Yohane 18:12 - Katɔti Ɔku Kedee

¹² Ɔmmɔ kama ni, Romaƒuɔ bekpone ku bana ɔtɔnkune ku Yudaƒuɔ bagyumanane badi béƒie Yesu, na bényimi-nwu.

Yohane 18:12 ပူးပေါင်းရင်းမြစ်များ

Ala Kalɔ Buse 22:9

Na ka bédu kesii kani na Katɔti ɔ́tina-nwu mmɔ ni, Abraham ɔ́tu lɛkpabi na ɔ́tɛ ekyweni ammɔ ɔ́sia-ni lɛlɔ. Na ɔ́da ubidi na únyimi-nwu kaduɛ na ɔ́gyu-nwu ɔ́sia lɛkpabi lɛmmɔ lɛlɔ na ekyweni ammɔ lɛlɔ.

Ala Kalɔ Buse 40:3

Ɔmmɔ ɔ́su ɔ́ya na bákya-ma ɔtɔ na bagyumanane bammɔ ƒui unengu kesii. Na mmɔ kani na bákya Yoseƒ lɛnɔ ɔtɛ.

Kɔgya 118:27

Unwoti ndi Katɔti ɔni náya na bula anumi ékeye ka bɔ́di lɛlɔ. Bɛƒɛ kugyii kɔgba ku evete bɛda na bɛkɛ lisu ku ɔbu na bɛka bɛmana lɛkpabi lɛmmɔ bitédu kesii kani nse kedee mmɔ.

Mateo 26:57

Amu na ama bani néƒie Yesu mmɔ bétiku-nwu bésienku Ɔkpane Unengudi Kaiaƒa kaduli, kesii kani na bakpane benengu ku ɔma benengu ku ɔda bubo ala batinane bása belie.

Mateo 27:2

Bébo-nwu kɔgba na béti-nwu bátákya Romaƒuɔ aban unengu Pilato enu kemmo.

Mateo 27:27

Amu na nwuna bekpone bammɔ béti Yesu bésienku Pilato kaduli na bekpone bani nkya mmɔ ƒui báka bámana-nwu.

Marko 14:53

Amu na bétiku Yesu bésienku ɔkpane unengudi kesii. Mmɔ na bakpane benengu ku ɔma benengu ku ɔda bubo ala batinane bása belie.

Marko 15:1

Ɔtanta tutuutu ni, bakpane benengu bátása ku Yudaƒuɔ benengu ku ɔda bubo ala batinane ku litemi batɛne ƒui. Ka béti litemi lɛmɛni lɛlɔ kasusu ku kalɛ na badubɔbla-ni ni, bényimi Yesu na bétiku-nwu bátɔlɔku bésienku aban unengu ɔni baalɔ Pilato kudɔ.

Luka 22:54

Bakpane benengu ku lɛlɔ badine bammɔ béƒie Yesu, na béti-nwu bésienku ɔkpane unengudi kaduli. Na Petro lɛnɔ ɔsiaku-ma na kama kama.

Yohane 18:3

Anwuɔsu Yuda lɛnɔ útiku Romaƒuɔ bekpone ku kakpakɔ bagyumanane bani na bakpane benengu ku Ƒarisiƒuɔ bátala. Bekyuli bamɛni bada lɛlɔ ku ekpola ku lɛsogya ku likpo.

Batalane Kabla 10:1

Lebo lɛmmɔ ni, ɔnana ɔdi úlie Kaesarea ɔma kemmo ɔni baalɔ banii Kornelio. Ɔdi unengu úte Romaƒuɔ bekpone.

Batalane Kabla 21:31

Amu uwi ɔni na báwia ka badu-nwu ni, Romaƒuɔ bekpone unengu ɔdi únu ka Yerusalemƒuɔ ƒui báta baakya lɛsɛ.

Batalane Kabla 21:37

Nsu uwi ɔni na báwia ka beti-nwu bakya ɔtɔ kemmo ni, Paulo ɔ́su bekpone unengu ɔmɛni ɔnini, “Mɔɔyɔ́ ka lɛtɛmiku-ɔ blii.” Amu na bekpone unengu ɔmɛni úye-nwu ɔnini, “Bi! Eenú Griki butemi?”

Batalane Kabla 23:10

Mɛni ni, bɔva bɔmɛni bɔ́sɔ bɔ́kɔ katɔ búbu. Na bekyuli bamɛni ƒui bada Paulo na baaní-nwu teenene. Na ka bekpone ɔtɔnkune ɔmmɔ ɔɔyia ka badubɔni-nwu baduli ɔsu ni, ɔ́su nwuna bekpone ɔnii beti-nwu beboku aban ɔtɔ kemmo.

Litemi Batɛne 16:21

Mmɔ na Ƒilistiƒuɔ bébo báda-nwu na bákpa-nwu anumi, na béti abuala egyiedi bábla kabuli na bényimi-nwu, na béti-nwu bésienku Gasa. Na bátákya-nwu ɔtɔ na mmɔ. Na báya na anwu mɔɔkɔ́ kukɔ na ɔtɔ katɛnkɔ mmɔ.