Yohane 16:20 - Katɔti Ɔku Kedee

²⁰ Mɔɔsu-mii geen nnii bɛdubo kɔnyana buwulo na biwulo keku. Nsu kayawi bekyuli badubo ebiti bɔkɛ mmomu. Na amii ni, bɛdubɔbla kɔnyana, nsu bina kɔnyana kɔdubunwini lɛlɔyɔ.

Yohane 16:20 ပူးပေါင်းရင်းမြစ်များ

Hiob 20:5

alaekpidi ɔblane biala ni, uwi klukwii ɔdi kani na ɔɔkɛ́ ebiti teetédu.

Kɔgya 30:11

Áya na mina kɔnyana kúnwini ebiti katɔ. Na use aani kalɛ na baalɛ́ adi atonwudi kemmo na beenyimi aƒualadi.

Kɔgya 30:5

Uléti kɔnyi taakya ukyuli uwi gyɔlɔɔ. Mmomu nwuna lɛƒɔndia lise lísela uwi ƒui. Si ina keku sɔɔn na buuwulo usien umodi ni, lɛlɔ lɛdubɔyɔ-bu ɔtanta.

Kɔgya 97:11

Bekyuli bani mɔɔdi Katɔti litemi lɛlɔ na baabla ala ulu siin lɛlɔ ni bana kasiakɔ keekeye na lɛlɔ lɛɛyɔ́-ma.

Yesaia 12:1

Na Unwoti limeyi lɛmmɔ lɛlɔ ni, bɛdubo ɔnu budie bɛnini, “Bemwi-ɔ, O Unwoti! Ina ka éti kɔnyi ákya-bu ni, kɔnyi kɔmmɔ kɔ́yɔ-ɔ na ásɔ énwini aayala-bu kaƒɔ mmomu.

Yesaia 61:3

Na lɛƒɔ lite bani nkya Yerusalem, na lɛya na bana anumi eteekeye ku lɛlɔyɔ ku lɛma na bana kɔnyana buwulo kenye. Na beteedie bumwi lɛnu, na kɔnyana lɛnu kenye. Na babla aani egyii ani na Unwoti ɔlati ɔ́lɛ, na aalɛ́ lili siin, na batina kalɛ na Unwoti uukeye.

Yesaia 66:5

Amii bani mɔɔyia Katɔti na bɛɛbu-nwu si ɔɔtɛmi ni, binu-nwu litemi. “Na bina banwa bani muudie-mii lɛti na beekisi-mii na mina lɛnyi ɔsu baasu banii, ‘Unwoti udie nwuna ɔyikun keyi na bɔnu! Na udie-mii na lɛlɔ lɛyɔ-mii bɔnu.’ Nsu bani ƒui mɔɔsu ala amɛni udu ni, badubo bunwini ku kɔƒa kɔni naaadia bɔnu.”

Yeremia 31:25

Bani na lɛlɔ lítu-ma na bábla kpɛtɛ kpɛtɛ ni, badubo ɔyikun ku ngba ɔwɔdi bɔkɛ.

Mateo 21:38

“Nsu uwi ɔni na lɛlɔ banune bamɛni bánu ubidi ɔmɛni ni, básu lɛlɔ banini, ‘Aanu kemo ɔlati ubidi ɔni ndi nwuna ala ɔdine. Bɛya na bɔdu-nwu na buƒie nwuna ala bɔƒɔ.’

Mateo 5:4

Lɛlɔ litaayɔ bekyuli bani muuwulo kɔnyana. Katɔti ɔdubɔsia-ma kɔnu.

Marko 14:72

Kɔnakunwi ni, akɔkɔ ɔ́sɔ úte kenye kunyɔdi, na Petro únyimo ka Yesu ɔ́su-nwu ɔnini, “Asa na akɔkɔ ɔdubute kenye kunyɔdi ni, adubɔsu kɔtɛ ƒui ka aaagyi-mi.” Ka úbenu nwuna lɛlɔ kalɔ ni, kɔyɔ kúwi Petro na ɔ́da lɛdi údie na uuwulo.

Marko 16:10

Anwu nésie útásu Yesu bakpana ka Yesu ɔ́ta uwi ɔni kemmo na ama bakya beewulo kɔnyana na nwuna kukpi ɔsu.

Luka 22:45

Ka Yesu ɔ́ta na kesii kani na ɔɔkpali katɔ mmɔ ni, únwini úsie batɛyane bammɔ kudɔ. Na útánu ka batɛ baalɛɛ na kɔnyana kɔni néƒie-ma ɔsu.

Luka 22:62

Mmɔ na Petro ɔ́vi ɔ́lɛ na útéwulo momoomo.

