Yohane 20:17 - Katɔti Ɔku Kedee

¹⁷ Mmɔ ni, Yesu ɔ́su-nwu ɔnini, “Tatu tada-mi, ɔsika ńtenwini tɔ ńtesie Katɔti kudɔ. Mmomu teesie mina banwani kudɔ na atásu-ma anii línwini lísela mina Ɔti ɔni ndi Katɔti kudɔ. Na anwu ndi amii lɛnɔ Ɔti ku bina Katɔti.”

Yohane 20:17 ပူးပေါင်းရင်းမြစ်များ

Yohane 16:28

Sɔsɔ na ɔdi ka Ati kudɔ na lɛ́si líbo kayawi. Na ɔƒɛni mɔɔtɔlɔ kayawi kamɛni kemmo nteesie Ati kudɔ.”

Petro 1 1:3

Bɛya na bɔgya Katɔti ɔni ndi Blɔti Yesu Kristo Ɔti enu. Ka Katɔti ɔɔnu-bu kɔnyana geen ɔsu ni, ɔ́ya na bɔdubulie ngba bɔwɔdi na kɔyu kemmo, ɔsika ɔ́gyila Yesu Kristo ɔ́lɛku kekpine. Anwuɔsu na bubo lɛnunsia lɛni naaayii udu kudii.

Galatiƒuɔ 3:26

Ɔkɛnku Kristo bɔƒɔtaadi kemmo ɔsu na bina ƒui bɛdi Katɔti bebi.

Yohane 17:11

Na ɔƒɛni ni, lɛ́tɔlɔ ndubo-ɔ kudɔ. Na nsɔ lɛɛɛkya kayawi kamɛni kemmo. Nsu ama bamu bakya kayawi. Ati Kedee, gyumana-ma ɔkɛnku ɔyikun ala ani mɔɔlɛ́ si bákpali-ɔ lɛnyi. Na lɛnyi lɛmmɔ kani na éti éte-mi. Ɔmɛni ndubɔya na babla unwi aani kalɛ na ami ku awɔ bɔdi benwi.

Yohane 1 3:2

Mina banwa bayɔne, ɔƒɛni ni, búnwini Katɔti bebi. Nsu bekyuli bani udu na bɔdubo bunwini ni, Katɔti útedie-nwu tɔ keyi. Nsu bɔgyi ka si lebo lɛni na Kristo ɔ́da ɔ́lɛ ni, bɔdubo bɔbla aani nwuna kalɛ. Ɔsika bɔdubo-nwu bɔnu kalɛ geen na use.

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Marko 16:19

Uwi ɔni na Blɔti Yesu ɔ́tɛmiku-ma mmɔ kama ni, Katɔti úti-nwu úsienku katɔ na útélie keliekɔ kenengudi kani nsiaku Ɔti kadi.

Kɔgya 68:18

Uwi ɔni na ákɔ ésie katɔ ƒui ni, éti bekyuli bani na ékpo áƒɔ ƒui átɔlɔku. Na éte-ma etela. Na ƒula bekisine bani naaayɔ ka elie mmɔ muedi lɛnɔ béte-ɔ ala.

Budie Taatina 21:3

Na línu lɛdi bonwu lɛdi ɔ́si lɛgaboku lɛmmɔ kudɔ ka lɛɛsu lɛnini, “Bɛnu! Katɔti keliekɔ káyu kébo bekyuli akɔ. Ɔdubulie-ma kudɔ na ama benwini-nwu bekyuli. Na Katɔti ɔlati ɔkya-ma akɔ na ɔdi-ma Kɔti.

Korintoƒuɔ 2 6:18

Na ami ndubɔbla bina Ɔti, na amii lɛnɔ bɛbla mina bebi banana ku belekubi. Lɛni na Katɔti Ɔyikune Ƒui ɔɔsu.”

Romaƒuɔ 8:29

Na bekyuli bani na Katɔti ɔgyi use ni, úse-ma likpo na ɔ́ya bálɛ Ubidi kalɛ na Ubidi ɔbla udeedi na nwuna banwa pii bammɔ akɔ.

