Yohane 18:3 - Katɔti Ɔku Kedee

³ Anwuɔsu Yuda lɛnɔ útiku Romaƒuɔ bekpone ku kakpakɔ bagyumanane bani na bakpane benengu ku Ƒarisiƒuɔ bátala. Bekyuli bamɛni bada lɛlɔ ku ekpola ku lɛsogya ku likpo.

Yohane 18:3 ပူးပေါင်းရင်းမြစ်များ

Kɔgya 22:12

Bekisine pii benye kesi kesii bámana-mi aani bakɔ. Na bebo ɔkplu geen aani bakɔ bani nási Basan kalɔ lɛlɔ.

Mateo 25:1

“Na uwi ɔni na ami Ukyuli Ɔyawine Ubi ndububo ni, Katɔti lɛga bɔdi buse aani ɔmɛni. Uwi ɔdi kemmo ni, belekubi leevu badi béti bana lɛsogya banii batákpanku uleku ɔgya ku ulekudi besienku kaduli.

Yohane 13:2

Na useyi ɔmmɔ ka Yesu ku nwuna batɛyane bésie belie kadikɔ badaku bɔdi ni, ukisine ɔmmɔ ɔ́ɔya na kasusu kekpidi kéduo Yuda ɔni ndi Simon Iskariot ubidi lili kemmo kalɛ na ɔkya Yesu kakya.

Yohane 18:12

Ɔmmɔ kama ni, Romaƒuɔ bekpone ku bana ɔtɔnkune ku Yudaƒuɔ bagyumanane badi béƒie Yesu, na bényimi-nwu.

Yohane 18:18

Ɔƒɛni ni, ka kɔyɔ kɔɔda-ma ɔsu ni, kabla bablane bammɔ ku bagyumanane bammɔ básala ogya ɔdi na benye baawaa. Na Petro lɛnɔ ɔ́gyu úsie unye-ma kudɔ mmɔ ɔɔwaa ogya ɔmmɔ.

Yohane 18:22

Ka Yesu ɔ́su-nwu lɛla lɛmɛni ɔ́wɔlɔ ni, bagyumanane bammɔ akɔ unwi úbo-nwu kɔnu ɔtugya na úye Yesu ɔnini, “Ɔkpane Unengudi na eedie kenye lɛni?”

Yohane 19:6

Amu na uwi ɔni na bakpane benengu ku Yudaƒuɔ benengu bammɔ bánu-nwu ni, báva básu banini, “Kana-nwu mana ugyii lɛlɔ! Kana-nwu mana ugyii lɛlɔ!” Mmɔ ni, Pilato ɔ́su-ma ɔnini, “Amii biti-nwu na bitákana-nwu bɛmana ugyii lɛlɔ. Ami ńtanu likpidi lɛdi na nwuna lɛlɔ kalɛ na lɛdu-nwu kɔtɔ.”

Yohane 7:32

Amu ka Yudaƒuɔ lɛkpa lɛni baalɔ bani Ƒarisiƒuɔ bénu ka nwuna lɛlɔ atɛ ada bekyuli bammɔ akɔ lɛni ɔsu ni, ama ku bakpane benengu bása lili na bátala kakpakɔ bagyumanane badi banii betéƒie Yesu.

Batalane Kabla 1:16

“Mina banwani, lɛla lɛni na bénweni na Bunweni Kedee Ɔku kemmo ni, ɔlɛka libo-nwu kemmo aani kalɛ na Katɔti Kɔyu kɔ́kɛnku Dawid lɛlɔ kútemi kɔ́siku Yuda ɔni nátɔnku bekyuli bani néƒie Yesu lɛlɔ.

Batalane Kabla 10:1

Lebo lɛmmɔ ni, ɔnana ɔdi úlie Kaesarea ɔma kemmo ɔni baalɔ banii Kornelio. Ɔdi unengu úte Romaƒuɔ bekpone.