nwu adila ekplodi na úye Yesu ɔnini, “Blɔti, ɔma ndubo-ɔ kakya bɔkya?”

Yohane 21:24

Ɔtɛyane ɔni lɛlɔ litemi na bɔɔsu mɛni ndi ami ɔni násu ala amɛni. Na línweni-nya líse lɛnɔ. Na baƒɔtaadine ƒui bagyi ka ala ani kenye na muudie mɛni adi litemi geen.

Yohane 21:8

Na batɛyane bakladi béti ɔkɔlɔ ɔmmɔ na básia ntu lɛlɔ bébedu ɛpu kɔtu. Na báni asawu ku kɔbɛ kɔmmɔ béboku. Na ɔ́si kesii kani na bédie kɔbɛ kɔmmɔ útédu ɛpu kɔtu ni, útagyu. Ɔ́bla aani lɛgba budie eti anyɔ.

Batalane Kabla 10:36

Lɛ́ƒɔ lɛ́di ka bínu litemi buni lɛni na básu béte Israelƒuɔ ka ni, ɔkɛ Yesu Kristo lɛlɔ ni, badubɔkɛ keyi buɛɛ. Na anwu ndi Ukyuli Ɔƒunadi ɔni lɛnɔ ndi bayawine ƒui Ɔti.

Batalane Kabla 2:36

Anwuɔsu mɔɔyá na amii Israelƒuɔ bɛti ka ni, Katɔti nábla Yesu ɔni na amii bɛ́du mɛni ɔnii unwini Blɔti ku Ukyuli Ɔƒunadi.”

Korintoƒuɔ 1 15:47

Adam udeedi ɔni na Katɔti úti lɛti ɔ́vɔ ni, kalɔ lɛlɔ na ɔ́si. Na Adam unyɔdi ni, katɔ na ɔ́si.

Korintoƒuɔ 2 5:14

Kristo bɔyɔ bɔni na ubo ute-bu mɔɔdi-bu lɛlɔ. Ɔƒɛni ka bɔ́nu bɔ́ti ka ukyuli unwi nékpi na bekyuli ƒui lili ɔsu ni, ɔmɛni ɔɔtina ka bula ƒui bútu kukpi kɔmmɔ kenye bɔ́nu.

Yakobo 2:1

Banwa, ka bɛ́ƒɔ Blɔti Yesu Kristo ɔni ndi Bula Ɔbune bɛ́di ɔsu ni, bitanu anumi bitabla lɛla lɛdi.