Yohane 17:3 - Katɔti Ɔku Kedee

³ Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Yohane 17:3 ပူးပေါင်းရင်းမြစ်များ

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Ala Alɛdi 2 15:3

“Ɔsika uwi gyɔlɔɔ ɔdi mɛni ni, Israelƒuɔ béni na basɔ balakpa Katɔti geen ɔmmɔ na iye benu bakpane bani na nka badubɔkana na batina-ma ala basiku Katɔti ɔmmɔ lɛlɔ. Na béni na baladi Unwoti ɔda bubo lɛlɔ.

Kɔgya 9:10

Na bani ngyi kalɛ na ƒula lɛnyi libo ɔyikun badubo bana anu buti bɔsia-a lɛlɔ. Ɔsika bútenu kudii ka ɔdi ɔ́kpali-ɔ ɔnii bunku-nwu na átakpete-nwu.

Agba 8:35

Ɔsika ukyuli biala nánu-mi ɔti ni, ɔ́kɛ ngba, na nwuna lɛlɔ lɛdubɔda Unwoti ebiti.

Yesaia 48:16

“Bɛni bide-mi bibu na binu! “Ala ani ƒui na lɛ́ɛka bɔsu ni, ńtasu-nya ńtabɛ na ɔdi útenu-nya. Na uwi ɔni na ala ammɔ aalɛ́ lɛnɔ ni, nli mmɔ.” Unwoti Katɔti ɔkɛnku nwuna Kɔyu ɔyikun lɛlɔ na ɔ́tala-mi.

Yesaia 53:11

Ɔdubɔnu lɛla lɛni ndubɔlɛ lɛsi kɔyu kemmo abi ani na úbo, na kaƒɔ kaba-nwu. Ka mina kabla ɔblane ɔni nse siin ɔgyi mina lɛyɔla ɔsu ni, ɔdubɔya na bekyuli pii ku Unwoti ntɛ bɔdia. Na anwu ɔlati ɔdubɔƒɔ-ma ekpidi uti.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Yeremia 10:10

Awɔ Unwoti kani ndi Katɔti geen ɔni nli ngba. Na aadi lɛlɔ uwi ƒui. Na si éti kɔnyi ni, kalɔ kaakunku na kadi bekyuli baayii udu.

Hosea 6:3

Anwuɔsu bɛya na bɔkya ɔkplu biala na bɔnu bula Unwoti bɔti. Nwuna bɔda bɔlɛ bɔdi litemi geen aani kalɛ na ɔƒɛ ɔɔtu ɔtanta na ɔkɔ uuubo-nwu kemmo. Na ɔdubo ubaya na lɛlɔ lɛyɔ-bu aani kalɛ na ketudi ɔnantu ɔɔna na kalɔ ku lɛla biala lɛɛyɔ́ buɛɛ.”

Marko 9:37

“Ukyuli biala ɔni mɔɔƒɔ́ ɔnamu na ami ɔsu ni, ami na ɔ́ƒɔ. Na ukyuli biala ɔni mɔɔƒɔ́-mi ni, ɔɔɔdi ami lɛti na ɔ́ƒɔ. Mmomu ɔ́ƒɔ mina Ɔti ɔni nátala-mi lɛnɔ.”

Luka 9:48

Mmɔ na ɔ́su-ma ɔnii, “Ukyuli ɔni náƒɔ ɔnamu ɔmɛni na mina lɛnyi kemmo ni, ɔ́ƒɔ ami lɛnɔ. Na ukyuli ɔni mɔɔƒɔ́-mi ni, ɔ́ƒɔ ukyuli ɔni nátala-mi. Ɔsika ukyuli ɔni néboku lɛlɔ kalɔ ƒui na bina akɔ ni, anwu ndi ukyuli ɔni náƒɔ kuye utulo ƒui.”

Yohane 10:36

Nsu ami ni, bɔƒuna na Ati ɔ́ƒuna-mi ka libo kayawi kamɛni kemmo. Na bi ɔsu na bɛɛsu bɛni muudumi Katɔti ka lɛ́su nnii ami ndi Katɔti Ubidi ɔsu?

Yohane 11:42

Na ngyi ka aatuna teete-mi uwi biala kemmo. Nsu bekyuli bani nnye mɛni ɔsu na nsɔ mɔɔsu ɔmɛni kalɛ na baƒɔ badi ka awɔ nátala-mi.”

