Yohane 14:31 - Katɔti Ɔku Kedee

³¹ Nsu ɔlɛka bayawine bati ka mɔɔyɔ́ Ati, na mɔɔbla lɛla biala kalɛ kani na úbo-mii ɔda. “Amu bibo, na bɔgyu.”

Yohane 14:31 ပူးပေါင်းရင်းမြစ်များ

Kɔgya 40:8

O mina Unwoti Katɔti, ƒula ɔda bubo bɔkya-mi kayi kemmo.”

Yesaia 50:5

Ɔ́ya na muusé atu teenu-nwu litemi na naaabla atu ɔkplu iye linwini kama lɛkya-nwu.

Mateo 26:39

Amu ka úsie lɛtɔtɔ blii ni, ɔ́yu úbi kalɔ na ɔ́kpali katɔ ɔnini, “Mina Ɔti, si wadia ni, na aƒɔ lɛbibo ɔɔƒɛɛ ɔmɛni na mina kudɔ. Nsu ni, tabla mina lɛyɔla, mmomu bla ƒula lɛdi.”

Mateo 26:46

Bɛta na buteesie. Bɛnu, kakya ɔkyane ɔmmɔ úude.”

Luka 12:50

Lɛƒɛda bonwu lɛdi lɛdubo-mi lɛlɔ aani kalɛ na ketu keeti ukyuli. Na liiibo bɔnwuna bɔdi úti utédu uwi ɔni na lɛƒɛda lɛmɛni líbo líbavi.

Yohane 10:18

Ɔɔɔdi ukyuli ɔdi ndubo-mi bɔkana bɔdu. Mmomu ami ɔlati nénu kalɔ ka likpi. Mbo ɔyikun na lɛkana likpi lɛni. Na mbo ɔyikun lɛnɔ na lɛkana na lɛsɔ linwini libo mbelie ngba. Ɔmɛni ndi lɛla lɛni na Ati úbo-mi ɔda ka mbabla.”

Yohane 12:27

“Ɔƒɛni ni, kayi keekpóku-mi. Nsu bi na ɔlɛka lɛsu? Bɔsu na lɛsu nnii, ‘Ati, taya na lɛbibo lɛmɛni udu lɛsiaku-mi’? Oowo! Ɔmmɔ ɔsu geen na líbo kalɔ kamɛni lɛlɔ kalɛ na libo abi amɛni udu.

Yohane 12:49

Ɔsika ɔɔɔdi ami ɔlati ɔyikun kemmo na lɛ́tɛmi. Mmomu mina Ɔti ɔni nátala-mi nátina-mi lɛla lɛni na ɔdi ka lɛsu ku kalɛ na lɛsu-ni.

Yohane 13:1

Amu na limeyi lɛni na kadi kégye ndi Kukpi Lili Bɔvia Limeyi lɛmmɔ ni, Yesu ɔ́ti ka uwi údu ka ɔtɔlɔ kayawi kamɛni lɛlɔ uteesie ɔti kudɔ. Na ka ɔɔyɔ́ ama bani náƒɔ-nwu bádi ƒui na kayawi kamɛni lɛlɔ ɔsu ni, ɔɔwia ka ɔtina-ma kalɛ na ɔɔyɔ́-ma geen.

Yohane 15:9

Mɔɔyɔ́-mii kalɛ kani na mina Ɔti ɔɔyɔ́-mi. Anwuɔsu bɛsɔ biliku-mii na ntaayɔ-mii uwi biala.

Yohane 18:11

Nsu Yesu ɔ́su Petro ɔnini, “Sɔku ƒula kewii kya livuo kemmo! Aakali anii lɛbibo ɔɔƒɛɛ ɔni na mina Ɔti úte-mi ɔnii nnii ni, naaani-nwu?”

Yohane 4:34

Yesu ɔ́su-ma ɔnini, “Mina adila ndi ka lɛbla anwu ɔni nátala-mi lɛƒɔyɔ na lɛwɔlɔ kabla kani na úte-mi ka mbabla.

Ƒilipiƒuɔ 2:8

Ɔmmɔ ɔsu ni, úboku lɛlɔ kalɔ na únu Katɔti litemi utédu ka úkpi ugyii lɛlɔ kukpi muedi.