Yohane 17:13 - Katɔti Ɔku Kedee

¹³ “Na ɔƒaani ni, lɛ́tɔlɔ ndubo-ɔ kudɔ na muuvele-ɔ ɔmɛni lite-ma na kayawi kalɛ na mina ebiti aƒɔ-ma kayi kemmo ƒui na edu awɔlɔ.

Yohane 17:13 ပူးပေါင်းရင်းမြစ်များ

Nehemia 8:10

Na Nehemia ɔ́sɔ ɔ́su ɔnini, “Ɔlɛka biteesie kaduli, na bitánwa adila kaduɛ na bite ɔkpanadi ɔni neeebo ɔdi. Ɔsika ɔmwi limeyi lɛmɛni lɛdi limeyi kedee lite Unwoti. Bitadu kɔnyana, ɔsika Unwoti lɛlɔyɔ lɛdubute-mii lɛlɔkplu!”

Kɔgya 126:5

Ɔsika bekyuli bani nákya edula ku lɛbibo ku keku ni, ama mɔɔƒɛ ku ebiti ku lɛma.

Kɔgya 43:4

Ndubusie ƒula lɛkpabi kudɔ mmɔ ntákpa-a, ɔsika awɔ mɔɔyá na lɛlɔ lɛɛyɔ́-mi. Na ndubuti ɔbentaa na lɛgya lidie kɔgya limwi-ɔ, O mina Katɔti.

Yohane 13:3

Yesu ɔgyi nwaa ka Ɔti úti ɔyikun úte-nwu ka ɔdi ala ƒui lɛlɔ. Na ɔgyi ka Katɔti ɔmmɔ kudɔ na ɔ́si, na nwuna kudɔ kani na ɔdubɔsɔ unwini usie.

Yohane 15:11

“Lɛ́ɛsu-mii ala amɛni ƒui kalɛ na ebiti ani na mɔɔkɛ́ ni, amii lɛnɔ bɛkɛ-nya na edu awɔlɔ.

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Yohane 17:11

Na ɔƒɛni ni, lɛ́tɔlɔ ndubo-ɔ kudɔ. Na nsɔ lɛɛɛkya kayawi kamɛni kemmo. Nsu ama bamu bakya kayawi. Ati Kedee, gyumana-ma ɔkɛnku ɔyikun ala ani mɔɔlɛ́ si bákpali-ɔ lɛnyi. Na lɛnyi lɛmmɔ kani na éti éte-mi. Ɔmɛni ndubɔya na babla unwi aani kalɛ na ami ku awɔ bɔdi benwi.

Yohane 3:29

Na ɔƒɛni ni, anwu ɔni ndi uleku ɔgya ɔmmɔ mbo uleku. Na uleku ɔgya ɔkpana ɔni nnye uleku buti kabla kamɛni kenye ni, si uwi ɔni na uleku ɔgya ku uleku ɔmmɔ bása baatɛmi bana lɛlɔyɔ atɛ ni, uunye teenu-nya ku ebiti. Lɛni kani na ami lɛnɔ ebiti aada-mi geen aani uleku ɔgya ɔkpana ɔmmɔ.

Yohane 7:33

Amu na Yesu ɔ́su-ma ɔnini, “Ndubɔsɔ lɛkya-mii kudɔ libu uwi klukui ɔdi kani na lɛtɔlɔ nteesie Anwu ɔni nátala-mi kudɔ.

Batalane Kabla 13:52

Na bana kama basiakune ama ni, bákɛ lɛlɔyɔ básiku Katɔti Kɔyu kudɔ geen!

Romaƒuɔ 14:17

Ɔsika Katɔ Ɔga Ɔma ni, ɔɔɔdanku bɔdi ku bɔni. Mmomu ɔdanku lɛlɔ bɔbla siin ku keyi buɛɛ ku lɛlɔyɔ na Katɔti Kɔyu kemmo.

Galatiƒuɔ 5:22

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ

Hebriƒuɔ 12:2

Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.

Yohane 1 1:4

Buunweni-mii ɔmɛni kalɛ na bula ebiti edu-bu ɔkwɛ.

Yohane 2 1:12

Mbo ala pii na lɛsu-mii, nsu naaayɔ ka linweni ala ammɔ limene-mii. Mmomu mɔɔwia kuƒi ka libo-mii kudɔ na bɔtɛmi anumi ku anumi kalɛ na bula ebiti edu-bu ɔkwɛ.