Yohane 15:16 - Katɔti Ɔku Kedee

¹⁶ Ɔɔɔdi amii náƒuna-mi. Mmomu ami náƒuna-mii. Na lɛ́ƒuna-mii lise ka bisie bitátaabla kabla kabuni kani ndi ebi pii ani na bɛdubɔnwu. Na abla ebi ani ndubutu uwi na elebie. Ɔmɛni ɔsu ni, Katɔti ɔdubute-mii lɛla biala na bivele-nwu si bɛ́kpali-mi lɛnyi.

Yohane 15:16 ပူးပေါင်းရင်းမြစ်များ

Ala Kalɔ Buse 18:18

Abraham ɔdubo bɔwɔ na nwuna kadi bekyuli baƒɔ lɛnyi na bakɛ ɔyikun. Na ɔkɛnku Abraham ɔmɛni lɛlɔ ɔsu na ndubute kayawi kadi ƒui bekyuli kusɛ kusɛ.

Kɔgya 145:4

Ƒula ablala ɔsu ni, badubo-ɔ bumwi ɔ́si kaba útédu kaba. Na badubo ƒula ala enengudi lidu lidu ani na ábla lɛsa bɔkɔ.

Kɔgya 71:18

Ina lɛ́bi na lili lɛ́ƒuala-mi muedi ni, tedie-mi atu wetédu ka lɛ́ya na kaba bekyuli bani mebo kama báti ɔyikun ala ani na ábla.

Agba 11:30

Bekyuli babuni bese aani egyii ani mɔɔnwu ebi buni ani baadi teelie ngba. Na bani muudie bekyuli na ɔgbankpi kemmo ni, báda anu.

Yesaia 27:6

Uwi ɔdubo ɔni mina kadi bekyuli badubo ligyiitu budie na Israel kadi bamɛni badubo bɔta na bedie evete na banwu ebi pii beyile kayawi.

Mika 5:7

Yakob kaba kemmo bebi ɛlɛɛ badi bébu na bégyingya bákya kalɔ kammɔ lɛlɔ ƒui kadi bekyuli akɔ. Nsu Unwoti ɔdubɔya na benwini aani amii ani mɔɔyu teewi ala lɛlɔ iye ɔnantu ɔni mɔɔna na kalɔ kaayɔ́. Na ɔɔɔdubo bɔsi bekyuli kudɔ, mmomu ɔdubɔsi Unwoti ɔlati kudɔ.

Mateo 21:22

Na lɛla biala lɛni na bɛdubuye Katɔti na bɔƒɔtaadi kemmo ni, bɛdubɔkɛ-ni.”

Mateo 7:7

“Bivele Katɔti ala, na ɔdubuti-nya ute-mii. Bɛwia nwuna ala, na ɔdubɔya na bɛkɛ-nya. Bibo Katɔti kegbuta kɔnu na ɔdubɔlɛmi ute-mii.

Luka 6:13

Ka kadi kégye ni, ɔ́lɔ nwuna basiakune ƒui úbasala nwuna kudɔ na ɔ́ƒuna leevu-inyɔ bani na ɔ́sia-ma lɛnyi ɔnii nwuna batalane.

Yohane 13:18

“Ɔɔɔdi bina ƒui litemi na ndaku bɔsu ɔƒaani. Ngyi bina akɔ bani na lɛ́ƒuna. Nsu ɔlɛka Bunweni Kedee Ɔku kemmo etemila ebo-nwu kemmo lɛni kalɛ na bénweni bése banini, ‘Ukyuli ɔni nákyaku-mi kɔnu lɛkyami kemmo na bɔ́di ni, anwu nénwini únye-mi lɛlɔ.’

Yohane 15:19

Si bɛ́bla unwi ku kayawi bekyuli na bana ablala kemmo ni, badubɔyɔ-mii aani bana badi. Nsu ami lɛ́ƒuna-mii lɛ́lɛku kayawi bekyuli bammɔ akɔ, na bɛsɔ bɛɛɛdi bana badi. Ɔmmɔ ɔsu na beekisi-mii.

Yohane 15:5

“Ami ndi kɔdingyii kɔmmɔ, na amii ndi kuna kɔgba. Ukyuli ɔni nliku-mi na ami lɛnɔ nliku-nwu ni, ɔɔnwu ebi pii. Ɔsika bilakana lɛla lɛdi bɔbla si liiibo-mii kemmo.

