Yohane 15:25 - Katɔti Ɔku Kedee

²⁵ Na ala amɛni ƒui ni, ɔlɛka ebo-nwu kemmo lɛni kalɛ kani na bénweni bése na Bunweni Kedee Ɔku kemmo banini, ‘Beekisi-mi keeke.’

Yohane 15:25 ပူးပေါင်းရင်းမြစ်များ

Kɔgya 109:3

Báda-mi ulu ku bana enyekpi na beekpóku-mi ɔni na ńtabla-ma lɛla lɛdi.

Kɔgya 35:19

Unwoti Katɔti, taya na bekyuli bani muukisi-mi keeke mɛni bakɛ ebiti na mina lɛbibo ɔsu. Na taya na bataamana bana anumi taakya-mi ka bákɛ lɛla lɛni na baawia ɔsu. Nsu ɔɔɔdi lɛla lɛdi na lɛ́bla-ma.

Kɔgya 69:4

Na mina bekisine bani muukisi-mi keeke bemomo betulo mina lili linwini. Na bani mɔɔwia-mi ngba bayila lɛnɔ bebo ɔkplu, na ɔkɔ ala sɔɔn na baasu taasiku-mi lɛlɔ. Na béƒie-mi ala ani na ɔɔɔdi buyu na líyu-nya baƒɔ-mi kudɔ.

Kɔgya 7:4

Mina ɔkpana ɔmani na lídie líte iye mina ukisine ɔmani lɛlɔ na lɛ́ta línye na ulu ukpidi ɔdi lɛlɔ?

Mateo 10:8

Bɛbwi balɛne na bɛgyila bekpine. Bɛbwi bani muuƒi ɔlɛgyie, na bɛgya ayu ekpidi. Bíteye ɔyikun ɔmɛni na mina kudɔ, anwuɔsu amii lɛnɔ biteti bitadi kuye.

Luka 24:44

Amu na ɔ́su-ma ɔnini, “Ala amɛni lɛlɔ kɔtɛ geen na lɛ́tɛmiku-mii ɔni na lɛ́kya-mii kudɔ. Ala ani ƒui na bénweni na Mose ɔda bubo ɔku kemmo ku Katɔti kenye bediene ala ani bénweni ku kɔgya ɔku kemmo ni, ɔlɛka ebo-nwu kemmo lɛni.”

Yohane 10:34

Amu na Yesu údie kenye ɔnini, “Bénweni na Bunweni Kedee Ɔku kemmo ka Katɔti ɔ́su ɔnini, ‘Bise aani Katɔti.’

Yohane 13:18

“Ɔɔɔdi bina ƒui litemi na ndaku bɔsu ɔƒaani. Ngyi bina akɔ bani na lɛ́ƒuna. Nsu ɔlɛka Bunweni Kedee Ɔku kemmo etemila ebo-nwu kemmo lɛni kalɛ na bénweni bése banini, ‘Ukyuli ɔni nákyaku-mi kɔnu lɛkyami kemmo na bɔ́di ni, anwu nénwini únye-mi lɛlɔ.’

Yohane 19:36

Bábla ala amɛni ƒui kalɛ na Bunweni Kedee Ɔku kemmo etemila ebo ete lɛni ɔni na bénweni banini, “Nwuna likubi linwi muedi balaƒɛ-ni.”

Romaƒuɔ 3:19

Ɔƒɛni ni, bɔgyi ka ala ani ƒui básu na Mose ɔda bubo ɔku kemmo adanku bekyuli bani nkya ɔda bubo bɔmɛni kalɔ. Na ɔyawine ɔdi ulakana kenye kadi budie na Katɔti litemi bɔtɛ kemmo. Ɔsika Katɔti ɔdubɔtɛku kayawi ƒui litemi.

Romaƒuɔ 3:24

Nsu ni, Katɔti ɔkɛnku Kristo Yesu ɔni náƒɔ bula lili kayu lɛlɔ ɔ́ya na bɔɔbla siin na nwuna lɛƒɔndia ɔsu.

Korintoƒuɔ 2 11:7

Uwi ɔni na lɛ́ka litemi buni lɛmmɔ lɛsa bɔkɔ bute-mii ni, ńtakya-mii kayu kadi. Mmomu líboku lɛlɔ kalɔ kalɛ na lɛtalaku-mii katɔ. Na ɔni na lɛ́bla ɔmɛni ɔsu na lɛ́bla likpidi lɛdi?

Galatiƒuɔ 2:21

Lɛɛɛdubo Katɔti kɔnyana kɔni na ɔɔnu bekyuli kama bɔlɛ kudii. Ɔsika si ɔda bubo bɔkukudi bɔmmɔ lɛlɔ na Katɔti ɔɔsɔku anwu ku ukyuli ntɛ taaklibi ni, na Kristo úkpi keeke.”

Tesalonikaƒuɔ 2 3:8

Búteti bula etila bútasia ɔdi lɛlɔ. Na mmomu bɔ́bla kabla kpakplaa usien ku ɔƒɛ ɔni na ɔdi útebo bula lɛlɔ bɔnu kayu.

Budie Taatina 21:6

Na ɔ́su-mi ɔnini, “Ɔ́sa! Ami ndi Alƒa ku Omega ɔni ndi lɛla biala kalɔ kesekɔ ku kawɔlɔkɔ. Na bani na utukwɛ ɔɔda ni, ndubute-ma ntu ƒaa na bani basiku libiɔ lɛni muute ngba ƒui kemmo.

Budie Taatina 22:17

Katɔti Kɔyu kɔmmɔ ku Yesu bayɔne banii, “Bo!” Na ɔlɛka ukyuli biala ɔni muunú ɔmɛni lɛnɔ ɔsu ɔnii, “Bo!” Na bani ƒui na utukwɛ ɔɔda ni, bebo. Na bani ƒui mɔɔyɔ́ ni, babani ngba ntu bɔmmɔ ƒaa. Kayu kadi taƒɔ taƒɔ.