Yohane 14:6 - Katɔti Ɔku Kedee

⁶ Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Yohane 14:6 ပူးပေါင်းရင်းမြစ်များ

Mateo 11:27

Na ɔ́sɔ ɔ́su ɔnini, “Mina Ɔti úti ala ƒui úte-mi. Na anwu lɛti ngyi ukyuli ɔni udu na ndi. Na ami lɛti ngyi ukyuli ɔni na mina ɔti lɛnɔ ɔdi. Na mɔɔƒuna bekyuli badi bani na medie-nwu matina.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Yohane 1:17

Ɔsika kudeedi ni, Katɔti ɔkɛ Mose lɛlɔ úte-bu nwuna ɔda bubo. Nsu ɔkɛ Yesu Kristo lɛlɔ úte-bu lɛƒɔndia lɛmɛni ku litemi geen.

Yohane 1:4

Na Litemi lɛmmɔ kemmo na ngba geen bɔɔsí. Na ngba bɔmɛni muute bekyuli Katɔti bukeye geen.

Yohane 10:28

Mɔɔyá na beelie ngba bɔni nsɔ naaadubo bɔsa kudii, na balayii ku udu. Na ukyuli biala ulakana-ma buƒie bɔƒɔ na mina kɔnu kemmo.

Yohane 10:7

Ɔmɛni ɔsu ni, Yesu ɔ́sɔ ɔ́su-ma ɔnini, “Mɔɔsu-mii geen ka ni, ami ndi ɔba kayakun ute baƒonu bammɔ.

Yohane 10:9

Ami ndi kayakun kammɔ. Na ukyuli biala ɔni mɔɔsia-mi lɛlɔ teeduo ɔba ɔmmɔ kemmo ni, ndubɔƒɔ-nwu ngba. Ɔdubuduo mmɔ utaalɛ na utaakɛ adila abuni taadi.

Yohane 14:19

Kébu blii na kayawi bekyuli basɔ balanu-mi. Nsu amii bɛdubo-mi bɔnu. Na ka nli ngba ɔsu ni, amii lɛnɔ bɛdubulie ngba.

Yohane 15:1

Ami ndi kɔdingyii kɔbuni, na mina Ɔti ndi kugyii kɔmɛni lɛlɔ ɔnune.

Yohane 18:37

Ka ɔ́su-nwu lɛni ni, Pilato úye-nwu ɔnini, “Anwuɔsu ɔga na adi?” Amu na Yesu ɔ́su-nwu ɔnini, “Awɔ mɔɔsu ka ɔga na ndi. Na ɔmɛni ɔsu geen na báwɔ-mi. Na líbo kalɔ kamɛni lɛlɔ kalɛ na mbedie litemi geen lɛtina. Na ukyuli biala ɔni nkɛnku litemi geen lɛmmɔ ni, uunú lɛla lɛni na mɔɔsu.”

Yohane 5:21

Ɔsika kalɛ na mina Ɔti ɔɔgyila bekpine na beelie ngba ni, lɛni kani na ami Ubidi lɛnɔ muuti ngba teete bani na mɔɔyɔ́ ka lite ngba.

Yohane 6:33

Ɔsika Katɔti adila geen ani na uute bekyuli ndi ami ɔni mɔɔyá na bekyuli beelie ngba.”

Yohane 6:51

Ami ndi adila ani muute ngba. Na lɛ́si katɔ lɛ́yu líbo. Ukyuli biala ɔni mɔɔdi adila amɛni adi ni, ɔdubo ngba bulie uwi ƒui. Na adila ani ndubute bekyuli ni, anya ndi mina ɔlɔna.”

Yohane 6:57

Kalɛ na Ati ɔni nli ngba ɔ́tala-mi na ɔkɛnku anwu ɔsu na nli ngba ni, lɛni kani na ukyuli ɔni mɔɔdi mina ɔlɔna lɛnɔ welie ngba ɔkɛnku ami ɔsu.

Yohane 6:68

Amu na Simon Petro údie kenye ɔnini, “Blɔti, ɔma kudɔ na búnwini búsela? Awɔ nda ngba bɔni nsɔ naaadubo bɔsa kudii etemila.

Yohane 8:32

Na bɛdubɔti litemi geen, na litemi lɛmmɔ lɛya na bɛkɛ bɔnwuna.”

Yohane 8:51

Mɔɔsu-mii geen nnii ukyuli ɔni madi ala ani na mɔɔtina mɛni lɛlɔ ni, ulekpi kudi kudii!”

Batalane Kabla 3:15

Amii bɛ́ya na bádu ukyuli ɔni muute bekyuli ngba. Nsu Unwoti ɔ́sɔ ɔ́gyila-nwu ɔ́lɛku bekpine akɔ! Na abu alati bɔ́nu-nwu ku bula anumi!

