Yohane 19:11 - Katɔti Ɔku Kedee

¹¹ Mmɔ ni, Yesu údie kenye ɔnini, “Nka alákɛ ɔyikun ɔdi na mina lɛlɔ si ɔɔɔdi Katɔti néte-ɔ kuƒi kɔmmɔ. Anwuɔsu ukyuli ɔni néti-mi ɔ́kya-a kɔnu kemmo ni, ɔ́bla likpidi útulo-ɔ.”

Yohane 19:11 ပူးပေါင်းရင်းမြစ်များ

Ala Alɛdi 1 29:11

Ebo ɔyikun bonwu geen na bekyuli baanu kalɛ na eekeye na kesii biala na katɔ mmɔ ku kalɔ lɛlɔ mɛni ƒui. Awɔ ndi kayawi kammɔ ƒui ɔga.

Kɔgya 39:9

Lɛ́bla kpoo na neeebimi kenye, ɔsika awɔ náya na úbo úte lɛni.

Kɔgya 62:11

Líinu ɔbla kunyɔ ka Katɔti ɔɔsu ɔnini, “Ami Katɔti kani mbo ɔyikun.

Kɔnyana Buwulo 3:37

Ukyuli ɔdi ulakana lɛla lɛdi bɔbla si Unwoti útete-nwu kuƒi kɔmmɔ.

Daniel 4:17

“ ‘Na Katɔti batu kedee bammɔ nédie lɛdi asa na lɛtuni lɛmmɔ líbo ukyuli ɔmmɔ lɛlɔ. Na ɔmmɔ ɔdubunwini ala bɔtɛya ute bekyuli bani ƒui nli ngba ka Unwoti Katɔti Ɔni Ntulo Ƒui mɔɔdi lɛga kadikɔ biala lɛlɔ, na anwu kani mɔɔƒuna ɔtɔnkune ɔni na uuubo kenyekɔ bonwu kadi na bekyuli anumi na uunwíni ɔga.’

Daniel 4:25

Badubo-ɔ bɔbɔku budie bekyuli bayawine akɔ, na awɔ ku alakpi akɔ bebuo bɛsala bilie liku linwi. Na adubo livo bɔkun aani bebuo bammɔ kalɛ. Na ɔnantu ku amii eteewi-ɔ akwa maatɛ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na uuti-ka teete ukyuli ɔni na ɔɔyɔ́.

Daniel 4:32

Badubo-ɔ bɔbɔku na eteesie atákya alakpi akɔ ku bebuo bammɔ na alɛ bekyuli akɔ. Na livo na adubo bɔkun akwa maatɛ aani ɔmantɛ akɔ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na anwu mɔɔƒuna bana lɛlɔ ɔdine lɛnɔ.”

Daniel 4:35

Kalɔ lɛlɔ kadi bekyuli ƒui baaadi lɛla lɛdi na nwuna anumi. Lɛla lɛni mɔɔyɔ́-nwu kaƒɔ na ɔɔbla Ɔɔdi ayabi ku kayaa kammɔ ƒui lɛlɔ. Na ɔɔdi ukyuli biala lɛlɔ na kalɔ lɛlɔ. Na si Katɔti ɔ́bla lɛla lɛdi ni, bulakana-nwu bɔbala iye buye bɔnii, “Bi ndi lɛla lɛni na ábla mɛni?”

Daniel 5:21

Nwuna kasusu kénwini ebuo kadi, na bábɔku-nwu na ɔ́lɛ bekyuli akɔ úsie uliku alakpi akɔ bebuo na ɔ́kun livo aani ɔmantɛ bakɔ. Na alakpi akɔ mmɔ kani na ɔɔtɛ, na amii eewi-nwu. Bénye-nwu lɛlɔ na ɔ́bla ɔmɛni úti útédu uwi ɔni na ɔ́nu ɔ́ti ka Katɔti Ɔni Ntulo Ƒui mɔɔdi kayawi lɛga kɔdikɔ ƒui lɛlɔ. Na anwu kani muudie lɛlɔ badine bani na ɔ́ƒuna ka badi lɛga.

Mateo 26:65

Uwi ɔni na ɔkpane unengudi únu ɔmɛni ni, ɔ́ni nwuna awu ɔ́bwɛ na ɔ́va ɔnini, “Binu enyekpi ani na ɔɔtɛmi! Bɔsɔ buláwia kenye bediene badi lɛnɔ!

Mateo 27:2

Bébo-nwu kɔgba na béti-nwu bátákya Romaƒuɔ aban unengu Pilato enu kemmo.

Mateo 6:13

Taya na buduo bukpoku taanu kemmo, na edie-bu alɛku alaekpidi akɔ. Ɔsika lɛga bɔdi ku ɔyikun ku bukeye bɔdi awɔ ɔdi uwi ƒui. Ɔsia lɛni.’

