Yohane 2:12 - Katɔti Ɔku Kedee

¹² Na uleku buti kama ni, Yesu ku uni ku Yesu banwani ku batɛyane bammɔ bátɔlɔ bésie ɔma ɔni baalɔ banii Kapernaum. Na bélie mmɔ emeyi alɛɛ adi.

Yohane 2:12 ပူးပေါင်းရင်းမြစ်များ

Mateo 11:23

Na awɔ Kapernaum ni, aakali ka Katɔti ɔdubɔtalaku-ɔ katɔ? Oowo! Katɔti ɔdubɔyulaku-ɔ kalɔ usienku lɛgyavonku kemmo. Ɔsika akɔla budie taatina ani lɛ́bla na bina akɔ ni, si Sodom na lɛ́bla-nya ni, nka ɔmu ɔdi ɔma úbalɛ ɔmwi.

Mateo 12:46

Uwi ɔni na Yesu ɔkya uutemiku bekyuli bammɔ ni, nwuna banwani ku uni bébo bébenye keyi banii baawia ka batɛmiku-nwu.

Mateo 4:13

Útelie Nasaret, mmomu úsie útélie Kapernaum, ɔma ɔni na uwi Galilea Ɛpu kudɔ na Sebulon ku Naƒtali kalɔ lɛlɔ.

Marko 6:3

Ɔɔɔdi anwu ndi Maria ubidi ɔni ndi ligyii ɔnwine? Munuu ɔɔɔdi Yakobo ku Yose ku Yuda ku Simon banwani na ɔdi? Na nwuna banwani belekubi lɛnɔ nkya mɛni!” Anwuɔsu bekyuli bamɛni béni-nwu.

Yohane 2:2

Na bálɔ Yesu ku nwuna batɛyane lɛnɔ banii bebo uleku ketikɔ mmɔ.

Yohane 4:46

Ɔmmɔ kama ni, Yesu ɔ́sɔ únwini úsie Kana na Galilea kalɔ lɛlɔ mmɔ kesii kani na úti ntu únwini ntɛ. Uwi ɔmmɔ kemmo ni, aban unengu ɔdi nási Kapernaum únu ka Yesu ɔ́si Yudea úbo Galilea. Na ka ubidi lɛnɔ uuƒi kpakplaa ɔsu ni, unengu ɔmɛni úsie Kana na útánu Yesu na úvele-nwu ɔnii ɔsiaku-nwu na besie Kapernaum na utábwi ubidi ute-nwu, ɔsika úudu kaƒiɔtɔ kɔtu.

Yohane 6:17

Na bákɔ béduo ɔkɔlɔ kemmo, na bávia bésela Kapernaum, ɔsika kadi kása na Yesu útebo-ma tɔ kudɔ.

Korintoƒuɔ 1 9:5

Bubo kuƒi ka abu lɛnɔ buti bula beleku bɔda aani kalɛ na batalane bakladi ku Blɔti banwani ku Petro lɛnɔ baabla.

Galatiƒuɔ 1:19

Ɔmmɔ kama lɛ́sɔ ńtanu ɔtalane ɔdi lɛnɔ, amu ntu Yakobo ɔni ndi Blɔti ɔnwani kani.