Yohane 6:70

Amu na Yesu údie kenye ɔnini, “Ami náƒuna bina leevu-inyɔ bamɛni ina ka bina akɔ unwi ɔdi ukisine.”

Batalane Kabla 1:24

Na bákpali katɔ banini, “Blɔti, awɔ ngyi ukyuli biala kasusu kemmo. Anwuɔsu tina-bu nkyuli inyɔ bamɛni akɔ unwi ɔni na áƒuna, ka unye ɔtalane kenyekɔ kani na Yuda ɔ́da úse na ɔ́tɔlɔ úsie kesii kani néduku-nwu.”

Batalane Kabla 1:8

Nsu si uwi ɔni na Katɔti Kɔyu kúbo-mii kudɔ ni, kɔdubɔƒɔ-mii lɛlɔ kemmo ƒui na kɔdubɔkya-mii ɔyikun na bɛdubɔsu-mi lɛlɔ litemi na Yerusalem ku Yudea ku Samaria wetéduku kalɔ kawɔkɔ.”

Batalane Kabla 10:41

Nsu ni, ɔɔɔdi bekyuli ƒui nánu-nwu. Mmomu abu bani na ɔ́ƒuna ni, abu bɔ́nu-nwu. Na bɔ́di na bɔ́niku-nwu lɛnɔ na nwuna bɔsɔ bɔta kama.

Batalane Kabla 22:14

Amu na ɔ́su-mi ɔnini, ‘Bula bati kuuku Katɔti náƒuna-a kalɛ na anu nwuna lɛyɔla ati, na anu nwuna Ukyuli Ɔƒunadi Kedee ɔmmɔ lɛnɔ ati, na eteenu-nwu lɛdi.

Batalane Kabla 9:15

Nsu Blɔti ɔ́su-nwu ɔnini, “Teesie, na atábla kalɛ na lɛ́su-ɔ. Ɔsika ami lɛ́ɛƒuna Saulo aani mina ukyuli ɔni meti mina litemi buni lɛmɛni mesienku ama bani naaadi Israelƒuɔ ku baga anumi ku Israelƒuɔ ƒui kudɔ.

Romaƒuɔ 1:13

Banwa, bɛti ka lɛ́bla kasusu uwi pii kemmo ka libo-mii kudɔ nka, nsu lɛla lɛdi lítile-mi kuƒi. Mɔɔyɔ́ ka lɛya na bekyuli baƒɔ Kristo badi na bina akɔ aani kalɛ na lɛ́bla na bekyuli bani naaadi Yudaƒuɔ akɔ.

Romaƒuɔ 1:5

Na ɔkɛnku Kristo lɛlɔ ni, Katɔti ɔ́nu-bu kɔnyana na úti-bu ɔ́bla batalane úte Kristo kalɛ na bɔya na kadi ƒui bekyuli baƒɔ badi na babla nwuna lɛyɔla.

Romaƒuɔ 15:4

Na ala ani ƒui na bénweni bése uwi ɔni návi kemmo ni, bénweni-nya bése kalɛ na batina-bu ala, kalɛ na si búnye lɛbibo biala kenye kpakplaa ɔkɛnku Bunweni Kedee ogya ɔni na ɔɔkya-bu lɛlɔ ni, na bɔkɛ lɛnunsia.

Romaƒuɔ 9:21

Ɔmɛni kama ni, ukyuli ɔni mɔɔvɔ́ ebwi ubo kuƒi na ɔbla lɛvɔti lɛmmɔ kalɛ biala na ɔɔyɔ́. Na ɔkana na ɔvɔ ebwi anyɔ ɔlɛku lɛvɔti linwi lɛmmɔ kemmo, kalɛ na uti libwi linwi use ute limeyi bɔdi. Na uti libwi linyɔdi utaaƒuƒwɛ.

Korintoƒuɔ 1 10:11

Ala amɛni ƒui álɛku-ma kalɛ na abu bɔnu bɔtɛya. Na bénweni-nya bése kalɛ na buti-nya bɔlɛ lɛlɔ. Ɔsika bula uwi ɔni kemmo na bɔkya mɛni ni, úudu kawɔlɔkɔ.