Batalane Kabla 4:12

Anwu lɛti ndi bekyuli Ɔƒɔne, ɔsika anwu kani na Unwoti úte lɛnyi ku ɔyikun na bekyuli ƒui akɔ ɔni makana waƒɔ-bu ngba.”

Batalane Kabla 9:2

Mmɔ na úvele-nwu ɔnii ute-nwu ɔku na uti usienku Yudaƒuɔ kɔsakɔ na Damasko kalɛ na ɔkɛ ɔyikun na uƒie banana ku beleku bani ƒui nsiaku bɔƒɔtaadi bɔwɔdi bɔmmɔ usienku Yerusalem.

Romaƒuɔ 15:16

Ɔsika ɔ́bla-mi ɔnii nnwini Kristo kabla ɔblane nte bekyuli bani naaadi Yudaƒuɔ. Na mɔɔbla ɔkpane kabla kani ndi ka lɛkɔ Katɔti litemi buni lɛmmɔ lɛsa lite bekyuli bani naaadi Yudaƒuɔ kalɛ na lɛkpanku-ma liboku Katɔti aani akpala ani Katɔti Kɔyu kɔ́bla kedee na adubɔƒɔ Katɔti anu.

Romaƒuɔ 5:2

Na ka bɔ́ƒɔ Kristo bɔ́di ɔsu ni, ɔ́ya na bɔ́kɛ Katɔti lɛƒɔndia lɛni kemmo na bɔkya ɔƒɛni. Na lɛlɔ lɛɛyɔ́-bu geen, ɔsika bubo lɛnunsia ka bɔdubulieku Kristo na Katɔti lɛgadi bukeye bɔmmɔ kemmo.

Romaƒuɔ 5:21

Anwuɔsu kalɛ na likpidi lɛ́ya na kukpi kɔ́di bekyuli lɛlɔ ni, lɛni kani na Katɔti lɛƒɔndia lɛdubɔya na bɔbla siin na buduo ngba bɔni nsɔ naaadubɔsa kudii lɛga bɔdi kalɔ ɔkɛnku Blɔti Yesu Kristo lɛlɔ.

Korintoƒuɔ 1 15:45

Ɔsika ɔkya Bunweni Kedee Ɔku kemmo ka ni, “Ukyuli udeedi ɔni ndi Adam ni, Katɔti nédie-nwu na úte-nwu ngba aani ɔyawine.” Na Adam ukplodi ɔmɛni anwu ni, ɔdi Kɔyu kɔni muute ngba geen.

Eƒesoƒuɔ 2:18

Ɔkɛnku Kristo lɛlɔ na bula akpa anyɔ ƒui, Yudaƒuɔ ku bani naaadi Yudaƒuɔ, bɔkɛ Katɔti Kɔyu kunwi lɛlɔ búbo Katɔti anumi.

Koloseƒuɔ 2:17

Ɔsika Kristo ndi kebi kani geen na bɔɔwia! Ɔsika ala ammɔ bene ƒui lɛlɔ bɔdi mɔɔtina ka Kristo ɔdubo úbada ɔlɛ.

Koloseƒuɔ 2:9

Ɔsika Kristo kemmo ni, Katɔti ulie ngba na ɔlɔna kemmo ku nwuna udu ƒui.

Koloseƒuɔ 3:4

Bina ngba ƒui ndi Kristo. Na si Kristo ɔ́da ɔ́lɛ kayawi kamɛni kemmo ni, amii ku-nwu ƒui bɛdubɔdi lɛga bɛsala ku kubiti.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Hebriƒuɔ 9:8

Katɔti Kɔyu kɔkɛnku ɔmmɔ lɛlɔ kɔɔtina-bu nwaa ɔ́si uwi ɔmmɔ ka ulu ɔni lɛlɔ na bɔdubɔsia buduo Katɔti katɔma geen kammɔ kemmo ni, útedie-nwu tɔ keyi uwi ɔni na kakpakɔ kedeedi kammɔ kamu kenye.

Petro 1 1:21

Na ɔkɛnku Kristo ɔmɛni lɛlɔ ɔsu na bɛ́ƒɔ Katɔti bɛ́di. Na anwu nágyila-nwu ɔ́lɛku kekpine na úte-nwu keliekɔ kenengudi geen. Ɔmmɔ geen ɔsu na bɛ́ƒɔ Katɔti bɛ́di na bɛsia-nwu anu.

Petro 1 2:4

Bibo Blɔti kudɔ. Anwu ndi lɛtabi lɛni mbo ngba, nsu batune béni-ni. Na anwu na Katɔti ɔ́ƒuna na ɔ́ƒɔ-nwu kuye geen.

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.