Yohane 14:26

Katɔti Kɔyu kɔni ndi Ubunkune ɔni na Katɔti ɔdubɔtala ɔkya-mii na mina lɛnyi kemmo ni, anwu ndubɔtina-mii lɛla biala. Na ɔdubɔya na binyimo ala ani ƒui na lɛ́su-mii.

Yohane 17:18

Lɛ́tala-ma mɔɔkya kayawi bekyuli aani kalɛ kani na átala-mi ákya kayawi bekyuli.

Yohane 17:21

Ati, muuvele ka aya na bana ƒui babla unwi aani kalɛ kani na awɔ eliku-mi na ami lɛnɔ nliku-ɔ. Ya na belieku-bu kalɛ na kayawi bekyuli baƒɔ badi ka awɔ nátala-mi.

Yohane 17:23

Ami nliku-ma, na awɔ eliku-mi. Ya na babla unwi bawɔlɔ kalɛ na kayawi bekyuli banu bati ka awɔ nátala-mi, na aayɔ́-ma kalɛ kani na aayɔ́-mi.

Yohane 17:25

“Ati, ese siin. Na kayawi bekyuli baaagyi-ɔ, nsu ami ngyi-ɔ. Na ƒula badi lɛnɔ bagyi ka awɔ nátala-mi.

Yohane 17:8

Kenye kani na ásu-mi ka mabasu-ma ni, bégyingya enu báƒɔ-ka. Na bagyi ka sɔsɔ na ɔdi ka ƒula kudɔ na lɛ́si, na awɔ nátala-mi.

Yohane 3:17

Ɔsika Katɔti útatala Ubidi ɔnii ubadu bekyuli bayawine kɔtɔ. Mmomu ɔkɛnku Ubidi ɔmmɔ lɛlɔ ni, ubedie-ma na bakɛ bɔƒɔ.

Yohane 3:34

Ukyuli Ɔƒunadi ɔni na Katɔti ɔ́tala ni, anwu mɔɔsu Katɔti etemila. Ɔsika Katɔti ɔ́tala nwuna Kɔyu ɔnii kubelie ukyuli ɔmɛni lɛlɔ ku kuna ɔyikun ƒui.

Yohane 5:44

Dɛ na ɔdubɔbla asa na bɛƒɔ-mi bɛdi ka bilie bɛɛwia bumwi taasiku bina lɛlɔ kudɔ, na biláwia ka Anwu ɔni lɛti pɛ ndi Katɔti umwi-mii?

Yohane 6:57

Kalɛ na Ati ɔni nli ngba ɔ́tala-mi na ɔkɛnku anwu ɔsu na nli ngba ni, lɛni kani na ukyuli ɔni mɔɔdi mina ɔlɔna lɛnɔ welie ngba ɔkɛnku ami ɔsu.

Yohane 7:29

Nsu ami ngyi-nwu. Ɔsika anwu nátala-mi, na nwuna kudɔ na lɛ́si.”

Yohane 8:19

Amu na béye-nwu banini, “Ńtɛlɛ ƒ'ɔti ɔmmɔ?” Yesu údie kenye na ɔ́su-ma ɔnini, “Bɛɛɛgyi-mi iye mina Ɔti. Ɔsika si bɔgyi na bɛgyi-mi ni, nka bɛdubɔti mina Ɔti lɛnɔ.”

Korintoƒuɔ 1 15:34

Bɛsɔku kasusu buni bɛbla, na bɛda bina ekpidi lilu bɛva. Mɔɔsu-mii nwaa kalɛ na kɔƒa kukpo-mii ka bina badi bɛɛɛgyi Katɔti.

Korintoƒuɔ 1 8:4

Na ɔmɛni ndi lɛla lɛni mɔɔsu-mii na adila ani na béti bákpa na baƒiɔ abi lɛlɔ bɔdi lɛlɔ. Bɔgyi ka ala ani na bekyuli bábla bése baakpá ni, aaadi lɛla lɛdi na kayawi kamɛni kemmo. Ɔsika bɔgyi ka Katɔti unwi pɛ kani nkya.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Ƒilipiƒuɔ 3:10

Na lɛla lɛni kani na mɔɔwia ndi ka lɛti Kristo. Na ɔyikun ɔni náya na ɔ́ta ɔ́lɛ bekpine akɔ ɔkya-mi lɛlɔ kemmo. Na liboku-nwu abi na lɛblaku-nwu unwi na nwuna kukpi kemmo.

