Yohane 17:24 - Katɔti Ɔku Kedee

²⁴ “Ati, awɔ néti-ma éte-mi. Na mɔɔwia ka belie-mi kudɔ na kesii kani na nkya kalɛ na banu kalɛ na ákɔliku-mi lɛnyi katɔ. Ɔmɛni ndi lɛnyi lɛni na éte-mi. Ɔsika aayɔ́-mii kukuuku asa na édie kayawi ku kana lɛla biala.

Yohane 17:24 ပူးပေါင်းရင်းမြစ်များ

Ala Kalɔ Buse 45:13

Bɛsu mina ɔti kalɛ ɔnwa na Egyipteƒuɔ ƒui baakya lili kalɔ teete-mi. Na bɛsu-nwu ala ani ƒui na bɛ́nu. Na bɛkpanku mina ɔti biboku mɛni kɔnakunwi.”

Mateo 25:21

“Nwuna unwoti ɔmmɔ ɔ́su-nwu ɔnii, ‘Kabla ɔblane ɔbuni, ábla lɛla biala ulu lɛlɔ geen! Ka ásia ala blii suɛ amɛni anu kaduɛ ɔsu ni, ndubuti-ɔ linyene ala enengudi kenye. Bo butaadi na butaani na butaakɛ ebiti!’

Mateo 25:23

“Nwuna unwoti ɔmmɔ ɔ́su-nwu ɔnii, ‘Kabla ɔblane ɔbuni, ábla lɛla biala ulu lɛlɔ geen! Ka ásia ala blii suɛ amɛni anu kaduɛ ɔsu ni, ndubuti-ɔ linyene ala enengudi kenye. Bo butaadi na butaani na butaakɛ ebiti!’

Mateo 25:34

“Na Ɔga ɔmmɔ ɔdubɔsu bekyuli bani nnye-nwu kudɔ ɔnini, ‘Amii ndi bekyuli bani na Katɔti ɔni ndi mina Ɔti ɔ́ya na lɛlɔ lɛdubɔyɔ-mii kaduɛ. Anwuɔsu bibo na bibeduo lɛga kadikɔ kani na Katɔti ɔ́klibi úse úte-mii ɔ́si kayawi kalɔ kesekɔ ƒui.

Mateo 26:29

Na mɔɔsu-mii geen ka ni, nsɔ lɛɛɛdubo ntɛ bɔmɛni udu bɔdi bɔni ntu limeyi lɛni na ami ku-mii bɔdubɔni ntɛ bɔwɔdi na Katɔti lɛga kadikɔ.”

Luka 12:37

Kabla bablane bammɔ badubɔkɛ ebiti geen si bana Unwoti úbanu-ma ka benye kagyumana bete nwuna bɔsɔ bubo! Mɔɔsu-mii ka ni, ɔdubɔsabla kɔdi lɛlɔ use, na ɔya na belie kalɔ na anwu alati ute-ma adila na badi.

Luka 23:43

Mmɔ na Yesu ɔ́su-nwu ɔnini, “Mɔɔsu-ɔ geen nnii ɔmwi ɔmɛni kani ni, ami ku awɔ ƒui bɔdubo buduo Paradiso kemmo.”

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Yohane 12:26

Ukyuli biala ɔni mɔɔwia ka ɔbla-mi kabla ni, ɔdi ka ɔsiaku-mi. Na kesii kani na nlie ni, mmɔ na mina kabla ɔblane ɔmmɔ lɛnɔ welie. Na ukyuli biala ɔni mɔɔbla-mi kabla ni, mina Ɔti ɔdubute-nwu ɔbu.

Yohane 14:3

Anwuɔsu si lísie ńtáklibi-ku lɛ́wɔlɔ ni, ndubɔsɔ linwini libo na mbakpanku-mii ntése mina kudɔ na amii lɛnɔ bilie mmɔ.

Yohane 15:9

Mɔɔyɔ́-mii kalɛ kani na mina Ɔti ɔɔyɔ́-mi. Anwuɔsu bɛsɔ biliku-mii na ntaayɔ-mii uwi biala.

Yohane 17:2

Ɔsika éti ɔyikun unengudi éte-mi na kayawi bekyuli ƒui akɔ kalɛ na lɛya na bani ƒui na éti éte-mi ni, belie ngba bɔni nsɔ naaadubo bɔsa kudii.