Galatiƒuɔ 1:15

Nsu na Katɔti kɔnyana bɔnu ɔsu ni, ɔ́ƒuna-mi úte nwuna kabla asa na badubɔwɔ-mi. Ka uwi údu-nwu ni, údie Ubidi ɔmmɔ ɔ́tina-mi kalɛ na lɛkana na lɛkɔ-nwu lɛlɔ lɛsa na amii bani naaadi Yudaƒuɔ akɔ. Na ńtatádiku ɔdi kasusu na ɔmɛni lɛlɔ,

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Koloseƒuɔ 1:23

Anwuɔsu ɔdi ka binye kpakplaa na bina bɔƒɔtaadi kemmo, na bitaya na enu aƒɛ-mii na bɛyila lɛnunsia lɛni bibo ɔ́si uwi ɔni na bínu litemi buni lɛmmɔ. Na ɔdi litemi buni lɛni lɛsa na lɛ́kɔ líte bayawine ƒui. Na ani ɔsu na ami Paulo ḿbenwini Katɔti kabla ɔblane.

Koloseƒuɔ 1:6

Litemi buni lɛmɛni ala abuni amu aalɛ́ku bekyuli na liigyingya na kayawi ekpo ƒui aani kalɛ na ɔ́lɛku-mii uwi ɔni na bínu Katɔti kɔnyana bɔnu litemi geen lɛmmɔ kudeedi, na bɛ́nu bɛ́ti kalɛ na Katɔti ɔɔyɔ́-mii.

Timoteo 1 2:7

Na ɔmɛni ɔsu na Katɔti ɔ́bla-mi lɛsa ɔkɔne ku ɔtalane. Na ɔɔɔdi ɔkɔ na mɔɔnyi. Mɔɔsu-mii geen nnii údie-mi aani ala ɔtinane ɔnii mbedie bɔƒɔtaadi kenye ntina bekyuli bani naaadi Yudaƒuɔ.

Timoteo 2 1:11

Katɔti úti-mi ɔ́bla lɛsa ɔkɔne ku ɔtalane ku nwuna litemi buni lɛmɛni ala ɔtinane.

Timoteo 2 2:2

Na ala ani na énu ka lɛ́tina bekyuli pii anumi ni, anya kani na ɔlɛka eti akya bekyuli bani náƒɔ bádi enu kemmo na beti-nya batina bekyuli bamba lɛnɔ.

Tito 1:5

Lɛ́ya-a na ásɔ akya Kreta kalɛ na aklibi ala ani nébu bɔklibi. Na ɔma biala kemmo ni, die benengu bani menye baƒɔtaadine kenye aani kalɛ na lɛ́su-ɔ nnii bla.

Hebriƒuɔ 11:4

Ɔkɛnku bɔƒɔtaadi lɛlɔ na Abel úti akpala ani ndia ntulo Kain akpala ɔ́kpa úte Katɔti. Na ɔkɛnku nwuna bɔƒɔtaadi lɛlɔ ɔsu na Katɔti úmwi-nwu na ɔ́nu-nwu ka ɔdi ukyuli ɔni nse siin. Ɔsika nwuna akpala áyɔ Katɔti kaƒɔ. Ina ka Abel úkpi ni, ɔkɛnku nwuna bɔƒɔtaadi lɛlɔ ɔsu na nwuna ablala amu aatɛmiku-bu.

Yakobo 3:18

Na bekyuli bani mɔɔklibi bekyuli ntɛ ni, kɔsia kɔdubɔlɛ bɔsiku unwi bɔbla ogya ɔni na baakya bekyuli kemmo, aani kalɛ na beedé edula buni na ebi ani na báva kemmo.

Petro 1 3:15

Mmomu bitaabu Kristo aani Blɔti. Na si ukyuli ɔdi uuye-mii lɛla lɛni lɛlɔ na bɛsia anu lɛni ni, binye kagyumana na bidie lɛlɔ kenye. Nsu bɛbla ɔmɛni ku udu buɛɛ ku lɛlɔ kalɔ buboku.

Petro 1 3:2

Mmomu ama alati badubɔnu kalɛ na bina udu use sɛɛn ku lɛlɔ kalɔ buboku.

Yohane 1 4:10

Bɛya na lɛsu-mii lɛla lɛni geen muudie bɔyɔ keyi. Ɔɔɔdi kalɛ na bɔɔyɔ́ Katɔti muudie bɔyɔ keyi. Mmomu Katɔti ɔ́yɔ-bu, na úti Ubidi ɔ́kpa na bula ekpidi lili kalɛ na ɔklibi abu ku-nwu ntɛ.

Yohane 1 4:19

Bɔɔyɔ́ Katɔti ku bekyuli ɔsika Katɔti náka-bu bɔyɔ.