Yohane 15:8 - Katɔti Ɔku Kedee

⁸ Na si bɛ́nwu ebi pii ni, ɔmɛni ɔɔyá na bekyuli baakɔliku mina Ɔti lɛnyi katɔ. Na ɔmmɔ ɔɔtina lɛnɔ ka bɛdi mina batɛyane.

Yohane 15:8 ပူးပေါင်းရင်းမြစ်များ

Yesaia 60:21

Bina kadi bekyuli badubulie siin na kalɔ kammɔ kabla bana ɔdi. Bese aani egyii ani na lɛ́lɛ na áta kalɛ na bedie mina bukeye keyi.

Yesaia 61:3

Na lɛƒɔ lite bani nkya Yerusalem, na lɛya na bana anumi eteekeye ku lɛlɔyɔ ku lɛma na bana kɔnyana buwulo kenye. Na beteedie bumwi lɛnu, na kɔnyana lɛnu kenye. Na babla aani egyii ani na Unwoti ɔlati ɔ́lɛ, na aalɛ́ lili siin, na batina kalɛ na Unwoti uukeye.

Hagai 1:8

Bɛka abi lɛlɔ busie na bitáwia ligyii lɛni na bɛdubuti bɛtu mina kakpakɔ kani námanku-mi na lɛlɔ lɛyɔ-mi na bitaakpa-mi na mmɔ.

Mateo 5:16

Lɛni kani na ɔdi ka bina ablala ekeye aani asogya ute bekyuli. Na banu bina ala abuni ani bɛɛbla bati kalɛ na bemwi bina Katɔti.

Mateo 5:44

Nsu ɔƒɛni ni, ami mɔɔsu-mii nnii bɛyɔ bina bekisine na bɛkpali katɔ bite bekyuli bani muukpóku-mii.

Mateo 9:8

Uwi ɔni na bekyuli bammɔ bánu ɔmɛni ni, liƒu lɛ́da-ma na bémwi Katɔti ka úti ɔyikun ɔmɛni udu úte ukyuli.

Luka 6:35

Mmomu ni, bɛyɔ bina bekisine na bɛbla-ma lɛbuni. Bivo ala bite-ma, na bina anu atasia ka badubɔsɔku bete-mii kokooko. Si bɛ́bla lɛni ni, bɛdubɔkɛ lɛyuƒɔla bonwu. Na badubɔlɔ-mii banii Katɔti Ɔni Ntulo Ƒui bebi. Ɔsika Katɔti ubo kaƒɔ buni ute bani na ala alaƒɔ-ma anu ku belikplune lɛnɔ muedi.

Yohane 13:35

Na si bɛɛyɔ́ lɛlɔ lɛni ni, ukyuli biala ɔdubɔnu ɔti ka mina batɛyane na bɛdi.”

Yohane 15:5

“Ami ndi kɔdingyii kɔmmɔ, na amii ndi kuna kɔgba. Ukyuli ɔni nliku-mi na ami lɛnɔ nliku-nwu ni, ɔɔnwu ebi pii. Ɔsika bilakana lɛla lɛdi bɔbla si liiibo-mii kemmo.

Yohane 8:31

Amu na Yesu ɔ́su Yudaƒuɔ bani náƒɔ-nwu bádi mmɔ ɔnini, “Si bɛɛbla taasiaku mina ala ani na lɛ́tina-mii lɛlɔ ni, na bɛdi mina basiakune sɔsɔ.

Korintoƒuɔ 1 10:31

Nsu nyimo ka lɛla biala na ɔdi aabla iye aadi iye aaní ni, ɔlɛka abla ana ƒui kalɛ na eti ɔbu ete Katɔti.

Korintoƒuɔ 1 6:20

Ɔsika Katɔti ɔ́ƒɔ kayu bonwu na bina lili. Anwuɔsu biti bina ɔlɔna bɛbla ala ani muute Katɔti ɔbu.

Ƒilipiƒuɔ 1:11

Na bɛnwu ebi ani mɔɔtina ka bise siin na bina ngba bulie kemmo ka bɛ́ƒɔ Blɔti Yesu Kristo bɛ́di ɔsu, na biti ɔbu ku bumwi bite Katɔti.

Tito 2:10

Beteyu-ma lɛnɔ, mmomu batina-ma ka badi bekyuli babuni na baabla ala ulu lɛlɔ teete-ma. Ɔmɛni ndubɔya na banu bati ka bula ala ani na bɔɔtina na Blɔti ɔni ndi bula Ɔƒɔne lɛlɔ ni, adi ala abuni.

Tito 2:5

Na bati lɛlɔ bɔda, na babla lɛlɔ kedee, na babla agya beliene babuni bani muuboku lɛlɔ kalɔ teete bana bagya. Ɔmɛni ndubɔya na ukyuli ɔdi ulasu lɛla likpidi lɛdi ulásiku linyesia lɛni nási Katɔti kudɔ lɛlɔ.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Petro 1 4:11

Lɛsa ɔkɔne biala ni, utaakɔ Katɔti litemi buni lɛmmɔ lɛsa. Na ukyuli ɔni muubunku bekyuli ni, uti ɔyikun ɔni na Katɔti úte-nwu ƒui uteebunku-ma. Na bekyuli basia Yesu Kristo lɛlɔ bemwi Katɔti na ulu biala lɛlɔ. Bumwi ku ɔyikun ɔdi Yesu Kristo ɔdi uwi ƒui. Ɔsia lɛni.