Yohane 15:7 - Katɔti Ɔku Kedee

⁷ Si biliku-mi na mina etemila ákɛ keliekɔ na bina lɛlɔ kemmo ni, bivele lɛla biala na bɛɛwia, na ndubute-mii.

Yohane 15:7 ပူးပေါင်းရင်းမြစ်များ

Baga 1 3:5

Na Gibeon mmɔ ni, Unwoti údie lɛlɔ ɔ́tina Salomo na kɔna kemmo usien ɔdi. Na Katɔti ɔ́su Salomo ɔnini, “Vele-mi lɛla biala na aayɔ́ na ndubuti-ni lite-ɔ.”

Hiob 22:26

Na ebiti ku lɛlɔyɔ lɛdubɔƒɔ-ɔ lɛlɔ kemmo ƒui ka aabla-nwu kabla ɔsu, na eti ƒula anu ƒui asia-nwu lɛlɔ.

Hiob 23:12

Na ńtalɛ nwuna ɔda bubo bɔdi lɛnɔ kama. Mmomu bɔ́ƒɔ-mi kuye geen, na nsiaku-mu kama lɛnɔ siin.

Kɔgya 119:11

Lɛ́klibi ƒula litemi lɛ́kya mina kayi kemmo kalɛ na naaabla likpidi lɛdi naaaƒiɔ-ɔ.

Kɔgya 37:4

Ya na ebiti ataada-a na Unwoti lɛlɔ na ɔdubɔbla ƒula kayi ayɔla ute-ɔ.

Agba 10:24

Ala ani na balalane baayia ka atalɛku-ma ni, anya geen ndubɔlɛku-ma. Na lɛni kani na bekyuli babuni ala ani lɛlɔ na bebo lɛnunsia adububo ete-ma.

Agba 4:4

Ɔ́tina-mi ala na ɔ́su-mi ɔnini, “Ƒie mina etemila da kpakplaa ku ƒula kayi ƒui. Di mina ɔda bubo lɛlɔ na adubulie ngba.

Yesaia 58:8

Si bɛ́bla ɔmɛni ni, bɛdubɔnu kalɛ na muukeye na ɔya na bɛkɛ ɔlɛ bɔbwi. Na bina ala bɔbla siin bɔmɛni bɔdubɔgyumana-mii na bina keliela kemmo na Unwoti bukeye bɔgyumana-mii bɔsiku bina kama.

Yeremia 15:16

Uwi ɔni na átɛmiku-mi ni, ebiti áda-mi geen ka lɛbla lɛsiaku lɛni kani, ɔsika awɔ Unwoti Ɔyikune Ƒui ɔdi na ndi.

Mateo 7:7

“Bivele Katɔti ala, na ɔdubuti-nya ute-mii. Bɛwia nwuna ala, na ɔdubɔya na bɛkɛ-nya. Bibo Katɔti kegbuta kɔnu na ɔdubɔlɛmi ute-mii.

Yohane 14:13

Na lɛla biala na bivele si bɛ́kpali-mi lɛnyi ni, ndubɔbla-ni lite-mii. Ɔmɛni ndubɔya na ɔkɛnku-mi lɛlɔ ni, bekyuli badubɔkɔliku mina Ɔti lɛnyi katɔ.

Yohane 15:16

Ɔɔɔdi amii náƒuna-mi. Mmomu ami náƒuna-mii. Na lɛ́ƒuna-mii lise ka bisie bitátaabla kabla kabuni kani ndi ebi pii ani na bɛdubɔnwu. Na abla ebi ani ndubutu uwi na elebie. Ɔmɛni ɔsu ni, Katɔti ɔdubute-mii lɛla biala na bivele-nwu si bɛ́kpali-mi lɛnyi.

Yohane 16:23

“Si uwi ɔni na limeyi lɛmmɔ líbo líbedu ni, bileye-mi lɛla lɛdi. Ɔsika mɔɔsu-mii geen ka lɛla biala na bɛdubɔkpali-mi lɛnyi bivele mina Ɔti ni, ɔdubute-mii.

Yohane 8:31

Amu na Yesu ɔ́su Yudaƒuɔ bani náƒɔ-nwu bádi mmɔ ɔnini, “Si bɛɛbla taasiaku mina ala ani na lɛ́tina-mii lɛlɔ ni, na bɛdi mina basiakune sɔsɔ.

Yohane 8:37

Ngyi ka Abraham kaba bebi na bɛdi. Nsu bɛɛwia ka bɛdu-mi, ɔsika bilaƒɔ mina ala ani na mɔɔtina-mii taadi.

Galatiƒuɔ 4:2

Uwi ɔni na ɔmu ɔdi ɔnamu mɛni ni, ubo bekyuli bani mɔɔnu anwu ku nwuna ala lɛlɔ úti útédu uwi ɔni na ɔti úse úse.

Galatiƒuɔ 5:16

Na lɛla lɛni mɔɔsu-mii ndi ka bɛya na Katɔti Kɔyu kɔtɔnku-mii na bina ngba bulie kemmo. Na bitaya na bina ɔlɔna ɔkwɛ adala adi-mii lɛlɔ.

Lɛkpa Ulu 6:6

Na bɛda ɔda bubo bɔni líti muute-mii ɔmwi kadi kamɛni lɛlɔ kaduɛ na bina kayi kemmo.

Koloseƒuɔ 3:16

Bɛya na Kristo litemi buni lilie-mii kayi kemmo kaduɛ. Na bitaatina ala na bitaalɛ lɛlɔ na lɛnunda kemmo. Bitaatu Bunweni Kedee Ɔku kemmo lɛnu ku baƒɔtaadine lɛnu ku lɛnu lɛni nkɛnku Katɔti Kɔyu ala lɛlɔ teeti taagya Katɔti enu ku bina kayi ƒui.

Yohane 1 2:14

Amii bebi bati ni, muunweni-mii ɔku ɔmɛni ɔsika bɛgyi Kristo ɔni nkya ɔ́si kayawi kalɔ kesekɔ. Na amii bakloƒu ni, muunweni-mii ɔku ɔmɛni ɔsika bibo ɔyikun na Katɔti litemi lɛmmɔ lɛ́ƒɔ-mii lɛlɔ kemmo, na bɛ́ɛdi ukisine ɔmmɔ lɛlɔ.

Yohane 1 2:27

Nsu amii ni, Kristo Kɔyu kɔ́ƒɔ-mii lɛlɔ kemmo, na Kɔyu kɔmɛni kɔmu kɔkya-mii lɛlɔ kemmo. Anwuɔsu ni, bɛsɔ biláwia ka ukyuli ɔdi ɔsɔ ɔtina-mii ala adi lɛnɔ. Ɔsika nwuna Kɔyu kɔɔtina-mii ala amɛni ƒui. Na ala ani na kɔɔtina adi litemi geen lɛmmɔ, na ɔɔɔdi ɔkɔ. Anwuɔsu biliku Kristo aani kalɛ na Kɔyu kɔmmɔ kɔ́tina-mii.

Yohane 1 3:22

Na lɛla biala na buuvele-nwu ni, bɔɔkɛ́-ni ɔsika bɔɔdi nwuna ɔda bubo lɛlɔ na bɔɔbla lɛla lɛni mɔɔyɔ́-nwu kaƒɔ.

Yohane 1 5:14

Bɔgyi nwaa ka si buuvele Katɔti lɛla biala na nwuna bɔyɔ kenye ni, uunú-bu bɔkpali.