Yohane 2:18 - Katɔti Ɔku Kedee

¹⁸ Na ɔmɛni ɔsu ni, Yudaƒuɔ batɔnkune bádɔnku Yesu banini, “Ɔma nátala-a lɛla lɛmɛni udu bɔbla? Akɔla budie bɔtina bɔmani na adubɔbla na eti atina-bu kenyekɔ kani na ebo ɔsu na aabla lɛni?”

Yohane 2:18 ပူးပေါင်းရင်းမြစ်များ

Baga 1 13:3

Limeyi lɛmmɔ kani ni, Katɔti kenye udiene ɔmmɔ ɔ́bla likposela lɛdi na ɔ́su ɔnini, “Ɔmɛni ndi Unwoti likposela ka lɛkpabi lɛmɛni lɛdubo bɔbwɛ na lile lɛlɔ kemmo inyɔ. Na ntɔ bɔni na buwi-nwu kemmo ni, buwilimi buwi kalɔ.”

Israelƒuɔ Bɔlɛ 7:9

“Si Ƒarao ɔ́su-mii ɔnini, ‘Bɛbla akɔla budie taatina bɔdi’ ni, na asu Aaron na uti nwuna ugyii ɔdadi mmɔ ɔva Ƒarao anumi. Na ugyii ɔmmɔ ɔdubunwini kɔlakpi.”

Mateo 21:23

Amu na Yesu únwini úbo Katɔti kakpakɔ mmɔ. Na ka ɔɔtina ala ni, Katɔti bakpane benengu ku Yudaƒuɔ benengu bammɔ bébeye-nwu banii, “Kenyekɔ kamani na ebo asa na aabla ala amɛni udu? Na ɔma néte-ɔ kenyekɔ kammɔ?”

Marko 8:11

Ƒarisiƒuɔ badi bébo Yesu kudɔ na bakya beeye-nwu etemila taakɔku-nwu taanu. Anwuɔsu básu-nwu banii ɔbla akɔla adi na banu ka Katɔti kudɔ na ɔ́si.

Luka 11:29

Amu ka bekyuli bammɔ beemomo Yesu kudɔ teebu ni, úsie anumi na ɔ́su-ma ɔnini, “Bɛnu kalɛ na ɔmwi limeyi bekyuli bebo likyulikpi! Akɔla budie bɔtina na baawia banu, nsu balanu budie bɔtina bɔdi uti utulo Yona bɔdi.

Yohane 1:19

Yohane údie kenye kadi úte Yudaƒuɔ batɔnkune bani nátala bakpane ku bana bebunkune básiku Yerusalem bákya-nwu. Bébo bébeye-nwu banini, “Ɔma geen na aasu anii adi tɔ?”

Yohane 1:25

Anwuɔsu béye-nwu banini, “Si aaadi bekyuli bani na Katɔti ɔ́su úse ka badubo akɔ unwi aani Ukyuli Ɔƒunadi, iye Elia, iye Kenye Udiene ɔmmɔ ni, bi ɔsu na aabla ketu kemmo ntu bɔkpila ɔdi ɔmɛni?”

Yohane 6:30

Amu na básɔ béye-nwu banini, “Akɔla budie taatina bɔmani na adubɔtina-bu kalɛ na bɔƒɔ-ɔ bɔdi? Bi na aakana bɔbla?

Batalane Kabla 4:7

Na bédie batalane bamɛni béboku bana anumi mmɔ. Na béye-ma banini, “Ulu ɔmani lɛlɔ na bɛ́bla ɔmɛni? Ɔma lɛnyi ku ɔyikun kemmo na bɛ́bla ala amɛni udu?”

Batalane Kabla 5:28

ɔkpane unengudi úye-ma ɔnini, “Bútasu-mii bɔnii bɛsɔ bitasu litemi lɛdi bitasiku Yesu ɔmɛni lɛlɔ iye? Nsu bíigyingya etemila amɛni bíyile Yerusalem ƒui. Na bɛɛwia ka biti nwuna kukpi kɔtu bɔni bɛsia-bu lɛlɔ!”