Yohane 18:20 - Katɔti Ɔku Kedee

²⁰ Amu na Yesu údie kenye ɔnini, “Lɛ́tina ukyuli biala ala na kadi ƒui anumi uwi biala kemmo. Na ala ani na lɛ́tina mmɔ lɛnɔ ni, Yudaƒuɔ kɔsakɔ na lɛ́tina-nya na Yudaƒuɔ kakpakɔ uwi ɔni na bana ƒui bábasa. Na ńtasu lɛla lɛdi na bɔbɛ kemmo.

Yohane 18:20 ပူးပေါင်းရင်းမြစ်များ

Kɔgya 22:22

Ndubo ƒula lɛnyi kudu bubo bute mina banwa. Na ndubumwi-ɔ lɛnyi kedee na baƒɔtaadine lɛkpa ƒui akɔ.

Kɔgya 40:9

Unwoti, lɛ́kɔ ƒula litemi lɛsa líte ƒula kadi bekyuli na bana kasalakɔ ɔ́si kalɛ na ese siin na ebo lɛƒɔndia. Na ntebile mina kenye uwi ɔdi aani kalɛ na awɔ ɔlati agyi.

Yesaia 45:19

Unwoti útatɛmi útasiku kasuudikɔ iye ɔsu Yakob kaba kemmo bebi ɔnii bawia-nwu kama ulu kekeeke. Mmomu litemi geen na Unwoti ɔɔsu ɔnini,

Yesaia 48:16

“Bɛni bide-mi bibu na binu! “Ala ani ƒui na lɛ́ɛka bɔsu ni, ńtasu-nya ńtabɛ na ɔdi útenu-nya. Na uwi ɔni na ala ammɔ aalɛ́ lɛnɔ ni, nli mmɔ.” Unwoti Katɔti ɔkɛnku nwuna Kɔyu ɔyikun lɛlɔ na ɔ́tala-mi.

Mateo 24:26

“Si bekyuli básu-mii banii, ‘Ɔkya ketele kemmo’ ni, bitesie bitatánu. Na si básu-mii banii, ‘Ɔkya ɔtɔ mɛni’ ni, bitaƒɔ bitadi.

Mateo 26:55

Ɔmɛni kama ni, Yesu úye bekyuli lisu lɛmmɔ ɔnini, “Bi ɔsu na ɔlɛka biti ligyii ku lɛkɛɛ bibo bɛnii bibeƒie-mi aani si lɛ́ta línye aban lɛlɔ? Lɛ́tina bekyuli ala limeyi biala na Katɔti kakpakɔ na bíteƒie-mi.

Mateo 26:65

Uwi ɔni na ɔkpane unengudi únu ɔmɛni ni, ɔ́ni nwuna awu ɔ́bwɛ na ɔ́va ɔnini, “Binu enyekpi ani na ɔɔtɛmi! Bɔsɔ buláwia kenye bediene badi lɛnɔ!

Mateo 4:23

Yesu ɔ́vi Galilea kalɔ lɛlɔ ƒui na ɔ́tina ala na Yudaƒuɔ kasalakɔ. Na ɔ́kɔ lɛsa na Katɔti lɛgadi litemi buni lɛlɔ. Na ɔ́bwi bekyuli bani muuƒi lɛlɛ lidu lidu ƒui.

Mateo 9:35

Yesu úsie ɔ́vi lɛma ku akpaklɔ ani nkya amadɔ mmɔ kemmo. Ɔ́tina ala na Yudaƒuɔ kɔsakɔ. Na ɔ́kɔ litemi buni lɛsa lɛni nkɛnku Katɔti lɛga kadikɔ lɛlɔ. Na ɔ́bwi lɛlɛ lidu lidu.

Marko 8:32

Ɔ́su-ma ɔmɛni nwaa, na bénu kalɔ. Amu na Petro ɔ́kpanku-nwu úsienku kɔƒɛlɛ na ɔ́dɔnku-nwu.

Luka 21:37

Na emeyi ammɔ kemmo ƒui ni, Yesu úti útaatina bekyuli bammɔ ala na Katɔti kakpakɔ. Na useyi uwi ni, ɔɔtɔlɔ teesie Inɔ Egyii Kɔbi lɛlɔ.

Luka 4:15

Ɔ́tina ala na Yudaƒuɔ kɔsakɔ na ukyuli biala úmwi-nwu ala bɔtina.

Yohane 18:21

Na bi ɔsu na eeye-mi lɛla lɛdi na ɔmɛni lɛlɔ? Ye bekyuli bani nénu-mi bɔtɛmi. Ama ngyi ala ani na lɛ́su-ma.”

Yohane 6:59

Ala amɛni na Yesu ɔ́tina-ma na Yudaƒuɔ kasalakɔ na Kapernaum.

Yohane 7:14

Ka emeyi ani baadi mmɔ éle ntɛ ni, Yesu úsie útéduo Yudaƒuɔ kakpakɔ na ɔ́tina ala.

Yohane 7:26

Na aanu-nwu! Unye mɛni ɔɔtɛmi na kadi anumi! Na balakana-nwu lɛla lɛdi bɔsu! Munuu bɔti na báti geen ka anwu ndi Ukyuli Ɔƒunadi ɔmmɔ?

Yohane 7:28

Na uwi ɔni na Yesu ɔɔtina ala na kakpakɔ mmɔ ni, úye-ma ku lɛdi momoomo ɔnini, “Bɛɛbu bɛnii bɛgyi-mi ku kesii kani na lɛ́si? Ńtebo mɛni na ami ɔlati ɔyikun kemmo! Ukyuli ɔni nátala-mi ni, ulányi ɔkɔ. Na amii bɛɛɛgyi-nwu.

Yohane 7:4

Ɔsika ukyuli ɔni mɔɔwia ka bati-nwu ni, ulabɛ taabla lɛla lɛdi. Ka aakana ala amɛni udu bɔbla ni, ya na kayawi bekyuli ƒui banu ƒula ablala bati!”

Yohane 8:2

Kadi kégye ɔtanta tutuutu ni, ɔ́sɔ únwini úsie Yudaƒuɔ kakpakɔ. Na bekyuli bammɔ ƒui báka bámana-nwu, na anwu úlie-ma ntɛ na úsie kalɔ ɔɔtina-ma ala.

Yohane 8:26

Mbo ala pii na lɛsu lɛsiku-mii lɛlɔ na lɛdu-mii kɔtɔ na bina ɔbladu ɔsu. Nsu ukyuli ɔni nátala-mi ni, ulányi ɔkɔ. Na ala ani na línu lɛ́siku-nwu kudɔ ni, anya muuti taasu kayawi bekyuli.”

Batalane Kabla 26:26

Sɔsɔ ni, Ɔga Agripa ɔgyi etemila ani na mɔɔsu mɛni. Anwuɔsu muutemiku-nwu ku kayi ƒaa. Lɛ́ƒɔ lɛ́di kede kede ka bátabla ala amɛni bátabɛ-nwu.