Yohane 19:30 - Katɔti Ɔku Kedee

³⁰ Ka Yesu ɔ́ni ntɛ bɔmmɔ ɔ́wɔlɔ ni, ɔ́su ɔnini, “Ɔƒɛni amu ɔ́sa!” Ka ɔ́su lɛni ɔ́wɔlɔ ni, ɔ́kya lili kalɔ na ɔ́yula.

Yohane 19:30 ပူးပေါင်းရင်းမြစ်များ

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Kɔgya 22:15

Mina ɔyikun ɔ́sa aani libui lɛni nábwɛ kɔkɛ kɔkɛ. Na mina unyemi ɔ́du ɔ́ma-mi kenye kemmo. Na áya na bébi-mi kukpi ɔtumu.

Yesaia 53:10

Nsu Unwoti ɔlati nése ɔmɛni úse lɛni ɔnii nwuna kabla ɔblane ubo abi amɛni udu na badu-nwu, na ɔƒɔ kayu na bekyuli ƒui lili na bana ekpidi ɔsu. Na ina ka úbo lɛni muedi ni, ɔdubulie na ɔnu nwuna bawɔ bawɔ. Na ɔkɛnku nwuna lɛlɔ ni, lɛla lɛni na Unwoti ɔ́lɛ ugyii úse lɛdububo-nwu kemmo.

Yesaia 53:12

Unwoti ɔdubɔƒɔ kayu kabuni bute-nwu na ute-nwu kenyekɔ kenengudi ku ɔyikun na kalɛ na úbo abi útédu ku kukpi kemmo na ɔ́ƒɔ kayu na bekyuli ƒui lili ɔsu. Báka-nwu bákya bekyuli bekpidi akɔ. Ɔsika bekyuli pii ekpidi na ɔ́ƒɔ ɔ́sia lɛlɔ, na úti lɛlɔ ɔ́kpa na bana lili, na ɔ́ƒɔ-ma ngba.

Daniel 9:24

Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Daniel 9:26

Na uwi ɔmɛni kawɔlɔkɔ ni, badubo Ukyuli Ɔƒunadi ɔmɛni bɔdu na nwuna lɛla biala lilébu. Kadi bamba lɛlɔ ɔdine ɔni ndi ɔƒɔ ɔdi ku nwuna bekpone badubo babasia mmɔ bavi aani kalɛ na ketu keeyi taagba taavi kesii kadi na babwɛ ɔma ɔmmɔ ku kakpakɔ kammɔ na kekpo ku ala bubile bɔmmɔ bɔdubusie anumi utédu kawɔlɔkɔ aani kalɛ na Unwoti ɔ́lɛ ugyii úse.

Sakaria 13:7

Unwoti Ɔyikune Ƒui ɔnini, “Ya liti mina kewii na likpoku mina baƒonu ɔdane ku mina ɔkpana. Du baƒonu ɔdane ɔmmɔ na baƒonu bammɔ badubugyingya, na ndubudie banamudi bammɔ atu.

Mateo 20:28

Lɛni na ami Ukyuli Ɔyawine Ubi lɛ́bla. Ńtebo nnii babla mina kabla. Mmomu líbo mbabla kabla na liti mina ngba lɛƒɔ bekyuli pii lili kayu.”

Mateo 27:50

Yesu ɔ́sɔ ɔ́va momoomo na ɔ́yula.

Mateo 3:15

Nsu Yesu údie kenye ɔnini, “Awɔ nu kalɔ na bɔbla-nwu lɛni ɔƒɛni asa. Ɔsika ɔmɛni ndubɔya na bɔbla Katɔti lɛƒɔyɔ.” Anwuɔsu Yohane únu kalɔ.

Marko 15:37

Nsu Yesu ɔ́va momoomo na ɔ́yula.

Luka 22:37

Na mɔɔsu-mii nnii Bunweni Kedee Ɔku kemmo litemi lɛni mɔɔsu lɛnii, ‘Baka-nwu bákya bekyuli bekpidi akɔ’ ni, ɔlɛka libo-nwu kemmo lɛni na mina lɛlɔ. Ɔsika lɛla lɛni na bénweni básiku-mi lɛlɔ ni, ɔlɛka ubo-nwu kemmo lɛni sɔsɔ.”