Yohane 17:22

“Líte-ma lɛnyi buni lɛni na éte-mi kalɛ na bana ƒui babla unwi kalɛ kani na ami ku-ɔ bɔdi unwi.

Yohane 17:5

Ɔƒɛni ni, Ati, sɔ kɔliku mina lɛnyi katɔ na ƒula anumi aani kalɛ na nse ɔni na lɛ́kya-a kudɔ asa na édie kayawi.

Yohane 6:37

Bekyuli bani ƒui na Ati úte-mi ni, badubo-mi kudɔ. Na bani muubo-mi kudɔ mmɔ ni, lɛɛɛdubo-ma buni.

Yohane 6:39

Na ukyuli ɔni nátala-mi lɛƒɔyɔ ndi ka bekyuli bani ƒui na úte-mi ni, naaayila bana akɔ ɔdi, mmomu kalɛ na lɛgyila-ma na bana ƒui basɔ bata bebelie ngba na limeyi likplodi lɛlɔ.

Yohane 8:58

Amu na Yesu ɔ́su-ma ɔnini, “Mɔɔsu-mii geen nnii asa badubɔwɔ Abraham ni, Ami nli.”

Korintoƒuɔ 1 13:12

Ala ani na bɔɔnu ɔƒɛni ni, ese aani kalɛ na baanu lɛla lɛdi ƒlu ƒlu na asogya kemmo. Na kama asa na bɔdubɔnu-ni nwaa anumi ku anumi. Na lɛla lɛni na ngyi ɔƒɛni ni, lítedu lítawɔlɔ. Nsu kama ni, lɛdubo libedu lɛwɔlɔ na ɔbla nwaa aani kalɛ kani na Katɔti ɔgyi-mi ƒui.

Korintoƒuɔ 2 3:18

Na abu baƒɔtaadine bani na lɛla lɛdi liiibi-bu anumi ni, bɔɔnu Blɔti bukeye nwaa. Na Blɔti ɔni ndi Katɔti Kɔyu mɛni ni, anwu mɔɔvumana-bu udu taabla nwuna udu kalɛ na buteekeye teebu.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Korintoƒuɔ 2 5:8

Bɔɔkɛ́ kayi geen na bɔɔyɔ́ teetulo si bɔ́nyonu ɔlɔna ɔmɛni búse na bútánu Blɔti ku anumi mmomu.

Ƒilipiƒuɔ 1:23

Mina kasusu kéƒu na ala akpa anyɔ amɛni lɛlɔ. Ndubɔyɔ si lɛ́tɔlɔ na lísie nkya Kristo kudɔ. Nka ɔmɛni ɔdia-mi utulo.

Tesalonikaƒuɔ 1 4:17

Ɔmɛni kama ni, Katɔti ɔdubutiku abu bani nébu buli ngba na uti-bu utásalaku bekyuli bani náta na butásiaku Blɔti na kayaa. Na bɔdubulieku Blɔti uwi ƒui.

Petro 1 1:21

Na ɔkɛnku Kristo ɔmɛni lɛlɔ ɔsu na bɛ́ƒɔ Katɔti bɛ́di. Na anwu nágyila-nwu ɔ́lɛku kekpine na úte-nwu keliekɔ kenengudi geen. Ɔmmɔ geen ɔsu na bɛ́ƒɔ Katɔti bɛ́di na bɛsia-nwu anu.

Yohane 1 3:2

Mina banwa bayɔne, ɔƒɛni ni, búnwini Katɔti bebi. Nsu bekyuli bani udu na bɔdubo bunwini ni, Katɔti útedie-nwu tɔ keyi. Nsu bɔgyi ka si lebo lɛni na Kristo ɔ́da ɔ́lɛ ni, bɔdubo bɔbla aani nwuna kalɛ. Ɔsika bɔdubo-nwu bɔnu kalɛ geen na use.

Budie Taatina 21:22

Na ńtanu kakpakɔ kadi na ɔma ɔmmɔ kemmo, ɔsika Unwoti Katɔti ɔni ndi Ɔyikune Ƒui ku Koƒonu Ubi ɔmmɔ alati ndi ɔma ɔmmɔ kakpakɔ.

Budie Taatina 3:21

“Anwu ɔni madi ekpidi lɛlɔ ni, ndubute-nwu kuƒi na ulie-mi kudɔ na lɛgaboku lɛlɔ aani kalɛ na lɛ́di lɛlɔ na nli mina Ɔti kudɔ na lɛgaboku lɛlɔ.