Yohane 1 1:8

Si búni bɔnii bulábla likpidi ni, na bɔɔtɔ́lɔ lɛlɔ, na litemi geen lɛmmɔ lítaƒɔ-bu lɛlɔ kemmo.

Yohane 1 2:23

Na ukyuli ɔni muuní Ubi ɔmɛni taasu ka ɔɔɔdi Katɔti Ubidi ni, anwu ku Katɔti beeebo kɔna. Na ukyuli ɔni muudie kenye taasu ka ɔ́ƒɔ Ubi ni, ɔ́ƒɔ Katɔti lɛnɔ.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Yohane 1 5:6

Yesu ɔmɛni ndi Ukyuli Ɔƒunadi ɔni nébo kayawi, na bɔ́nu-nwu bɔ́ti ɔkɛnku ntu bɔkpila ɔdi ɔni na ɔ́ƒɔ ku nwuna ubugya ɔni néwi kalɔ lɛlɔ ɔsu. Na ɔɔɔdi ntu lɛti pɛ lɛlɔ na ɔkɛ úbo, mmomu ntu ku ubugya ƒui lɛlɔ. Na Katɔti Kɔyu muudie-nwu kenye na ulu lɛlɔ. Ɔsika Kɔyu kɔmmɔ ablala ƒui adi litemi geen.

Yohane 2 1:9

Ukyuli ɔni náda ɔ́via Kristo ala bɔtina na ulásia-nya kama ni, uuubo kɔna ku Katɔti. Nsu ukyuli ɔni nsiaku Kristo ala bɔtina bɔmmɔ kama ni, uliku Katɔti ku Ubidi lɛnɔ.

Budie Taatina 1:5

Na Yesu Kristo ndi anwu ɔni muudie lɛla lɛdi biala kenye ulu lɛlɔ. Ɔdi ukyuli udeedi ɔni na Katɔti ɔ́gyila ɔ́lɛku bekpine akɔ na ɔsɔ ulekpi kudii. Yesu ɔmɛni mɔɔdi kayawi baga ƒui lɛlɔ. Na ɔɔyɔ́-bu. Na úti nwuna ubugya ɔ́kpa na bula lili, na ɔ́ƒɔ-bu ɔ́lɛku bula ekpidi kemmo.

Budie Taatina 19:11

Ɔmmɔ kama ni, lɛ́nu ka kayaa kálɛmi na ɔpɔnkɔ ɔƒualadi ɔdi ɔ́da ɔ́lɛ. Na ukyuli ɔni nlie-nwu lɛlɔ ni, baalɔ-nwu banii Kama Kekpokɔ ku Litemi Geen. Na ɔɔtɛ litemi siin na uukpó kekpo lɛnɔ siin.

Budie Taatina 20:15

Na ukyuli ɔni na bétenweni-nwu lɛnyi bátakya ngba ɔku ɔmɛni kemmo ni, béti-nwu bébo bákya lɛgyavonku lɛmmɔ kemmo.

Budie Taatina 22:1

Ɔmmɔ kama ni, ɔ́tina-mi ketu kani ntu muute ngba. Ketu kammɔ kaagbá taasi Katɔti ku Koƒonu Ubi ɔmmɔ lɛgaboku kudɔ. Na buukeye aani asogya.

Budie Taatina 22:17

Katɔti Kɔyu kɔmmɔ ku Yesu bayɔne banii, “Bo!” Na ɔlɛka ukyuli biala ɔni muunú ɔmɛni lɛnɔ ɔsu ɔnii, “Bo!” Na bani ƒui na utukwɛ ɔɔda ni, bebo. Na bani ƒui mɔɔyɔ́ ni, babani ngba ntu bɔmmɔ ƒaa. Kayu kadi taƒɔ taƒɔ.

Budie Taatina 3:14

Na ɔ́sɔ ɔ́su-mi ɔnini, “Nweni te Laodikea baƒɔtaadine ɔtu anii, “Lɛni na anwu ɔni mɔɔyá na lɛla biala lɛɛsia lɛni ɔɔsu. Na ɔdi Katɔti kenye udiene geen ɔni mɔɔbla ala ulu lɛlɔ, na anwu mɔɔdi Katɔti ala ani ƒui na údie lɛlɔ.

Budie Taatina 3:7

Ɔmmɔ kama ni, ɔ́su-mi ɔnini, “Nweni te Ƒiladelƒia baƒɔtaadine lɛkpa ɔtu anii, “Lɛni na anwu ɔni nse kedee na nwuna litemi lɛdi litemi geen ɔɔsu. Anwu nda Ɔga Dawid ɔyikun ɔni na si ɔ́lɛmi kayakun kadi ni, ɔdi ɔsɔ ulakana-ka bɔkalɛ. Na si ɔ́kalɛ-ka ni, ɔdi ulakana-ka bɔlɛmi.