Yohane 20:1 - Katɔti Ɔku Kedee

¹ Na Kwasida ɔtanta tutuutu uwi ɔni kemmo na kadi kátabla tɔ nwaa ni, Maria Magdalene úsie kaƒiɔtɔ kammɔ kudɔ na útánu ka lɛtabi lɛni na béti bébi ubu ɔmmɔ kenye lɛsɔ liiibi.

Yohane 20:1 ပူးပေါင်းရင်းမြစ်များ

Mateo 27:56

Bana badi ndi Maria Magdalene, ku Maria ɔni ndi Yakobo ku Yoseƒ uni, ku Yohane ku Yakobo uni.

Mateo 27:60

Na úti-nwu útáva lɛtakpɛ ubu kaƒiɔtɔ kawɔdi kani na ɔ́ya na béku béte-nwu kemmo. Na ɔ́ya na béminime lɛtakpɛ lɛdi bétile-ka kenye na ɔ́tɔlɔ.

Mateo 27:64

Anwuɔsu su kpakplaa anii bagyumanane banu kaƒiɔtɔ kammɔ kaduɛ utálɛ limeyi lɛtɛdi lɛmmɔ lɛlɔ kalɛ na nwuna batɛyane bammɔ beléyu ukpine ɔmmɔ na basu banii ɔ́ta ɔ́lɛ bekpine akɔ. Ɔsika buláwia ka katɔlɔ kani masia ketulo kedeedi.”

Mateo 27:66

Amu na bésie bátábala lɛtakpɛ lɛmmɔ kenye na bése-ni likpo kalɛ na si ukyuli ɔdi útuku-ka na banu bati. Na báda bekpone bése mmɔ na baagyumana kaƒiɔtɔ kammɔ.

Mateo 28:1

Ka kadi kégye Kwasida ɔtanta ni, Maria Magdalene ku Maria ɔkladi ɔmmɔ bésie banii batánu Yesu kaƒiɔtɔ kammɔ.

Mateo 28:2

Kɔnakunwi ni, kalɔ kákunku momoomo geen. Na Katɔti ɔtu ɔdi ɔ́yu ɔ́si katɔ úbo na úbeminime lɛtakpɛ lɛmmɔ, na úlie-ni lɛlɔ.

Marko 15:46

Amu na Yoseƒ úse útáƒami Yesu ukpine na únyimi-nwu ɔ́kya lɛdiku lɛwɔdi lɛni na úye kemmo. Na úti-nwu útákya lɛtakpɛ kaƒiɔtɔ kani béku bése na kɔbi kɔdi kaƒɔna. Amu na ɔ́ya na béminime lɛtakpɛ lɛdi béti bétile kaƒiɔtɔ kamɛni kenye.

Marko 16:9

Ka Yesu ɔ́ta ɔ́lɛ kaƒiɔtɔ kemmo na Kwasida ɔmɛni lɛdigye ni, ɔ́ka lɛlɔ budie bɔtina Maria Magdalene ɔni lɛlɔ kemmo na ɔ́bɔku ayu ekpidi maatɛ ɔ́lɛku dii.

Yohane 11:38

Yesu ɔ́sɔ údumo geen, na úsie utédu kaƒiɔtɔ kammɔ kudɔ. Kaƒiɔtɔ kammɔ kadi lɛtabi ubu ɔni na béti lɛtabi bamba bábala-nwu kenye.

Yohane 11:41

Amu na Bekyuli bammɔ béliiku lɛtabi lɛmmɔ bédie ubu ɔmmɔ kenye. Na Yesu ɔ́nu katɔ na ɔ́su ɔnini, “Ati, mɔɔgyá-a enu, ɔsika aatuna teete-mi si lɛ́kpali-ɔ.

Yohane 19:25

Na Yesu ugyii ɔmmɔ kalɔ ni, Yesu uni ku uni ɔnwani ulekubi ku Klopa ulekudi Maria ku Maria Magdalene benye.

Yohane 20:26

Amu na Kwasida unwi kama ni, batɛyane bammɔ básɔ bása belie ɔtɔ kemmo, na Toma lɛnɔ ɔkya-ma akɔ. Básɔ bákalɛ ɔtɔ ɔmmɔ lɛni kani. Nsu Yesu úbo na úbenye-ma ntɛ, na ɔ́su-ma ɔnini, “Keyi buɛɛ kasiaku-mii.”

Batalane Kabla 20:7

Amu na Kwasida limeyi lideedi lɛlɔ ni, bɔ́sala lɛlɔ lisu bɔnii bɔɔdi Blɔti adila. Na ka Paulo ɔdubo bɔtɔlɔ kadi kegye ɔsu ni, útemi laa útédu usientɛ.

Korintoƒuɔ 1 16:2

Na Kwasida limeyi biala ni, ɔdi biala ɔklibi lɛla lɛdi use sɛsɛɛ na kalɛ na ɔ́kɛ kenye na ɔklibi-nya use kalɛ na ɔ́sɔ ulabla egulabi adi buyi si líbo-mii kudɔ.

Budie Taatina 1:10

Na limeyi lɛni lɛlɔ na baƒɔtaadine baasa teemwi Blɔti ni, Katɔti Kɔyu kɔ́ƒɔ-mi lɛlɔ kemmo ƒui na línu ka lɛdi lɛdi lɛ́ku momoomo aani kakpɛɛ na lɛɛtɛmi na mina kama.