Yohane 17:25

“Ati, ese siin. Na kayawi bekyuli baaagyi-ɔ, nsu ami ngyi-ɔ. Na ƒula badi lɛnɔ bagyi ka awɔ nátala-mi.

Mateo 28:7

Bisie pla na bitásu nwuna batɛyane bɛnii ɔ́ta ɔ́lɛ bekpine akɔ ulie ngba, na ɔtɔ-mii anumi úsela Galilea. Mmɔ na bɛdubɔnu-nwu. Ɔmɛni ɔsu nkɛ.”

Mateo 12:50

Na ukyuli ɔni mɔɔbla mina Ɔti ɔni nkya katɔ lɛyɔla ni, anwu ndi mina ɔnwani ɔnanabi ku ɔnwani ulekubi ku mina uni.”

Budie Taatina 21:7

Ukyuli ɔni madi ekpidi lɛlɔ ni, ɔdubɔkɛ kadikɔ kamɛni. Na ami lɛdi-nwu Kɔti, na anwu wadi mina ubi.

Hebriƒuɔ 8:10

Bunyimi bɔni na ami Katɔti mɔɔsu ka ndubo bunyimiku Israel kadi bekyuli uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kasusu kemmo. Na ndubunweni-mu lɛkya-ma kayi kemmo. Ndubɔbla bana Katɔti na ama lɛnɔ babla mina bekyuli.

Yohane 20:27

Amu na ɔ́su Toma ɔnini, “Bo, na ebeti ƒula lɛnimi akya mɛni. Na anu mina enu. Na eti ƒula kɔnu akya-mi ɔƒɛnyi. Na ada ƒula taƒɔ tadi aya. Na aƒɔ adi ɔƒɛni kani!”

Yohane 17:5

Ɔƒɛni ni, Ati, sɔ kɔliku mina lɛnyi katɔ na ƒula anumi aani kalɛ na nse ɔni na lɛ́kya-a kudɔ asa na édie kayawi.

Yohane 14:28

Bínu ka lɛ́su-mii nnii, ‘Bɔtɔlɔ nda bina kudɔ, na ndubɔsɔ linwini libo-mii kudɔ.’ Si bɛgyi ka bɛɛyɔ́-mi geen ni, kubiti kɔdubɔda-mii ka lísela Ati kudɔ. Ɔsika anwu utulo-mi.

Yohane 14:2

Kuduokɔ pii kɔkya mina Ɔti kesii. Na lísela ntáklibi kuduokɔ kɔmmɔ lise-mii. Na si buse na uuuse lɛni ni, nka naaasu ɔmɛni.

Yohane 13:3

Yesu ɔgyi nwaa ka Ɔti úti ɔyikun úte-nwu ka ɔdi ala ƒui lɛlɔ. Na ɔgyi ka Katɔti ɔmmɔ kudɔ na ɔ́si, na nwuna kudɔ kani na ɔdubɔsɔ unwini usie.

Yohane 13:1

Amu na limeyi lɛni na kadi kégye ndi Kukpi Lili Bɔvia Limeyi lɛmmɔ ni, Yesu ɔ́ti ka uwi údu ka ɔtɔlɔ kayawi kamɛni lɛlɔ uteesie ɔti kudɔ. Na ka ɔɔyɔ́ ama bani náƒɔ-nwu bádi ƒui na kayawi kamɛni lɛlɔ ɔsu ni, ɔɔwia ka ɔtina-ma kalɛ na ɔɔyɔ́-ma geen.

Yohane 7:33

Amu na Yesu ɔ́su-ma ɔnini, “Ndubɔsɔ lɛkya-mii kudɔ libu uwi klukui ɔdi kani na lɛtɔlɔ nteesie Anwu ɔni nátala-mi kudɔ.

Luka 10:4

Na biteti egulabi kavumi iye koƒo iye lɛgbanvuo, na bitedi bitenye ulu bɛnii biigyele ukyuli ɔdi.

Esekiel 37:27

Ndubulie mina kadi bekyuli akɔ na lɛbla bana Katɔti.