Marko 14:44

Kakya ɔkyane ɔmɛni ɔ́su bekyuli bamɛni úse ɔnini, “Ukyuli ɔni na bɛdubɔnu ka mɔɔkya kɔgbu ni, anwu mmɔ. Biƒie-nwu na bɛda-nwu kpakplaa bɛtɔlɔku.”

Luka 22:53

Lɛ́kya-mii kudɔ na Yudaƒuɔ kakpakɔ limeyi ndi limeyi na bítakya ɔkplu bɛnii biiƒie-mi. Nsu ni, Katɔti néte-mii kuƒi kɔmɛni. Na Satan ɔyikun ɔdi lɛlɔ ɔƒaani.”

Yohane 18:13

Na báka-nwu buti busienku Hana kudɔ. Na Hana ɔmɛni ɔdi Kaiaƒa ulekudi ɔti. Na Kaiaƒa ɔmɛni mɔɔbla ɔkpane unengudi kabla na lɛkwa lɛmmɔ kemmo.

Yohane 18:3

Anwuɔsu Yuda lɛnɔ útiku Romaƒuɔ bekpone ku kakpakɔ bagyumanane bani na bakpane benengu ku Ƒarisiƒuɔ bátala. Bekyuli bamɛni bada lɛlɔ ku ekpola ku lɛsogya ku likpo.

Yohane 19:10

Amu na Pilato úye-nwu ɔnini, “Eledie lɛla lɛdi kenye alasu-mi? Aaagyi ka mbo kenyekɔ na lɛnyonu-ɔ, na mbo kenyekɔ na lɛya na bakana-a bamana ugyii lɛlɔ?”

Yohane 3:27

Yohane údie kenye ɔnini, “Ukyuli biala ulakɛ lɛla lɛdi si ɔɔɔdi Katɔti néte-nwu lɛla lɛmmɔ.

Yohane 7:30

Ɔmɛni ɔsu ni, báwia ka beƒie-nwu. Nsu ukyuli ɔdi útakana-nwu butuku, ɔsika nwuna uwi útedu tɔ.

Yohane 9:41

Mmɔ na Yesu ɔ́su-ma ɔnini, “Si banii anumi nábwɛ-mii ni, nka bítaƒiɔ. Nsu ka amii alati bɛnii bɛɛnu ɔsu ni, ɔmɛni ɔɔtina ka bɛ́ƒiɔ.”

Batalane Kabla 2:23

Nsu na Ɔti bɔyɔ ku kakali kemmo ni, ɔ́nyonu-nwu úte-mii na bɛ́kɛ ekpidi bablane lɛlɔ na bɛ́du-nwu uwi ɔni na bɛ́kana-nwu bɛ́mana ugyii lɛlɔ.

Batalane Kabla 3:13

Ɔsika Unwoti úti ɔbu úte Ubidi Yesu. Na Unwoti ɔmɛni ndi Abraham ku Isak ku Yakob lɛnɔ Ɔti. Na anwu kani ndi bula bati kuuku lɛnɔ Unwoti. Ubidi Yesu ɔmmɔ na amii bíti bíte bɛnii badu. Na bíni-nwu na Pilato anumi bɛnii bɛɛɛgyi-nwu ina ka Pilato ɔ́yɔ ka ɔnyonu-nwu.

Batalane Kabla 4:28

Nsu, awɔ, na ƒula ɔyikun ku lɛnunda kemmo ni, énye ánu na básala bábla ala ani na ásu ése.

Romaƒuɔ 11:36

Ala ani ƒui nási Katɔti kudɔ, na anwu ɔlati lɛlɔ na ɔkɛ údie-nya, na adi anwu adi. Bɛya na bɔkɔliku-nwu lɛnyi katɔ ɔ́si ɔƒɛni úsela ƒui. Ɔsia lɛni.

Romaƒuɔ 13:1

Ɔlɛka ukyuli biala uti ɔbu ute kalɔ lɛlɔ batɔnkune. Ɔsika ɔtɔnkune ɔdi uuubo ɔyikun ɔdi si ɔɔɔdi Katɔti kudɔ na ɔ́si. Na batɔnkune bani nli ɔƒɛni ni, Katɔti néti-ma úse mmɔ.

Yakobo 1:17

Ala abuni ani ƒui na bubo na bɔɔnu ka adia geen sɔsɔ ni, Katɔti kudɔ na aasí. Na ulávumana iye udie-bu atu aani ɔƒɛ ku kɔbuli kɔni nédie kuse na buduo lɛdisa kemmo.

Yakobo 4:17

Anwuɔsu ukyuli ɔni ngyi lɛla lɛbuni bɔbla nsu ulábla-ni ni, ɔdi likpidi ute-nwu.