Yohane 18:17 - Katɔti Ɔku Kedee

¹⁷ Mmɔ na ulekubi ɔmmɔ úye Petro ɔnini, “Ɔɔɔdi ɔnana ɔmmɔ batɛyane akɔ unwi na adi?” Amu na Petro údie kenye ɔnini, “Oowo, lɛɛɛdi bana akɔ ɔdi.”

Yohane 18:17 ပူးပေါင်းရင်းမြစ်များ

Mateo 26:33

Amu na Petro ɔ́su Yesu ɔnini, “Si ina bakladi ƒui béni-ɔ muedi ni, ami lɛɛɛdubo-ɔ kama bɔlɛ kudii!”

Luka 22:54

Bakpane benengu ku lɛlɔ badine bammɔ béƒie Yesu, na béti-nwu bésienku ɔkpane unengudi kaduli. Na Petro lɛnɔ ɔsiaku-ma na kama kama.

Yohane 18:16

Nsu uwi ɔmmɔ ni, Petro anwu ɔsɔ unye kayakun. Amu na ɔtɛyane ɔmmɔ ɔ́sɔ únwini úbo úbatɛmiku ulekubi ɔni nnye ɔba kenye mmɔ, na ɔ́ya na Petro lɛnɔ uduo kaduli kammɔ.

Yohane 18:25

Uwi ɔmmɔ ni, Simon Petro ɔmu unye ogya kudɔ mmɔ ɔɔwaa ogya. Mmɔ na bekyuli bammɔ béye-nwu banini, “Ɔɔɔdi awɔ ndi ɔnana ɔmmɔ kama basiakune akɔ unwi iye?” Mmɔ ni, Petro ɔ́tuala ɔnini, “Oowo, lɛɛɛdi bana akɔ ɔdi!”

Yohane 18:5

Amu na bédie kenye banini, “Yesu Nasareni bɔɔwia.” Mmɔ ni, Yesu údie kenye ɔnini, “Bɛɛnu-mi mɛni.” Na kakya ɔkyane Yuda lɛnɔ unye-ma akɔ.

Yohane 18:8

Amu na Yesu ɔ́su-ma ɔnini, “Lɛ́ɛsu-mii nnii bɛɛnu-mi mɛni.” Na Yesu ɔ́sɔ ɔ́su-ma ɔnini, “Si ami na bɛɛwia bɔdi ni, bɛya na bekyuli bakladi bamɛni batɔlɔ.”

Yohane 21:15

Uwi ɔni na bádi báwɔlɔ ni, Yesu úye Simon Petro ɔnini, “Simon, Yohane ubi, aayɔ́-mi geen teetulo batɛyane bakladi bamɛni?” Amu na údie kenye ɔnini, “Blɔti, ɛɛn! Awɔ ɔlati agyi ka mɔɔyɔ́-ɔ.” Amu na Yesu ɔ́su-nwu ɔnini, “Taanu mina baƒonubi lɛlɔ.”

Batalane Kabla 12:13

Amu ka únye kayakun kani nkya ulu kenye mmɔ ɔ́kpali ni, ulekubi ɔni baalɔ Rode úbo ɔnii ubalɛmi.