Yohane 17:26 - Katɔti Ɔku Kedee

²⁶ Lídie-ɔ lɛ́tina-ma. Na ndubo butaabla lɛni kalɛ na bati ka aayɔ́-ma aani kalɛ na aayɔ́-mi, na bati ka nliku-ma.”

Yohane 17:26 ပူးပေါင်းရင်းမြစ်များ

Kɔgya 22:22

Ndubo ƒula lɛnyi kudu bubo bute mina banwa. Na ndubumwi-ɔ lɛnyi kedee na baƒɔtaadine lɛkpa ƒui akɔ.

Yohane 14:20

Si limeyi lɛmmɔ lídu ni, bɛdubɔti ka ami nliku mina Ɔti, na amii biliku-mi aani kalɛ na ami lɛnɔ nliku-mii.

Yohane 14:23

Mmɔ na Yesu údie kenye ɔnini, “Ukyuli biala ɔni mɔɔyɔ́-mi ni, ɔdubɔdi mina ala ani mɔɔtina lɛlɔ. Na mina Ɔti ɔdubɔyɔ-nwu. Na ami ku mina Ɔti bɔdububo-nwu kudɔ na abu ku-nwu bɔsɔ bulie.

Yohane 15:15

Nsɔ naaalɔ-mii mina kabla bablane ɔƒɛni, ɔsika ukyuli ɔni mɔɔbla ukyuli bamba kabla ni, ɔɔɔgyi lɛla lɛni na nwuna unwoti ɔɔbla. Mmomu mɔɔlɔ-mii nnii bakpana. Ɔsika lɛla biala na línu lɛ́siku mina Ɔti kudɔ ni, ani na lɛ́su-mii.

Yohane 15:4

Bɛsɔ biliku-mi, na ami lɛnɔ ndubuliku-mii. Kugyii kagba kadi kalatɛ sɛsɛɛ taanwu ebi aka lɛti. Ɔlɛka kada kugyii kɔmmɔ lɛlɔ. Lɛni kani na amii lɛnɔ bilakana ebi adi bɔnwu, amu ntu bɛsɔ biliku-mi.

Yohane 15:9

Mɔɔyɔ́-mii kalɛ kani na mina Ɔti ɔɔyɔ́-mi. Anwuɔsu bɛsɔ biliku-mii na ntaayɔ-mii uwi biala.

Yohane 17:23

Ami nliku-ma, na awɔ eliku-mi. Ya na babla unwi bawɔlɔ kalɛ na kayawi bekyuli banu bati ka awɔ nátala-mi, na aayɔ́-ma kalɛ kani na aayɔ́-mi.

Yohane 17:6

“Lɛ́ɛya na bekyuli bani na áƒuna álɛku kayawi bekyuli akɔ éte-mi báti-ɔ. Awɔ ɔdi na badi, na éti-ma éte-mi. Bádi ƒula etemila ƒui lɛlɔ.

Yohane 17:8

Kenye kani na ásu-mi ka mabasu-ma ni, bégyingya enu báƒɔ-ka. Na bagyi ka sɔsɔ na ɔdi ka ƒula kudɔ na lɛ́si, na awɔ nátala-mi.

Yohane 6:56

Ukyuli ɔni mɔɔdi mina ɔlɔna na ɔɔní mina ubugya ni, ɔɔblaku-mi unwi, na ami lɛnɔ mɔɔblaku-nwu unwi.

Yohane 8:50

Naaawia lɛnyi teete lɛlɔ. Nsu ukyuli ɔni mɔɔwia ka bekyuli bakɔliku-mi lɛnyi katɔ ni, anwu ɔkya. Na anwu mɔɔtɛ litemi ulu lɛlɔ.

Romaƒuɔ 8:10

Ina Kristo ɔkya-mii kemmo ni, bina ɔlɔna ɔdubo bukpi na likpidi ɔsu. Nsu bina kɔyu kɔdubɔsɔ kɔkya ngba, ɔsika Katɔti ɔ́bla-mii siin.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Korintoƒuɔ 1 12:12

Kristo use aani ukyuli ugyii ɔni mbo lɛlɔ ekpo pii. Ɔlɔna unwi kani na ɔdi ina ka lɛlɔ ekpo pii násala.

