Yohane 19:31 - Katɔti Ɔku Kedee

³¹ Amu na Yudaƒuɔ benengu bammɔ básu Pilato banii ute-ma kuƒi na bekyuli bani na bákana bámana ugyii lɛlɔ mmɔ ni, na bebo-ma lɛgba ekubi baƒɛ na baƒami-ma na ugyii lɛlɔ mmɔ. Yudaƒuɔ bammɔ báwia ka babla ɔmɛni ɔsika limeyi lɛmmɔ lɛdi Ƒida. Na bátayɔ ka bekyuli bammɔ ɔlɔna ɔƒa ligyii lɛlɔ mmɔ utédu kadi kégye kani ndi bana lɛnwunameyi. Na lɛnwunameyi lɛni ndubo mmɔ lɛnɔ lɛdi limeyi linengudi geen lɛni nse kedee ƒui lite-ma.

Yohane 19:31 ပူးပေါင်းရင်းမြစ်များ

Israelƒuɔ Bɔlɛ 12:16

Na limeyi lideedi ku maatɛdi ni, bɛsa bɔsa kedee na mina lɛnyi lɛlɔ. Na ukyuli biala utabla kabla kadi emeyi ammɔ kemmo. Nsu bibo kuƒi ka bɛnwa adila bɛdi. Ɔmɛni kani na ɔlɛka bɛbla.

Agba 12:10

Bekyuli babuni ni, baawia bana bebuo bani na baatumini muedi bɔdia. Nsu lɛƒɔndia lɛni na ulikplune ɔɔbla ukyuli ni, lɛdanku kasusu kekpidi.

Mika 3:3

Na beebó bana ekubi taaƒɛ na baasála ɔna ƒui teeƒulo na libui linwi kemmo taaduli teebweli.

Mateo 27:62

Na kadi kégye ɔni ndi lɛnwunameyi ni, bakpane benengu ku Ƒarisiƒuɔ bésie Pilato kudɔ.

Marko 15:42

Ala amɛni ƒui álɛ na limeyi lɛni ntɔ lɛnwunameyi lɛlɔ. Na ka ɔdaku useyi uwi budu ni,

Yohane 19:1

Anwuɔsu ni, Pilato ɔ́ya na bagyumanane béti kɔbuli kɔni na bélii básala na bébo Yesu kaduɛ.

Yohane 19:14

Uwi ɔmmɔ ɔbla aani ɔƒiiwi. Na lɛdi limeyi lɛni kadi kegye ndi Kukpi Lili Bɔvia Limeyi lɛmmɔ. Na Pilato ɔ́su bekyuli bammɔ ɔnini, “Bɛɛnu bina Ɔga!”

Yohane 19:42

Ɔƒɛni ka kadi kegye kani ndi lɛnwunameyi na kaƒiɔtɔ kammɔ lɛnɔ kede mmɔ ɔsu ni, béti Yesu bátáva mmɔ.

Yosua 8:29

Na Yosua ɔ́kya Aiƒuɔ ɔga kabuli ɔda kugyii lɛlɔ na ɔ́da-nwu ɔ́ƒala mmɔ úti útédu useyi. Na ɔƒɛ úsela kanukɔ ni, ɔ́ya na bédie-nwu kabuli kammɔ na bétébo-nwu báva ɔma ɔmmɔ kabɛnye. Na ɔ́ya na bála atakpɛ pii béwi-nwu lɛlɔ. Na atakpɛ ammɔ amu ewi mmɔ úti úbedu ɔmwi kadi.