Yohane 18:4 - Katɔti Ɔku Kedee

⁴ Na ka Yesu ɔ́ti ala ani ndubo-nwu bɔlɛku ɔsu ni, ɔ́lɛ úbo anumi na úye-ma ɔnini, “Ɔma na bɛɛwia?”

Yohane 18:4 ပူးပေါင်းရင်းမြစ်များ

Baga 1 18:10

Na mɔɔsu-ɔ ka ni, uwi ɔni na ƒula Unwoti Katɔti uli ngba mɛni ni, ɔma biala uuubo iye ɔga biala uuubo ɔni na mina ati útatala ukyuli ɔdi útakya ka buye ƒula lɛlɔ. Na ɔma biala iye ɔga biala ɔni masu ka eeebo mmɔ ni, ɔɔyá na beesé kenye ka báwia-a na bátanu-ɔ.

Nehemia 6:11

Amu na lídie kenye nnini, “Lɛɛɛdi ɔnana ɔni udu mɔɔyia, na ukeli utabɛ. Munuu aakali ka si líkeli ńtábɛ Katɔti kakpakɔ na ndubɔƒɔ mina ngba? Lɛɛɛdubo bukeli kudii.”

Kɔgya 27:3

Si ina bekpone otogyi ɔdi náka bana-mi muedi ni, ɔtɔtɔ biala ɔɔɔdubo-mi bɔgyu. Ina kekpo na báta-mi lɛlɔ muedi ni, ndubuti mina anu bɔsia Unwoti lɛlɔ.

Kɔgya 3:6

Na liƒu biala lítada-mi na bekisine mpim liti bani náka bámana-mi ɔsu.

Agba 28:1

Ukyuli ɔdi ulábɔku bekyuli bekpidi asa na ama alati beekeli. Nsu bekyuli babuni baakya kayi aani bagyata.

Mateo 16:21

Ɔ́si uwi ɔmmɔ kemmo ni, Yesu úse kalɔ ɔɔsu nwuna batɛyane bammɔ nwaa ɔnii, “Ɔlɛka lisie Yerusalem na ntébo abi na kadi benengu ku bakpane benengu ku ɔda bubo ala batinane enu kemmo. Badubɔdu-mi. Nsu limeyi lɛtɛdi lɛlɔ ni, Katɔti ɔdubɔgyila-mi ɔlɛku kekpine na nsɔ mbelie ngba.”

Mateo 26:2

“Bɛgyi ka kébu emeyi anyɔ na bɔdi limeyi lɛni bɔɔlɔ Kukpi Lili Bɔvia Limeyi. Na badubuti ami, Ukyuli Ɔyawine Ubi, bete na bakana-mi bamana ugyii lɛlɔ.”

Mateo 26:21

Na uwi ɔni na belie baadi ni, Yesu ɔ́su-ma ɔnini, “Mɔɔsu-mii ka ni, bina kemmo unwi ɔdubɔkya-mi kakya.”

Mateo 26:31

Mmɔ na Yesu ɔ́su nwuna batɛyane ɔnini, “Bina ƒui bɛdubukeli-mi kudɔ, na kebu ami lɛti. Ɔsika Bunweni Kedee Ɔku ɔɔsu ɔnini, “ ‘Katɔti ɔdubɔdu baƒonu ɔdane ɔmmɔ na nwuna baƒonu begyingya.’

Luka 24:44

Amu na ɔ́su-ma ɔnini, “Ala amɛni lɛlɔ kɔtɛ geen na lɛ́tɛmiku-mii ɔni na lɛ́kya-mii kudɔ. Ala ani ƒui na bénweni na Mose ɔda bubo ɔku kemmo ku Katɔti kenye bediene ala ani bénweni ku kɔgya ɔku kemmo ni, ɔlɛka ebo-nwu kemmo lɛni.”

Yohane 13:1

Amu na limeyi lɛni na kadi kégye ndi Kukpi Lili Bɔvia Limeyi lɛmmɔ ni, Yesu ɔ́ti ka uwi údu ka ɔtɔlɔ kayawi kamɛni lɛlɔ uteesie ɔti kudɔ. Na ka ɔɔyɔ́ ama bani náƒɔ-nwu bádi ƒui na kayawi kamɛni lɛlɔ ɔsu ni, ɔɔwia ka ɔtina-ma kalɛ na ɔɔyɔ́-ma geen.

Yohane 13:11

Yesu ɔ́su ɔmɛni ɔsika ɔ́ɔti ukyuli ɔni ndubo-nwu kakya bɔkya. Anwuɔsu na ɔ́su ɔnini, “Bina ƒui bɛ́lɛ bɔkpi, amu ntu ukyuli unwi pɛ kani.”

Yohane 18:5

Amu na bédie kenye banini, “Yesu Nasareni bɔɔwia.” Mmɔ ni, Yesu údie kenye ɔnini, “Bɛɛnu-mi mɛni.” Na kakya ɔkyane Yuda lɛnɔ unye-ma akɔ.

Yohane 18:7

Amu na Yesu ɔ́sɔ úye-ma kunyɔdi ɔnini, “Ɔma na bɛɛwia?” Na ama lɛnɔ básɔ bédie kenye banini, “Yesu Nasareni.”

Yohane 19:28

Yesu ɔ́ti ka ɔƒaani ni, ɔ́ɔwɔlɔ lɛla biala na ɔlɛka ɔbla. Na kalɛ na Bunweni Kedee Ɔku kemmo ala ani bénweni bése ebo ete lɛni ɔsu ni, Yesu ɔ́su ɔnini, “Utukwɛ ɔɔda-mi.”

Yohane 6:64

Nsu bina akɔ badi balaƒɔ-mi taadi.” Yesu ɔ́su ɔmɛni ɔsika ɔ́si kalɔ kesekɔ ƒui ni, ɔ́ti bekyuli bani naaadubo-nwu bɔƒɔ bɔdi ku ukyuli ɔni ndububo-nwu kakya bɔkya.

Batalane Kabla 2:28

Átina-mi ƒula ngba lilu, na ƒula kudɔ bɔkya bɔ́ya na mɔɔkɛ́ ebiti geen.’

Petro 1 4:1

Na ɔ́si ɔni na Kristo úbo abi na ɔlɔna kemmo na bula lili ɔsu ni, amii lɛnɔ bɛda lɛlɔ bise na biti kasusu kammɔ udu kani bɛda. Ɔsika ukyuli ɔni muubó abi na ɔlɔna kemmo ni, ɔɔɔda likpidi bɔbla taaya.