Luka 23:46

Na Yesu ɔ́va ku lɛdi momoomo ɔnini, “Ati, líti mina kɔyu lɛ́kya-a enu kemmo.” Ka ɔ́su ɔmɛni ni, ɔ́yula.

Yohane 10:11

“Ami ndi baƒonu ɔdane ɔbuni ɔni nátuna ka ukpi na baƒonu bammɔ lili.

Yohane 10:18

Ɔɔɔdi ukyuli ɔdi ndubo-mi bɔkana bɔdu. Mmomu ami ɔlati nénu kalɔ ka likpi. Mbo ɔyikun na lɛkana likpi lɛni. Na mbo ɔyikun lɛnɔ na lɛkana na lɛsɔ linwini libo mbelie ngba. Ɔmɛni ndi lɛla lɛni na Ati úbo-mi ɔda ka mbabla.”

Yohane 17:4

Lɛ́kɔliku ƒula lɛnyi katɔ na bekyuli akɔ na kalɔ lɛlɔ. Na lɛ́wɔlɔ kabla kani na éte-mi ka mbabla.

Yohane 19:28

Yesu ɔ́ti ka ɔƒaani ni, ɔ́ɔwɔlɔ lɛla biala na ɔlɛka ɔbla. Na kalɛ na Bunweni Kedee Ɔku kemmo ala ani bénweni bése ebo ete lɛni ɔsu ni, Yesu ɔ́su ɔnini, “Utukwɛ ɔɔda-mi.”

Yohane 4:34

Yesu ɔ́su-ma ɔnini, “Mina adila ndi ka lɛbla anwu ɔni nátala-mi lɛƒɔyɔ na lɛwɔlɔ kabla kani na úte-mi ka mbabla.

Romaƒuɔ 10:4

Ɔsika Kristo ndi Mose ɔda bubo bɔmmɔ ƒui kawɔlɔkɔ. Na ukyuli biala ɔni maƒɔ Kristo madi ni, ɔ́bla siin na Katɔti anumi.

Romaƒuɔ 3:25

Katɔti néti Yesu ɔ́kpa na bula ekpidi lili. Na ɔkɛnku nwuna ubugya ɔni na úwi kalɔ ɔsu ni, bekyuli baakɛ́ bana ekpidi buti taakyiɛ si báƒɔ Kristo bádi. Katɔti ɔ́bla ɔmɛni úti ɔ́tina-bu kalɛ na ɔɔbla ala ƒui ulu lɛlɔ. Ɔ́kɛku-bu kayi na uwi ɔni návi kemmo, na útakpete bula ekpidi.

Korintoƒuɔ 1 5:7

Bɛda bɔnyii biala bɔni ndi likpidi bidie bina akɔ. Na bɛbla aani ɔlaaƒɔ ɔwɔdi ɔni na bánwu, na bɔnyii bɔdi buuubo-nwu kemmo aani kalɛ na ngyi ka bise sɔsɔ kalɛ. Ɔsika bula Kukpi Lili Bɔvia Limeyi líidu. Na ɔƒɛni ni, báadu bula Kukpi Lili Bɔvia Lɛkpa Koƒonu Ubi ɔni ndi Kristo.

Ƒilipiƒuɔ 2:8

Ɔmmɔ ɔsu ni, úboku lɛlɔ kalɔ na únu Katɔti litemi utédu ka úkpi ugyii lɛlɔ kukpi muedi.

Hebriƒuɔ 12:2

Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.

Hebriƒuɔ 9:22

Geen ni, ɔda bubo bɔmmɔ bɔɔtina na bɔkana na bɔsu bɔnii ala ƒui aabla sɛɛn ɔkɛnku ubugya lɛlɔ. Na ɔkɛnku ubugya kalɔ buwi kemmo na Katɔti uuti bula ekpidi taakyiɛ-bu.