Ƒilipiƒuɔ 3:8

Na ɔɔɔdi ɔmmɔ lɛti. Mɔɔnu lɛla biala aani lɛla keeke si líti mɔɔkɔ́ku lɛla lɛni náƒɔ kuye geen mɛni, na ani ndi ka lɛ́ti Kristo Yesu ɔni ndi mina Ɔti. Na anwuɔsu ni, líbo lɛla biala líwiakun. Na lɛ́nu-nya aani kebu alakpi kalɛ na ami ku Kristo bɔbla unwi.

Tesalonikaƒuɔ 1 1:9

Na ama alati mɔɔtɛmi taasiku kalɛ na bɛ́ƒɔ-bu uwi ɔni na búbo-mii kudɔ ku kalɛ na bɛ́da baƒiɔ bɔkpa bɛ́ya, na bíti lɛlɔ bíte Katɔti ɔni lɛti mbo ngba.

Tesalonikaƒuɔ 2 1:8

Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemmo.

Hebriƒuɔ 3:1

Anwuɔsu ni, banwa kedee bani na Katɔti ɔ́lɔ ka bɛdi Katɔ Ɔga Ɔma ala, biti bina anu bɛsia Yesu ɔni ndi ɔtalane ku ɔkpane unengudi ɔni kenye na buudie lɛlɔ.

Petro 2 1:2

Muuvele Katɔti nnii nwuna lɛƒɔndia ku keyi buɛɛ kasiaku-mii kebu uwi biala kemmo ɔkɛnku kalɛ na bɛgyi-nwu ku Yesu ɔni ndi Blɔti lɛlɔ ɔsu.

Petro 2 1:3

Blɔti Yesu Kristo ɔkɛ Katɔti ɔyikun lɛlɔ úte-bu lɛla biala na bɔɔwia kalɛ na bulie ngba sɛɛn aani baƒɔtaadine. Úte-bu ala amɛni, ɔsika bɔgyi-nwu geen ka anwu nálɔ-bu ɔnii bula ukyulidu ɔbla kedee na buteekeye aani nwuna kalɛ.

Petro 2 1:8

Ɔsika si ala amɛni ƒui ásadi éte-mii na bítayuɛ ni, adubɔya na bɛkana bitaabla kabla na bɛnwu ebi buni ka bɛ́ti Blɔti Yesu Kristo ɔmmɔ ƒui ɔsu.

Yohane 1 1:2

Ngba litemi lɛmɛni ndi anwu ɔni náda ɔ́lɛ-bu anumi, na buudie-nwu kenye. Na anwu ɔni ndi ngba bɔni naaadubo bɔsa kudii mɛni lɛsa na bɔɔkɔ́ teete-mii. Na anwu ku Katɔti nkya asa na Katɔti údie-nwu keyi ɔ́tina-bu.

Yohane 1 1:3

Na ala ani na bɔ́nu na búnu ni, ani na buudie kenye bute-mii mɛni, kalɛ na amii lɛnɔ bɛdiku-bu kɔkpana. Na bula kɔkpana bɔdi bɔkya abu ku Katɔti ku ngba litemi lɛni ndi Ubidi Yesu Kristo ntɛ.

Yohane 1 2:23

Na ukyuli ɔni muuní Ubi ɔmɛni taasu ka ɔɔɔdi Katɔti Ubidi ni, anwu ku Katɔti beeebo kɔna. Na ukyuli ɔni muudie kenye taasu ka ɔ́ƒɔ Ubi ni, ɔ́ƒɔ Katɔti lɛnɔ.

Yohane 1 4:6

Nsu abu ni, bɔdi Katɔti badi. Na ukyuli biala ɔni ngyi Katɔti ni, uunú-bu litemi. Na ukyuli biala ɔni nátasi Katɔti kudɔ ni, ulenu-bu litemi. Ɔmɛni buuti taanu taati Kɔyu kɔni mɔɔtina litemi geen lɛmmɔ ku kɔyu kɔni mɔɔtɔ́lɔ bekyuli.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.