Yohane 2:13 - Katɔti Ɔku Kedee

¹³ Lebo lɛmmɔ ni, uwi ɔdaku budu ka badi Yudaƒuɔ Kukpi Lili Bɔvia Limeyi, na Yesu lɛnɔ úsie Yerusalem.

Yohane 2:13 ပူးပေါင်းရင်းမြစ်များ

Nehemia 13:8

Na ka ńtánu ni, livo líƒi-mi geen, na lɛ́la Tobia ala ƒui líbo líwi keyi.

Mateo 21:12

Yesu úsie útéduo Katɔti kakpakɔ na ɔ́gya bekyuli bani nkya mɔɔdi kuye na mmɔ ɔ́lɛku kaduli kammɔ kemmo. Údi kasiakɔ kani lɛlɔ na bekyuli bani mɔɔvumana kɔlɔ bamba egulabi teete bekyuli mmɔ úbo. Na údi bani muuyé babloduma lɛnɔ eboku úbo.

Marko 11:15

Ka bétéduo Yerusalem ni, Yesu úsie Yudaƒuɔ kakpakɔ na ɔkya ɔɔgyá bekyuli bani nkya mɔɔdi kuye na mmɔ taalɛku kaduli kammɔ. Údi egulabi bavumanane ala kasiakɔ úbo. Na údi bani nlie beeyé babloduma lɛnɔ eboku úbo.

Luka 19:45

Yesu úsie útéduo Katɔti kakpakɔ na úse kalɔ ɔɔgyá beyedine bani nkya mmɔ taalɛku.

Luka 2:41

Lɛkwa ndi lɛkwa ni, Yesu bawɔne beesié Yerusalem taatádi limeyi lɛni baalɔ banii Kukpi Lili Bɔvia Limeyi.

Yohane 11:55

Uwi ɔmmɔ kemmo ni, Yudaƒuɔ Kukpi Lili Bɔvia Limeyi bɔdi ɔ́ɔkpɛ úde. Na bekyuli pii bási kalɔ kammɔ ekpo ƒui bésie Yerusalem bátátaabla lɛlɔ bɔƒɔ ɔdi ɔmmɔ batáklibi lɛlɔ bete limeyi lɛmmɔ bɔdi.

Yohane 13:1

Amu na limeyi lɛni na kadi kégye ndi Kukpi Lili Bɔvia Limeyi lɛmmɔ ni, Yesu ɔ́ti ka uwi údu ka ɔtɔlɔ kayawi kamɛni lɛlɔ uteesie ɔti kudɔ. Na ka ɔɔyɔ́ ama bani náƒɔ-nwu bádi ƒui na kayawi kamɛni lɛlɔ ɔsu ni, ɔɔwia ka ɔtina-ma kalɛ na ɔɔyɔ́-ma geen.

Yohane 2:23

Uwi ɔni na Yesu ɔ́kya Yerusalem na Kukpi Lili Bɔvia uwi kemmo ni, bekyuli pii bánu akɔla lidu lidu lɛni na ɔ́bla na báƒɔ-nwu bádi ka ubo Katɔti ɔyikun.

Yohane 5:1

Ɔmmɔ kama ni, Yesu ɔ́sɔ únwini úsie Yerusalem na Yudaƒuɔ limeyi lɛdi bɔdi ɔsu.

Yohane 6:4

Uwi ɔmmɔ ni, Yudaƒuɔ Kukpi Lili Bɔvia Limeyi bɔdi uwi ɔdaku budu.

Lɛkpa Ulu 16:16

Na lɛkwa biala kemmo ni, Israelƒuɔ ƒui banana ɔlɛka bebo Unwoti anumi kɔtɛ babakpa-nwu na kesii kani na ɔ́su úse ka bitaakpa-nwu mmɔ. Na emeyi ani badubɔdi mmɔ ndi Bodobodo Ɔni Néteƒu Limeyi ku Edula Bɔƒɛ Limeyi ku Kevo Kemmo Bulie Emeyi. Na ukyuli ɔdi utebo Katɔti anumi mmɔ ku enukplu.