Yohane 14:20 - Katɔti Ɔku Kedee

²⁰ Si limeyi lɛmmɔ lídu ni, bɛdubɔti ka ami nliku mina Ɔti, na amii biliku-mi aani kalɛ na ami lɛnɔ nliku-mii.

Yohane 14:20 ပူးပေါင်းရင်းမြစ်များ

Yohane 10:38

Nsu si anya na mɔɔbla bɔdi ni, si ina bilaƒɔ ami ɔlati taadi ni, ɔdi ka bɛƒɔ ala ani na mɔɔbla anya bɛdi. Na si bɛ́bla lɛni ni, bɛdubɔnu bɔti kɔnakunwi ka Katɔti uliku-mi na ami lɛnɔ nliku-nwu.”

Yohane 14:10

Átaƒɔ átadi ka ami nliku Katɔti, na anwu lɛnɔ uliku-mi? Ala ani ƒui na lɛ́su-mii ni, aaadi ami ɔlati etemila kani na adi. Mmomu adi Katɔti ɔni nliku-mi na ɔɔbla nwuna kabla ɔdi.

Yohane 14:11

Bɛƒɔ-mi bɛdi si lɛ́su-mii nnii ami nliku Katɔti, na anwu lɛnɔ uliku-mi. Si alakana ɔmɛni bɔbla ni, ɔlɛka bɛƒɔ mina ala ani na mɔɔbla lɛti bɛdi.

Yohane 16:23

“Si uwi ɔni na limeyi lɛmmɔ líbo líbedu ni, bileye-mi lɛla lɛdi. Ɔsika mɔɔsu-mii geen ka lɛla biala na bɛdubɔkpali-mi lɛnyi bivele mina Ɔti ni, ɔdubute-mii.

Yohane 16:26

Na si limeyi lɛmmɔ lídu ni, bɛdubo-mi lɛnyi bɔkpali bivele-nwu ala. Naaasu nnii ami ndubo-nwu ala buvele bute-mii.

Yohane 17:11

Na ɔƒɛni ni, lɛ́tɔlɔ ndubo-ɔ kudɔ. Na nsɔ lɛɛɛkya kayawi kamɛni kemmo. Nsu ama bamu bakya kayawi. Ati Kedee, gyumana-ma ɔkɛnku ɔyikun ala ani mɔɔlɛ́ si bákpali-ɔ lɛnyi. Na lɛnyi lɛmmɔ kani na éti éte-mi. Ɔmɛni ndubɔya na babla unwi aani kalɛ na ami ku awɔ bɔdi benwi.

Yohane 17:26

Lídie-ɔ lɛ́tina-ma. Na ndubo butaabla lɛni kalɛ na bati ka aayɔ́-ma aani kalɛ na aayɔ́-mi, na bati ka nliku-ma.”

Yohane 17:7

Na bagyi ɔƒɛni ka lɛla biala na éte-mi ni, ƒula kudɔ na lɛ́si.

Yohane 6:56

Ukyuli ɔni mɔɔdi mina ɔlɔna na ɔɔní mina ubugya ni, ɔɔblaku-mi unwi, na ami lɛnɔ mɔɔblaku-nwu unwi.

Romaƒuɔ 16:7

Bigyele Androniko ku Yunia bani ndi mina kadi bekyuli bani na ami ku-ma na bákya aban ɔtɔ mmɔ. Bekyuli bagyi-ma geen na batalane bammɔ akɔ. Na ama báka-mi Kristo ɔmmɔ bɔƒɔ.

Romaƒuɔ 8:1

Ɔmɛni ɔsu ni, kɔtɔ bɔdu bɔdi buuubo buuute bani nábla unwi ku Kristo Yesu na bana ngba bulie kemmo.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Korintoƒuɔ 2 12:2

Ngyi ɔƒɔtaadine ɔni na Blɔti útiku úsienku katɔ katɔ ƒui akwa leevu-ene ani návi kemmo. Nsu lɛɛɛgyi si ɔlɔna kemmo na útiku-nwu iye kɔyu kemmo lɛti kani na útiku-nwu. Katɔti lɛti pɛ ngyi.

Korintoƒuɔ 2 13:5

Amii alati biduo bina lɛlɔ kemmo na bɛkɔku lɛlɔ bɛnu. Na bɛti si bɛkya bɔƒɔtaadi bɔmmɔ kemmo. Bɛɛɛgyi ka Yesu Kristo ɔkya-mii lɛlɔ kemmo? Bɛgyi nii! Ntu bɔnu na bɛ́nu bɛ́ti ka bina lɛlɔ bɔkɔku bútedu.

Korintoƒuɔ 2 5:17

Anwuɔsu si ukyuli ɔdi ku Kristo bábla unwi ni, ɔgyi ɔnii únwini ukyuli ɔwɔdi. Na nwuna ukyuli udu ɔkukudi ɔmmɔ ɔ́vi. Na ɔwɔdi ɔ́ƒɔ ɔmmɔ kenye.

Korintoƒuɔ 2 5:19

Na lɛsa lɛmɛni ndi ka Katɔti ɔkɛ Kristo lɛlɔ na ɔ́klibi anwu ku bekyuli ƒui ntɛ. Na údie atu na bana ekpidi ƒui lɛlɔ. Na kenye kani na ɔda úte-bu ndi ka ɔɔwia ka bɔsu bekyuli ƒui ntɛ bɔklibi litemi lɛmɛni.

Galatiƒuɔ 2:20

Ami ku Kristo na bákana bámana ugyii lɛlɔ. Ɔsɔ ɔɔɔdi ami nli ngba, mmomu Kristo nli ngba na mina kemmo. Na ngba bɔni na nli ɔƒɛni ni, nli-mu ɔkɛnku ɔyikun ɔni na lɛ́kɛ ka lɛ́ƒɔ Katɔti Ubidi ɔmmɔ lɛ́di ɔsu. Anwu néti nwuna ngba ɔ́kpa na mina lili, ɔsika ɔɔyɔ́-mi.

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Koloseƒuɔ 1:19

Na nwuna kemmo na Katɔti ɔ́ya na bekyuli bánu nwuna ukyuli udu ƒui báti.

Koloseƒuɔ 1:27

Katɔti bɔyɔ ndi ka bekyuli bani naaadi Yudaƒuɔ ƒui bati lɛla libendi lɛni na ɔ́da úse-bu, na lɛ́ƒɔ kuye geen. Na ani ndi Kristo ɔni nkya-bu kayi kemmo. Na anwu ndi bula lɛnunsia ka abu lɛnɔ bubo kadikɔ na Katɔti bukeye kemmo.

Koloseƒuɔ 2:9

Ɔsika Kristo kemmo ni, Katɔti ulie ngba na ɔlɔna kemmo ku nwuna udu ƒui.

Yohane 1 4:12

Ukyuli ɔdi útanu Katɔti kudii. Nsu si bɔɔyɔ́ lɛlɔ ni, Katɔti uliku-bu, na bɔyɔ bɔni bubo bute-nwu búdu bɔ́wɔlɔ.