Yohane 17:4 - Katɔti Ɔku Kedee

⁴ Lɛ́kɔliku ƒula lɛnyi katɔ na bekyuli akɔ na kalɔ lɛlɔ. Na lɛ́wɔlɔ kabla kani na éte-mi ka mbabla.

Yohane 17:4 ပူးပေါင်းရင်းမြစ်များ

Luka 22:37

Na mɔɔsu-mii nnii Bunweni Kedee Ɔku kemmo litemi lɛni mɔɔsu lɛnii, ‘Baka-nwu bákya bekyuli bekpidi akɔ’ ni, ɔlɛka libo-nwu kemmo lɛni na mina lɛlɔ. Ɔsika lɛla lɛni na bénweni básiku-mi lɛlɔ ni, ɔlɛka ubo-nwu kemmo lɛni sɔsɔ.”

Yohane 12:28

Anwuɔsu mɔɔsu nnii, ‘Ati, ya na bekyuli bakɔliku ƒula lɛnyi katɔ.’ ” Mmɔ ni, bénu butemi bɔdi básiku kayaa ka bɔɔsu bɔnini, “Lɛ́ɛya na bekyuli bákɔliku mina lɛnyi katɔ. Na nsɔ ndubo bɔya na bakɔliku-mi lɛnyi katɔ bebu.”

Yohane 14:13

Na lɛla biala na bivele si bɛ́kpali-mi lɛnyi ni, ndubɔbla-ni lite-mii. Ɔmɛni ndubɔya na ɔkɛnku-mi lɛlɔ ni, bekyuli badubɔkɔliku mina Ɔti lɛnyi katɔ.

Yohane 14:31

Nsu ɔlɛka bayawine bati ka mɔɔyɔ́ Ati, na mɔɔbla lɛla biala kalɛ kani na úbo-mii ɔda. “Amu bibo, na bɔgyu.”

Yohane 15:10

Si bɛɛdi mina ɔda bubo lɛlɔ ni, bɛdubulieku-mi na ndubɔyɔ-mii uwi ƒui. Lɛni kani na lɛ́di mina Ɔti ɔda bubo lɛlɔ na nliku-nwu, na ɔɔyɔ́-mi uwi ƒui.

Yohane 19:28

Yesu ɔ́ti ka ɔƒaani ni, ɔ́ɔwɔlɔ lɛla biala na ɔlɛka ɔbla. Na kalɛ na Bunweni Kedee Ɔku kemmo ala ani bénweni bése ebo ete lɛni ɔsu ni, Yesu ɔ́su ɔnini, “Utukwɛ ɔɔda-mi.”

Yohane 19:30

Ka Yesu ɔ́ni ntɛ bɔmmɔ ɔ́wɔlɔ ni, ɔ́su ɔnini, “Ɔƒɛni amu ɔ́sa!” Ka ɔ́su lɛni ɔ́wɔlɔ ni, ɔ́kya lili kalɔ na ɔ́yula.

Yohane 4:34

Yesu ɔ́su-ma ɔnini, “Mina adila ndi ka lɛbla anwu ɔni nátala-mi lɛƒɔyɔ na lɛwɔlɔ kabla kani na úte-mi ka mbabla.

Yohane 5:36

“Nsu kenye kani na mbo na medie ni, ketulo Yohane ɔdi ƒui. Kabla lidu lɛni na Ati úte-mi ka mbawɔlɔ na kana lɛlɔ na nnye ni, aka muudie taatina ka Anwu nátala-mi.

Yohane 9:3

Amu na Yesu údie kenye ɔnini, “Ɔnana ɔmɛni anumi ani nábwɛ-nwu ni, aaadanku nwuna ekpidi iye nwuna bawɔne ekpidi ani na bábla ɔsu. Mmomu anumi ábwɛ-nwu kalɛ na bekyuli banu Katɔti ɔyikun bati na ukyuli ɔmɛni lɛlɔ.

Batalane Kabla 20:24

Nsu ɔmmɔ ɔɔɔdi-mi lɛla lɛdi. Ɔsika si ńtakana na lɛbla lɛla lɛni na Blɔti Yesu ɔ́tala-mi ɔnii mbabla ni, mina ngba buuubo-mi kɔsia kɔdi. Lɛla lɛni na Yesu ɔ́tala-mi ɔnii mbabla ndi ka lɛsu bekyuli Blɔti litemi buni ku kalɛ na Katɔti ɔɔnu-bu kɔnyana.

Timoteo 2 4:7

Líkpo kekpo kabuni na lɛ́wɔlɔ mina kabla aani usi ukeline buni kalɛ. Na lɛ́da mina bɔƒɔtaadi na Kristo kemmo útédu kawɔlɔkɔ.