Yohane 14:2 - Katɔti Ɔku Kedee

² Kuduokɔ pii kɔkya mina Ɔti kesii. Na lísela ntáklibi kuduokɔ kɔmmɔ lise-mii. Na si buse na uuuse lɛni ni, nka naaasu ɔmɛni.

Yohane 14:2 ပူးပေါင်းရင်းမြစ်များ

Luka 14:22

“Amu na kabla ɔblane ɔmmɔ úsie útábla lɛni. Na ɔ́sɔ únwini úbasu nwuna Unwoti ka ɔ́lɔ-ma, nsu kuliekɔ pii kɔ́sɔ kúbu.

Yohane 13:33

“Mina bebi, uwi blii ɔdi kani nébu na lɛkya-mii kudɔ. Bɛdubo-mi bɔwia, nsu mɔɔsu-mii lɛla lɛni na lɛ́su Yudaƒuɔ benengu nnii, ‘Kesii kani na lísela ni, bilakana mmɔ bubo.’

Yohane 13:36

Mmɔ na Simon Petro úye-nwu ɔnini, “Blɔti, wɛ na ésela?” Amu na Yesu údie kenye ɔnini, “Kesii kani na lísela ni, alakana-mi bɔsiaku ɔƒaani. Nsu nwuna kama ni, adubɔsia-mi kama ebo mmɔ.”

Yohane 14:28

Bínu ka lɛ́su-mii nnii, ‘Bɔtɔlɔ nda bina kudɔ, na ndubɔsɔ linwini libo-mii kudɔ.’ Si bɛgyi ka bɛɛyɔ́-mi geen ni, kubiti kɔdubɔda-mii ka lísela Ati kudɔ. Ɔsika anwu utulo-mi.

Yohane 16:4

Mmomu lɛ́su-mii ɔmɛni kalɛ na si uwi ɔni na bábla ala amɛni údu ni, na binyimo lɛla lɛni na lɛ́su-mii. “Ńtasu-mii ala amɛni ńtasiku kalɔ kesekɔ, ɔsika nkya-mii kudɔ uwi ɔmmɔ.

Yohane 17:24

“Ati, awɔ néti-ma éte-mi. Na mɔɔwia ka belie-mi kudɔ na kesii kani na nkya kalɛ na banu kalɛ na ákɔliku-mi lɛnyi katɔ. Ɔmɛni ndi lɛnyi lɛni na éte-mi. Ɔsika aayɔ́-mii kukuuku asa na édie kayawi ku kana lɛla biala.

Batalane Kabla 9:16

Na ndubɔtina-nwu kalɛ na ɔlɛka ubo abi na ami ɔsu.”

Korintoƒuɔ 2 5:1

Na si bula ɔlɔna ɔni nse aani kevo kani kemmo bulie na kayawi kamɛni kemmo kébie ni, bubo ɔtɔ na Katɔ Ɔga Ɔma. Na ɔtɔ ɔmmɔ ni, anwu ɔlati néti nwuna enu ɔ́tu-nwu, na ɔdubunye uwi ƒui.

Tesalonikaƒuɔ 1 5:9

Ɔsika Katɔti útedie-bu ɔnii nwuna kɔnyi kubo-bu lɛlɔ. Mmomu ɔnii bɔsia Blɔti Yesu Kristo lɛlɔ na bɔkɛ bɔƒɔ.

Tito 1:2

Ulu ɔmɛni ndanku ngba ƒui lɛnunsia lɛni bɔƒɔtaadi na bubo lɛlɔ. Na Katɔti ɔni naaanyi ɔkɔ ɔlati nése-bu kenye kamɛni úse asa na údie kayawi.

Hebriƒuɔ 11:10

Ɔsika Abraham unye ɔɔnu ulu ute ɔma unengudi ɔni na Katɔti ɔ́da na use uwi ƒui.

Hebriƒuɔ 13:14

Ɔsika na kayawi mɛni ni, buuubo ɔma ɔni ndubuse buteesie uwi ƒui. Mmomu bunye bɔɔnu ulu teete ɔma ɔni mebo.

Hebriƒuɔ 6:20

Mmɔ na Yesu ɔ́gyu ɔtɔ útéduo na abu ɔsu. Na únwini ɔkpane unengudi úte uwi ƒui na Melkisedek ɔkpane bɔdi ulu lɛlɔ.

Hebriƒuɔ 9:8

Katɔti Kɔyu kɔkɛnku ɔmmɔ lɛlɔ kɔɔtina-bu nwaa ɔ́si uwi ɔmmɔ ka ulu ɔni lɛlɔ na bɔdubɔsia buduo Katɔti katɔma geen kammɔ kemmo ni, útedie-nwu tɔ keyi uwi ɔni na kakpakɔ kedeedi kammɔ kamu kenye.

Budie Taatina 1:5

Na Yesu Kristo ndi anwu ɔni muudie lɛla lɛdi biala kenye ulu lɛlɔ. Ɔdi ukyuli udeedi ɔni na Katɔti ɔ́gyila ɔ́lɛku bekpine akɔ na ɔsɔ ulekpi kudii. Yesu ɔmɛni mɔɔdi kayawi baga ƒui lɛlɔ. Na ɔɔyɔ́-bu. Na úti nwuna ubugya ɔ́kpa na bula lili, na ɔ́ƒɔ-bu ɔ́lɛku bula ekpidi kemmo.

Budie Taatina 21:2

Na lɛ́nu ɔma kedee ɔni ndi Yerusalem ɔwɔdi ka ɔ́yu ɔ́si Katɔti kudɔ na kayaa ɔdubo. Na báklibi-nwu aani kalɛ na baaklibi uleku ɔni béti beete ɔgyani.

Budie Taatina 3:12

Ndubo ukyuli ɔni madi lɛlɔ bɔbla aani lɛkpa na mina Katɔti kakpakɔ ɔni na lɛsɔ lilágyu mmɔ kudii. Ndubo mina Katɔti lɛnyi ku nwuna ɔma kedee ɔmmɔ lɛnyi bunweni bɔsia-nwu lɛlɔ. Na ɔdi Yerusalem ɔwɔdi ɔni mayu masi katɔ na Katɔti kudɔ. Na ndubo ami ɔlati lɛnyi lɛwɔdi lɛnɔ bunweni bɔsia-nwu lɛlɔ.

Budie Taatina 3:21

“Anwu ɔni madi ekpidi lɛlɔ ni, ndubute-nwu kuƒi na ulie-mi kudɔ na lɛgaboku lɛlɔ aani kalɛ na lɛ́di lɛlɔ na nli mina Ɔti kudɔ na lɛgaboku lɛlɔ.