Yohane 19:13 - Katɔti Ɔku Kedee

¹³ Ɔmmɔ ɔsu ka Pilato únu etemila amɛni ni, ɔ́kpanku Yesu ɔ́lɛku na útélie litemi bɔtɛ liboku lɛlɔ kesii kani baalɔ banii Atabi Kasalakɔ. Na Hebri lɛdi kemmo banii Gabata.

Yohane 19:13 ပူးပေါင်းရင်းမြစ်များ

Agba 29:25

Si ada lɛlɔ na bekyuli lɛlɔ liƒu ɔsu ni, akya ɔgbankpi bonwu ɔdi kemmo. Nsu ukyuli ɔni néti anu ásia Unwoti lɛlɔ ni, lɛla biala lilékpoku-nwu

Etemila 5:8

Si ánu ka baanya bekyuli bani na bese kpɛtɛ taakya na ƒula kalɔ lɛlɔ, na ala tabla ulu lɛlɔ búti ala bɔbla siin kenye ni, utabla-a dɛye dɛye, ɔsika bekyuli bani nkya lɛlɔ badine kalɔ ni, ɔlɛka benu bana batɔnkune litemi.

Yesaia 57:11

“Bi ndi baƒiɔ bani kama na bɛsiaku, na ama na bɛɛyia teetulo ami ɔsu na bɛ́yiƒala-mi ku mina ala ani na lɛ́bla, na bɛsɔ binyimo adi na bina kayi kemmo? Munuu ɔni na líbile kenye mɔɔnu-mii kpoo ɔsu na mina lɛlɔ liƒu lɛsɔ liiibo-mii lɛlɔ kemmo?

Yeremia 38:19

Mmɔ na Sedekia údie kenye ɔnini, “Naaakana lili kalɔ bɔkya bute Babilonƒuɔ bani na ama ku Yudaƒuɔ báabla benwi mɛni na beleti-mi belete-ma na babla-mi kalala, ɔsika Yudaƒuɔ bammɔ lɛlɔ libo-mi liƒu geen na mɔɔyia ka badubo-mi bususu kalɛ udu naaadia bɔnu.”

Amos 4:7

“Lɛ́ya na ɔnantu lɛnɔ ɔ́da bɔna ɔ́ya uwi ɔni kemmo na nka bina edula aawia ɔnantu geen, na bɔna kani na lɛ́ya na ɔɔna egyu egyu, na lɛma lɛmmɔ kemmo na ekpo akladi ákwii.

Mateo 27:19

Na uwi ɔni na Pilato ɔkya ɔɔtɛ litemi ni, ulekudi ɔ́tala ɔtu ɔ́kya-nwu ɔnii, “Die enu na ukyuli ɔni nátaƒiɔ ɔmɛni litemi kemmo. Ɔsika kamaadi usien lígye kɔna na nwuna lɛlɔ kɔni náya na liƒu lɛ́da-mi geen!”

Luka 12:5

Ukyuli ɔni na ɔlɛka bɛyia ni, ndubo-mii bɔtina. Bɛyia Katɔti ɔni na si ɔ́du-ɔ ɔ́wɔlɔ ni, na ɔsɔ ubo ɔyikun na uti-ɔ ubo ɔkya lɛgyavonku lɛni mɔɔda uwi ƒui kemmo. Bɛƒɔ-mi bɛdi ka ni, anwu ndi ukyuli ɔni na ɔlɛka bɛyia.

Yohane 19:17

Anwuɔsu bekpone bammɔ bákpanku Yesu bátɔlɔku. Na báya na anwu ɔlati uti ugyii ɔni lɛlɔ na badubo-nwu bɔkana bɔmana mmɔ. Na báyu ulu bésie kesii kani baalɔ banii Opokuo kalɔ. Na Hebri lɛdi kemmo ndi Golgota.

Yohane 19:20

Yudaƒuɔ pii báka ala amɛni, ɔsika kesii kani na bákana Yesu bámana ugyii lɛlɔ mmɔ ude ɔma unengudi ɔmmɔ. Na Pilato únweni ala ammɔ lɛnɔ na Hebri ku Roma ku Griki lɛdi kemmo.

Yohane 19:8

Uwi ɔni na Pilato únu-ma kenye kamɛni ni, liƒu lɛ́sɔ lɛ́da-nwu libu.

Yohane 5:2

Na ɔma ɔmmɔ kemmo kesii kani nde likpo lɛni baalɔ Baƒonu Kayakun kudɔ ni, lɛba blii lɛdi lɛ́kya mmɔ lɛni baalɔ Betesda na Hebri butemi kemmo. Bábla kɔgbakɛ ɛlɔ báka bamana lɛba lɛmmɔ.

Batalane Kabla 4:19

Amu na Petro ku Yohane bédie kenye banini, “Amii alati bɛbu bɛnu. Bi mada Unwoti kubiti? Si bunu bina ɔda bubo munuu Unwoti bɔdi?