Yohane 15:6 - Katɔti Ɔku Kedee

⁶ Ukyuli biala ɔni neeeliku-mi ni, use aani kugyii kagba kani békulo bávaakun na kákwii. Na kɔgba kɔmmɔ udu ni, bɔsala na baasála-ku taakya ogya na kɔkywi.

Yohane 15:6 ပူးပေါင်းရင်းမြစ်များ

Samuel 2 23:7

Ɔmmɔ ɔsu ukyuli ɔni magyu liyu medie lɛnɔ ɔlɛka ɔnu ka ɔda atula ku abuala ani na ɔdubuti ɔda-nya udie ute na bakyula kɔnakunwi.”

Hiob 15:30

Ɔƒɛ ɔdubɔsa ɔkya-ma, na ogya ɔdubɔkyula-ma. Na ɔƒɛƒɛɛ ɔni mɔɔlɛ́ taasi Katɔti kenye kemmo ɔdubɔkpala-ma ɔtɔlɔku.

Kɔgya 80:15

Awɔ ɔlati éti ƒula kɔnu álɛ kugyii kɔmmɔ, na ánu-ku lɛlɔ na kɔ́lɛ lili.

Yesaia 14:19

Nsu aanu-ɔ na béƒwimi bábava mɛni aani kalɛ na baavá kaƒɔ kebiledi, na bekyuli bani na áya na bátu kuwii bádu ubugya ɔ́ƒɔ-ɔ lɛlɔ ƒui.

Yesaia 27:10

Na Israel lɛma linengudi lɛni na bátu bámana mmɔ ƒui asɔ elénu kɔku kɔdi nina kemmo, ɔsika badubɔda lɛma ku kɔduli kɔmmɔ bewi na kɔkwɛ livo ɔbla aani kalɔ kakwiidi kesii kani na bebuo baaví na beekpeli egyii evete taakun taatɛ mmɔ na evete asa kɔgba kɔmmɔ lɛlɔ.

Esekiel 17:9

“Na ɔƒɛni ni, Esekiel, su-mi ƒula kasusu. Aabu ka kugyii kabuli kamɛni kadubo ngba bulie? Munuu kɔdigbo aasɛ udeedi ɔmmɔ ɔdubo-ku bɔgyu budie mmɔ na ude ebi ammɔ udie-ku lɛlɔ na evete ani ƒui na ɔdaku budie mmɔ ayɛyɛ? Ɔsika kɔdigbo aasɛ ɔmmɔ ɔdubɔkana na ɔdu-ku kpɛtɛ kpɛtɛ ɔni na ɔɔɔdi bekpone pii badi na ɔdubo busie butétiku.

Mateo 13:41

Ami, Ukyuli Ɔyawine Ubi, ndubɔtala mina batu na babɔku ala ani mɔɔyá na baabla ekpidi ku ekpidi bablane ƒui bedie Katɔti lɛga kadikɔ.

Mateo 27:5

Amu na Yuda úbo egulabi ammɔ úwi Katɔti kakpakɔ mmɔ, na úsie útákya lɛlɔ ɔbuli.

Mateo 3:10

Bɛɛnu ka bada kadadi benye kugyii lɛlɔ na bada-ku ku ligyiitu. Kugyii biala naaanwu ebi buni ni, badubɔmɛnɛ-ku bakya lɛgyavonku kemmo.

Mateo 7:19

Kugyii kɔdi biala na kulánwu ebi abuni ni, baadá-ku na beeti-ku taakya ogya.

Yohane 15:2

Ɔɔmɛnɛ kagba biala kani naaakana bɔnwu teedie kɔgba kɔkladi akɔ. Na ɔɔƒiala kɔgba kɔni mɔɔnwu lɛnɔ kemmo kalɛ na kuna akɔ kɔbla nwaa na kɔkana kutaanwu kaduɛ.

Hebriƒuɔ 10:27

Mmomu ɔlɛka bunye butaanu ulu ku liƒu ka badubɔtɛku-bu litemi. Ɔsika ogya bonwu ɔni muubile ala ubakyula Katɔti bekisine ƒui.

Petro 2 2:20

Si bekyuli bávumana kayi na Katɔti údie-ma ɔ́lɛku ala ani muukpóku-ma ƒui kudɔ ka báƒɔ Blɔti ku Ɔƒɔne Yesu Kristo asa na básɔ bénwini bésie belie bana ngba kuuku bɔmmɔ ni, bana ablala eebie teetulo kalɛ na úse kalɔ kesekɔ ƒui.

Yohane 1 2:19

Na bekyuli bamɛni bálɛ bula lɛkpa lɛmɛni kemmo, ɔsika baaadi bula badi. Na si bula bekyuli na badi ni, nka bamu bakya-bu akɔ. Nsu bana bɔtɔlɔ bɔmmɔ bɔ́tina geen ka bana akɔ ɔdi biala ɔɔɔdi bula badi.

Budie Taatina 20:15

Na ukyuli ɔni na bétenweni-nwu lɛnyi bátakya ngba ɔku ɔmɛni kemmo ni, béti-nwu bébo bákya lɛgyavonku lɛmmɔ kemmo.

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”