Yohane 17:17 - Katɔti Ɔku Kedee

¹⁷ Bla-ma kedee te ƒula lɛlɔ ɔkɛnku ƒula etemila geen ani na bénu lɛlɔ. Ɔsika ƒula litemi lɛdi litemi geen.

Yohane 17:17 ပူးပေါင်းရင်းမြစ်များ

Samuel 2 7:28

O Unwoti Ɔbune, awɔ ndi bula Katɔti ɔni lɛlɔ kani na ukyuli ɔdubɔkɛ kama kekpokɔ. Na ásu-mi kpakplaa ka adubɔbla ala abuni enengudi amɛni ete-mi anii ƒula kabla ɔblane kalɛ.

Kɔgya 119:104

Ɔkɛnku ƒula ɔda bubo lɛlɔ ɔsu na mina kasusu kese nwaa. Na ɔmmɔ ɔsu na nkisi likpidi ulu biala.

Kɔgya 119:11

Lɛ́klibi ƒula litemi lɛ́kya mina kayi kemmo kalɛ na naaabla likpidi lɛdi naaaƒiɔ-ɔ.

Kɔgya 119:144

Ƒula etemila ese siin uwi biala. Ya-mi na nteenu ala kalɔ na melie ngba.

Kɔgya 119:160

Ƒula ɔda bubo bɔdi litemi geen lɛni nse siin na bunye bute uwi ƒui.

Kɔgya 119:9

Na ulu ɔmani lɛlɔ na okloƒu ɔdi ɔdubɔkana na ɔsia na ɔda nwuna ngba sɛɛn? Amu ntu ƒula ɔda bubo lɛlɔ bɔdi kani.

Kɔgya 12:6

Unwoti litemi lise sɛɛn aani sika ɔƒualadi ɔni bákya ogya kemmo báƒɔ-nwu maatɛ na uukeye geen.

Luka 8:11

“Lɛgba lɛni na líbo kalɔ bunu ndi ɔmɛni. Edula ammɔ ndi Katɔti litemi.

Luka 8:15

Na edula ani nálɛ ébo kalɔ kabuni lɛlɔ ni, ese aani bekyuli bani muunú litemi lɛmmɔ teeti-ni taada ku kayi nwaa. Na beeboku lɛlɔ kalɔ na beenye momoomo teetédu kawɔlɔkɔ kalɛ na banwu ebi pii.

Yohane 15:3

Lɛni kani na lɛ́ya na amii lɛnɔ bɛ́bla sɛɛn ɔkɛnku ala ani na lɛ́su-mii ɔsu.

Yohane 17:19

Na ama ɔsu ni, lɛ́bla lɛlɔ kedee lite-ɔ kalɛ na akana abla ama lɛnɔ kedee.

Yohane 8:32

Na bɛdubɔti litemi geen, na litemi lɛmmɔ lɛya na bɛkɛ bɔnwuna.”

Yohane 8:40

Nsu ami ɔni mɔɔsu-mii litemi geen lɛni na línu lɛ́siku Katɔti kudɔ ni, ami mmomu na bɛɛwia bɛdu. Ɔɔɔdi ɔmɛni udu na Abraham ɔ́bla.

Batalane Kabla 15:9

Útakya kavumana kadi na abu ku-ma ntɛ, ɔsika ɔ́ƒɔ-ma na bana bɔƒɔtaadi ɔsu. Na úti bana ekpidi ɔ́kyiɛ-ma aani abu kalɛ.

Korintoƒuɔ 2 3:18

Na abu baƒɔtaadine bani na lɛla lɛdi liiibi-bu anumi ni, bɔɔnu Blɔti bukeye nwaa. Na Blɔti ɔni ndi Katɔti Kɔyu mɛni ni, anwu mɔɔvumana-bu udu taabla nwuna udu kalɛ na buteekeye teebu.

Eƒesoƒuɔ 4:21

Use nwaa ka bɛgyi Kristo lɛlɔ litemi. Na aani nwuna kama basiakune ni, bátina-mii ala geen ani nkya Yesu ɔmmɔ kemmo.

Eƒesoƒuɔ 5:26

Ɔ́bla ɔmɛni kalɛ na ɔbla nwuna ɔyɔne ɔmmɔ kedee. Na etemila ani na ɔ́su-nwu ɔsu ni, ɔ́bla-nwu sɛɛn aani kalɛ na beeti ntu taakpila ukyuli.

Tesalonikaƒuɔ 2 2:13

Nsu ni, banwa, bɔda Katɔti enugya kayu uwi ƒui na amii ɔsu. Bɔgyi ka ɔɔyɔ́-mii sɔsɔ. Ɔsika ɔ́ƒuna-mii ɔnii bɛkɛ bɔƒɔ. Na ɔ́bla-mii nwuna badi ɔ́si kalɔ kesekɔ uwi ɔni na Katɔti Kɔyu kúveli bina ekpidi údie-mii lɛlɔ ɔsika bɛ́ƒɔ litemi buni lɛmmɔ bɛ́di ɔsu.

Yakobo 1:21

Anwuɔsu bɛda lɛlɔ bidie ala ani naaadia bɔnu ku ekpidi udu biala kudɔ. Na biboku lɛlɔ kalɔ bite Katɔti. Na biƒie nwuna litemi buni lɛni na úti ɔ́kya bina kayi kemmo bɛda. Ani ndubɔya na bɛkɛ bɔƒɔ.