Yohane 15:11 - Katɔti Ɔku Kedee

¹¹ “Lɛ́ɛsu-mii ala amɛni ƒui kalɛ na ebiti ani na mɔɔkɛ́ ni, amii lɛnɔ bɛkɛ-nya na edu awɔlɔ.

Yohane 15:11 ပူးပေါင်းရင်းမြစ်များ

Yesaia 53:11

Ɔdubɔnu lɛla lɛni ndubɔlɛ lɛsi kɔyu kemmo abi ani na úbo, na kaƒɔ kaba-nwu. Ka mina kabla ɔblane ɔni nse siin ɔgyi mina lɛyɔla ɔsu ni, ɔdubɔya na bekyuli pii ku Unwoti ntɛ bɔdia. Na anwu ɔlati ɔdubɔƒɔ-ma ekpidi uti.

Yesaia 62:4

Na bekyuli basɔ baaadubo ƒula kalɔ kammɔ lɛnyi bɔsia banii, “Udinkɔ ɔni na béni bése.” Mmomu badubɔlɔ-ka banii, “Uleku ɔni na báwɛɛ-nwu kaduɛ.” Ɔsika ƒula lɛlɔ lɛdubɔda Unwoti ebiti na ɔdubɔbla aani uleku ogya ute-ɔ.

Yeremia 33:9

Na si uwi ɔni na ala amɛni álɛ lɛni ni, kalɔ lɛlɔ kadi bekyuli ƒui badububo ala abuni ani na lɛ́bla líte Yerusalem bɔnu ku kalɛ na lɛ́ya na ɔ́kɛ keyi buɛɛ geen. Na lɛlɔ lɛdubɔyɔ-ma na batɔ ku ebiti na bemwi-mi na bataabu-mi lɛnɔ. Nsu liƒu bonwu lɛdubo-ma bɔda na lɛlɔ litaatɔ-ma.

Seƒania 3:17

Unwoti Katɔti unye-mii kudɔ uwi ndi uwi. Ubo ɔyikun ka udie-mii. Na kalɛ na ɔɔyɔ́-mii ɔsu ni, ɔdubɔya na bɛkɛ bɔnwuna. Na amii ɔsu ni, uudie nwuna lɛlɔyɔ keyi ku lɛnu bɔtu.”

Luka 15:23

Ɔmɛni kama ni, bisie na bitéƒie ebuo ɔni nélie lɛmwi kaduɛ na bɛdu-nwu. Na bɛya na bɔdi limeyi.

Luka 15:32

Nsu ni, ɔlɛka bɔdi limeyi na bɔkɛ ebiti, ɔsika búti-nwu bɔnii bukpi na ƒ'ɔnwani úkpi na ɔ́sɔ únwini úbo ngba. Bɔyii na ɔ́yii na bɔ́sɔ bɔ́nu-nwu.’ ”

Luka 15:5

Na si ánu-ku ni, adubɔkɛ kubiti geen, na agyu-ku asia amangba.

Luka 15:9

Na si ɔ́nu-nwu ni, ɔdubɔlɔ nwuna bakpana ku liku bekyuli ɔsala, na ɔsu-ma ɔnii, ‘Ebiti aada-mi geen, ɔsika lɛ́nu mina sika ubi ɔni náyii ɔsu bɛkɛku-mi ebiti.’

Yohane 16:24

Úti úbedu uwi ɔmɛni kemmo ni, bítakpali-mi lɛnyi bítevele tɔ Katɔti lɛla lɛdi. Bivele-nwu na ɔdubute-mii, na bina ebiti adubudu awɔlɔ.

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Yohane 17:13

“Na ɔƒaani ni, lɛ́tɔlɔ ndubo-ɔ kudɔ na muuvele-ɔ ɔmɛni lite-ma na kayawi kalɛ na mina ebiti aƒɔ-ma kayi kemmo ƒui na edu awɔlɔ.

Yohane 3:29

Na ɔƒɛni ni, anwu ɔni ndi uleku ɔgya ɔmmɔ mbo uleku. Na uleku ɔgya ɔkpana ɔni nnye uleku buti kabla kamɛni kenye ni, si uwi ɔni na uleku ɔgya ku uleku ɔmmɔ bása baatɛmi bana lɛlɔyɔ atɛ ni, uunye teenu-nya ku ebiti. Lɛni kani na ami lɛnɔ ebiti aada-mi geen aani uleku ɔgya ɔkpana ɔmmɔ.

Romaƒuɔ 15:13

Muuvele nnii Katɔti ɔni ndi bula lɛnunsia ɔya na lɛlɔyɔ lɛƒɔ-mii lɛlɔ kemmo ƒui, na bɛkɛ keyi buɛɛ aani kalɛ na bíti bina lɛlɔ bɛ́sia-nwu lɛlɔ kenye, kalɛ na Katɔti Kɔyu ɔyikun ɔya na bina lɛnunsia lɛƒɔ-mii lɛlɔ kemmo ƒui.

Korintoƒuɔ 2 1:24

Ɔɔɔdi banii bɔɔdi-mii lɛlɔ na ala amɛni kemmo. Bɔgyi geen kalɛ na bɛda bina bɔƒɔtaadi kpakplaa. Anwuɔsu abu ku-mii bɔɔsála taabla kabla na bɛkɛ ebiti.

Eƒesoƒuɔ 5:18

Bitekpi ntɛ, ɔsika ɔmɛni mɔɔyá na bɛɛyii udu. Mmomu Katɔti Kɔyu kɔƒɔ-mii lɛlɔ kemmo ƒui.

Ƒilipiƒuɔ 1:25

Nsu ngyi ka ndubulie kayawi kamɛni kemmo ku-mii na liti libunku bina anumi busie na bɛkɛ kubiti na bina bɔƒɔtaadi kemmo.

Tesalonikaƒuɔ 1 5:16

Bɛya na lɛlɔ litaayɔ-mii uwi biala.

Petro 1 1:8

Bítanu-nwu kudii, nsu bɛɛyɔ́-nwu. Na bilánu-nwu ɔƒɛni lɛnɔ, nsu bɛɛƒɔ́-nwu taadi. Anwuɔsu bɛya na lɛlɔyɔ lɛni náƒɔ kuye geen na ukyuli ɔdi biala ulakana-ni kalɔ budie lɛnɔ ni, lɛkya-mii kemmo.

Yohane 1 1:4

Buunweni-mii ɔmɛni kalɛ na bula ebiti edu-bu ɔkwɛ.

Yohane 2 1:12

Mbo ala pii na lɛsu-mii, nsu naaayɔ ka linweni ala ammɔ limene-mii. Mmomu mɔɔwia kuƒi ka libo-mii kudɔ na bɔtɛmi anumi ku anumi kalɛ na bula ebiti edu-bu ɔkwɛ.