Luka 23:27

Bekyuli pii badi basiaku Yesu kama. Na beleku badi bakya bana akɔ bani nkɛ muuwulo teete-nwu.

Luka 24:17

Amu na Yesu úye-ma ɔnini, “Bi na bɛkɛ bɛɛsu na ulu na kɔnyana kúƒie-mii lɛni?” Mmɔ na bédi bénye, na bana anumi aatina ka bana lɛlɔ lɛ́ɛkywi kaƒɔ.

Luka 24:21

Nsu abu bɔ́kya bútaasia anu bɔnii anwu ndi ukyuli ɔni ndubɔƒɔ Israel bekyuli ƒui. Na ɔmmɔ kama ni, ɔmwi ndi limeyi lɛtɛdi ka ala amɛni álɛ.

Luka 6:21

Lɛlɔ litaayɔ amii bani na kɔka kɔɔda ɔƒɛni, ɔsika amii ndubumo! Lɛlɔ litaayɔ amii bani muuwulo ɔƒɛni, ɔsika bɛdubɔma!

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Yohane 16:6

Na ka lɛ́ɛya na bɛ́ti ɔmɛni ɔsu ni, bina lɛlɔ lɛ́bla-mii kɔnyana.

Yohane 20:20

Ka ɔ́su-ma ɔmɛni ɔ́wɔlɔ ni, Yesu úti nwuna enu ku ɔƒɛnyi ɔ́tina-ma. Na lɛlɔ lɛ́yɔ batɛyane bammɔ ka bánu Blɔti ɔsu.

Batalane Kabla 5:41

Na ka bésela ni, kubiti kɔ́da-ma kaduɛ, ɔsika bánu ka Katɔti ɔ́ka-ma ɔ́kya bekyuli bani muubó abi ku kɔƒa na Yesu ɔsu.

Romaƒuɔ 5:11

Na ɔɔɔdi ɔmɛni lɛti, mmomu lɛlɔ lɛɛyɔ́-bu geen na Katɔti lɛlɔ ɔkɛnku Blɔti Yesu Kristo ɔni lɛlɔ na Katɔti ɔ́sia na ɔ́sɔku abu ku-nwu ntɛ ɔ́klibi ɔsu.

Korintoƒuɔ 2 6:10

Ina ka bula lɛlɔ lɛɛkywí kaƒɔ ni, lɛlɔ lɛɛyɔ́-bu uwi biala. Baanu-bu aani bawabane, nsu bɔɔyá na bekyuli beenwíni Katɔ Ɔga Ɔma balakɛne. Baanu-bu aani bekyuli bani neeebo lɛla lɛdi. Nsu geen ni, ala ƒui ása-bu.

Galatiƒuɔ 5:22

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ

Tesalonikaƒuɔ 1 1:6

Na sɔsɔ ni, amii lɛnɔ bɛ́tɛya-bu na bɛsiaku Blɔti udu kama. Na ina ka biibó abi muedi ni, bɛ́ƒɔ litemi lɛmɛni ku ebiti ani na Katɔti Kɔyu kúte-mii.

Yakobo 1:2

Banwa, lɛlɔ litaayɔ-mii si ala lidu lidu eekpóku-mii.

Yuda 1:24

Na anwu ɔni ndubɔkana na uƒie-mii ɔda na bilebuli ni, ɔdubɔkana na ɔbla-mii kedee lɛnɔ. Na lɛlɔ lɛyɔ-mii na ɔya na bɛkana na binye nwuna anumi ani muukeye lɛtɔtɔ na bilásɔ.

Budie Taatina 11:10

Na bekyuli bani nlie kalɔ lɛlɔ badubo kubiti bɔkɛ na nkyuli inyɔ bammɔ kukpi ɔsu. Badubo limeyi bɔdi na bete lɛlɔ ala, ɔsika kenye bediene inyɔ bammɔ béti lɛbibo pii béboku kayawi bekyuli lɛlɔ.

Budie Taatina 18:7

Na kalɛ na ɔma ɔmmɔ ɔ́kɔliku lɛlɔ katɔ na nwuna adikpi bɔdi akɛla kenye ni, bɛya na ubo abi na uwulo utédu ekpidi ammɔ kenye. Ɔsika ɔma ɔmmɔ use aani uleku ɔni násu na nwuna kayi kemmo ɔnini, ‘Uleku Ɔga na ndi, na nlie mina lɛgaboku lɛlɔ. Lɛɛɛdi ukpinele, na lɛɛɛdubo kɔnyana kɔdi lɛnɔ buwulo kudii!’