Esekiel 36:28

Na bɛdubɔsɔ binwini bibelie ɔmii ɔni na líte bina bati lɛlɔ na binwini mina kadi bekyuli na ami lɛbla bina Katɔti.

Yeremia 32:38

Badubɔbla mina bekyuli na ami lɛbla bana Katɔti.

Yeremia 31:33

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ Ndubɔbla bana Katɔti na ama lɛnɔ babla mina bekyuli.

Kɔgya 89:26

Ɔdubɔkpali-mi na ɔsu ɔnini, ‘Awɔ ndi mina Ati ku Katɔti, ɔni ndi mina lɛtakpɛ lɛni mɔɔyá na mɔɔkɛ́ ngba bɔƒɔ.’

Baga 2 7:9

Nsu básu lɛlɔ banini, “Ɔlɛka bɔda ala amɛni bɔbla bɔya. Ɔsika buuunye bulábla lɛla lɛbuni. Ɔmwi kadi bubo litemi lɛbuni na utalɛ ka abu lɛti buti-ni bɔkya lɛlɔ. Na si bɔnii buulie na ɔtanta udu asa ni, bɔdubɔkɛ kɔtu bɔni. Ɔmmɔ ɔsu bɛya na buteesie ɔƒaani na butásu ɔga ku nwuna benengu.”

Mateo 25:40

“Amu na Ɔga ɔmmɔ ɔdubudie kenye ɔnini, ‘Mɔɔsu-mii nnii uwi ɔni na bíbunku ukyuli ɔni na bilábu ƒui na mina badi akɔ ni, ami na bɛ́bla bíte.’

Kɔgya 48:14

Ɔsika Unwoti Katɔti ɔmɛni ndi bula Unwoti ɔsi ɔƒɛni úsela ƒui. Na anwu ndubɔtɔnku-bu uwi biala.

Kɔgya 43:4

Ndubusie ƒula lɛkpabi kudɔ mmɔ ntákpa-a, ɔsika awɔ mɔɔyá na lɛlɔ lɛɛyɔ́-mi. Na ndubuti ɔbentaa na lɛgya lidie kɔgya limwi-ɔ, O mina Katɔti.

Kɔgya 22:22

Ndubo ƒula lɛnyi kudu bubo bute mina banwa. Na ndubumwi-ɔ lɛnyi kedee na baƒɔtaadine lɛkpa ƒui akɔ.

Baga 2 4:29

Amu na Elisa ɔ́su Gehasi ɔnini, “Babala na akya ƒula awu na eti kabuli ada kavobi. Na eti mina ugyii ɔdadi ada kɔnu. Na ekeli usi na si ásiaku ukyuli ɔdi ni, takya-nwu kenye. Na si ukyuli ɔdi lɛnɔ ɔ́kya-a kenye ni, takpete-nwu. Na si ésie ni, na eti mina ugyii ɔmmɔ asia ɔnamu ɔmmɔ anumi lɛlɔ.”

Hebriƒuɔ 11:16

Mmomu ni, baanu ulu teete kalɔ kani ndia ntulo kammɔ. Na aka ndi Katɔ Ɔga Ɔma kadi. Ɔmmɔ ɔsu ulekpo Katɔti lɛnɔ kɔƒa ka balɔ-nwu banii bana Katɔti. Ɔsika ɔ́ɔda ɔma unengudi ɔdi úse-ma.

Yesaia 41:10

Bitayia, nliku-mii. Liƒu lɛsɔ litada-mi na bitaatɔ kpakpaakpa. Ami ndi bina Katɔti. Ndubɔya na bɛkɛ ɔyikun, na libunku-mii. Ndubɔtalaku-mii katɔ ku mina ɔyikun ablala ani nse siin.

Marko 12:26

Nsu na bekpine bɔsɔ taata litemi lɛlɔ ni, Mose únweni lɛla lɛdi na Bunweni Kedee Ɔku kemmo ɔ́siku kugyii blii kɔni mɔɔkywí lɛlɔ. Munuu bilenyimo? Mmɔ na únweni ka Katɔti ɔ́su-nwu ɔnini, ‘Ami ndi Abraham Katɔti ku Isak Katɔti ku Yakob lɛnɔ Katɔti.’