Yohane 18:5 - Katɔti Ɔku Kedee

⁵ Amu na bédie kenye banini, “Yesu Nasareni bɔɔwia.” Mmɔ ni, Yesu údie kenye ɔnini, “Bɛɛnu-mi mɛni.” Na kakya ɔkyane Yuda lɛnɔ unye-ma akɔ.

Yohane 18:5 ပူးပေါင်းရင်းမြစ်များ

Yesaia 3:9

Na bana anumi lɛlɔ muedi adubɔnu bana bɔƒiɔ ati. Na anumi ku anumi na baabla ekpidi ammɔ, aani Sodom kadi bekyuli kalɛ na balábɛla-nya muedi. Bɔbuɛ ute-ma! Ama alati néti bana ɔgbankpi kɔtu bɔni béboku lɛlɔ.

Yeremia 8:12

Ɔlɛka nka kɔƒa kukpo-ma na bana alaekpidi ani muusé lɛlɔ mmɔ ɔsu, nsu bana anumi aláƒalɛ muedi. Anwuɔsu si lɛ́ni Yuda kɔtu ama ɔdi ɔdubo bɔsa na bekpi aani kalɛ na bekyuli bamba lɛnɔ beekpi na beduo kubiɔ.

Mateo 2:23

Na ka úduo mmɔ ni, útélie ɔma ɔni baalɔ banii Nasaret. Na bana mmɔ bulie ɔ́ya na Katɔti kenye udiene litemi lɛni na ɔ́su úse ɔnii, “Bekyuli badubɔlɔ-nwu banii Nasareni,” úbo úte lɛni sɔsɔ.

Mateo 21:11

Na bekyuli bamba bédie kenye banini, “Ɔmɛni ndi Katɔti Kenye Udiene Yesu ɔni nási Nasaret na Galilea kalɔ lɛlɔ!”

Yohane 1:46

Natanael údie kenye ɔnini, “Dɛ! Bɔsi na lɛla lɛbuni lɛdi lɛdubɔsi Nasaret ntu?” Ƒilipo ɔ́su-nwu ɔnini, “Awɔ bo, na abanu!”

Yohane 18:4

Na ka Yesu ɔ́ti ala ani ndubo-nwu bɔlɛku ɔsu ni, ɔ́lɛ úbo anumi na úye-ma ɔnini, “Ɔma na bɛɛwia?”

Yohane 18:6

Na uwi ɔni na Yesu údie kenye ɔnini, “Bɛɛnu-mi mɛni” ni, bédi bésie kama na bébuli.

Yohane 19:19

Pilato ɔ́ya na bénweni ala adi básia kalɛkɛ kadi lɛlɔ na úti-ka ɔ́mana Yesu ugyii ɔmmɔ lɛlɔ. Na etemila ammɔ ndi amɛni. Yesu Nasareni, Yudaƒuɔ Ɔga.