Yohane 16:16 - Katɔti Ɔku Kedee

¹⁶ “Kébu uwi blii ɔdi na bɛsɔ bilanu-mi. Na ɔmmɔ kama blii lɛnɔ ni, bɛdubɔsɔ bɛnu-mi.”

Yohane 16:16 ပူးပေါင်းရင်းမြစ်များ

Marko 16:19

Uwi ɔni na Blɔti Yesu ɔ́tɛmiku-ma mmɔ kama ni, Katɔti úti-nwu úsienku katɔ na útélie keliekɔ kenengudi kani nsiaku Ɔti kadi.

Yohane 12:35

Mmɔ ni, Yesu údie kenye ɔnini, “Uwi klukui ɔdi kani na bɛdubɔsɔ bɛnu Katɔti bukeye bɔmmɔ. Anwuɔsu ni, uwi ɔni na kadi kammɔ kamu keekeye ni, bɛkya ɔkplu na bisie anumi kalɛ na kadi kalása kalakya-mii. Ɔsika ukyuli ɔni nkɛ na lɛdisa kemmo ni, ɔɔɔgyi kesii kani na úsela.

Yohane 13:3

Yesu ɔgyi nwaa ka Ɔti úti ɔyikun úte-nwu ka ɔdi ala ƒui lɛlɔ. Na ɔgyi ka Katɔti ɔmmɔ kudɔ na ɔ́si, na nwuna kudɔ kani na ɔdubɔsɔ unwini usie.

Yohane 13:33

“Mina bebi, uwi blii ɔdi kani nébu na lɛkya-mii kudɔ. Bɛdubo-mi bɔwia, nsu mɔɔsu-mii lɛla lɛni na lɛ́su Yudaƒuɔ benengu nnii, ‘Kesii kani na lísela ni, bilakana mmɔ bubo.’

Yohane 16:10

Na badubɔnu ka baaasiaku ulu siin ɔmmɔ lɛlɔ, ɔsika lísela mina Ɔti kudɔ na bɛsɔ bɛɛɛdubo-mi bɔnu.

Yohane 16:22

Lɛni geen na use ute amii lɛnɔ. Ɔƒaani ni, bina lɛlɔ libo kɔnyana. Nsu ndubɔsɔ mbanu-mii. Na mmɔ ni, lɛlɔyɔ lɛdubɔƒɔ-mii kayi kemmo ƒui. Lɛlɔyɔ lɛmɛni udu na ukyuli ɔdi biala ulakana bɔƒɔ bɔsiku-mii kudɔ kudii!

Yohane 16:28

Sɔsɔ na ɔdi ka Ati kudɔ na lɛ́si líbo kayawi. Na ɔƒɛni mɔɔtɔlɔ kayawi kamɛni kemmo nteesie Ati kudɔ.”

Yohane 16:5

Nsu ɔƒaani ni, bɔtɔlɔ na nda. Lísela mina Ɔti ɔni nátala-mi kudɔ. Nsu bina ɔdi úteye-mi ɔnii, ‘Wɛ na ésela?’

Yohane 17:13

“Na ɔƒaani ni, lɛ́tɔlɔ ndubo-ɔ kudɔ na muuvele-ɔ ɔmɛni lite-ma na kayawi kalɛ na mina ebiti aƒɔ-ma kayi kemmo ƒui na edu awɔlɔ.

Yohane 17:5

Ɔƒɛni ni, Ati, sɔ kɔliku mina lɛnyi katɔ na ƒula anumi aani kalɛ na nse ɔni na lɛ́kya-a kudɔ asa na édie kayawi.

Yohane 7:33

Amu na Yesu ɔ́su-ma ɔnini, “Ndubɔsɔ lɛkya-mii kudɔ libu uwi klukui ɔdi kani na lɛtɔlɔ nteesie Anwu ɔni nátala-mi kudɔ.

Batalane Kabla 1:3

Na emeyi aavlene kemmo na nwuna kukpi kama ni, údie lɛlɔ ɔ́tina-ma kɔlɛ kɔlɛ ɔni na ɔ́tina geen ka ɔ́kya ngba. Ama bani nánu-nwu ni, ɔ́tɛmiku-ma ɔ́siku nwuna Ɔti lɛga kadikɔ ala lɛlɔ.

Hebriƒuɔ 12:2

Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.