Galatiƒuɔ 2:20

Ami ku Kristo na bákana bámana ugyii lɛlɔ. Ɔsɔ ɔɔɔdi ami nli ngba, mmomu Kristo nli ngba na mina kemmo. Na ngba bɔni na nli ɔƒɛni ni, nli-mu ɔkɛnku ɔyikun ɔni na lɛ́kɛ ka lɛ́ƒɔ Katɔti Ubidi ɔmmɔ lɛ́di ɔsu. Anwu néti nwuna ngba ɔ́kpa na mina lili, ɔsika ɔɔyɔ́-mi.

Eƒesoƒuɔ 1:6

Anwuɔsu bɛya na bumwi Katɔti na nwuna lɛƒɔndia libendi lɛni na ɔ́bla úte-bu ɔkɛnku Ubidi ɔni na ɔɔyɔ́ geen lɛlɔ ɔsu.

Eƒesoƒuɔ 3:17

Na muuvele nnii Kristo ɔsia bina bɔƒɔtaadi lɛlɔ na ulie-mii kayi kemmo kalɛ na si bina bɔyɔ bɔni na bibo búdie litu na bɔda kalɔ kpakplaa aani kugyii kalɛ ni,

Eƒesoƒuɔ 5:30

Ɔsika bɔdi nwuna lɛlɔ kakɛ kadi.

Eƒesoƒuɔ 5:32

Litemi lɛmɛni lɛdi abɛla ebendi. Na mɔɔsu-mii nnii etemila ammɔ ese ete Kristo ku baƒɔtaadine lɛkpa lɛmmɔ.

Koloseƒuɔ 1:27

Katɔti bɔyɔ ndi ka bekyuli bani naaadi Yudaƒuɔ ƒui bati lɛla libendi lɛni na ɔ́da úse-bu, na lɛ́ƒɔ kuye geen. Na ani ndi Kristo ɔni nkya-bu kayi kemmo. Na anwu ndi bula lɛnunsia ka abu lɛnɔ bubo kadikɔ na Katɔti bukeye kemmo.

Koloseƒuɔ 2:10

Na Katɔti ɔɔyá na bɔɔlɛ́ lili taawɔlɔ ɔkɛnku abu ku Kristo unwi bɔbla ɔsu. Na Kristo ɔmɛni mɔɔdi bayikune ku kenyekɔ biala lɛlɔ.

Koloseƒuɔ 3:11

Ɔmɛni ɔsu kavumana kadi keeebo bani ndi Yudaƒuɔ ku bani naaadi Yudaƒuɔ ntɛ, iye bani muukúlo ago ku bani neeekulo ntɛ. Lɛni kani na kavumana kadi keeebo bani ndi baƒɔ ku bani nási Sitia ku bekyuli bani mɔɔbla bekyuli bamba kabla ku bani mɔɔbla ama alati kabla ntɛ. Mmomu Kristo ndi-bu lɛla biala, na ulie ɔdi biala lɛlɔ kemmo.

Tesalonikaƒuɔ 2 2:16

Na buuvele kebunku taasiku Blɔti Yesu Kristo ku bula Unwoti Katɔti kudɔ ɔni mɔɔyɔ́-bu, na úti kayi buse ku lɛnunsia úte-bu ɔ́si nwuna lɛƒɔndia ɔsu.

Hebriƒuɔ 2:12

Ɔɔsu Katɔti ɔnini, “Ndubo ƒula lɛnyi kudu bubo bute mina banwa. Na ndubumwi-ɔ lɛnyi kedee na baƒɔtaadine lɛkpa ƒui anumi.”

Yohane 1 3:24

Bekyuli bani mɔɔdi Katɔti ɔda bubo lɛlɔ ni, beliku Katɔti. Na Katɔti lɛnɔ uliku-ma. Na Kɔyu kɔni na Katɔti úti úte-bu ɔsu ni, bɔgyi ka Katɔti uliku-bu.