Yohane 14:18 - Katɔti Ɔku Kedee

¹⁸ Si lɛ́tɔlɔ-mii kudɔ ni, naaada-mii neeese aani bekpinebi. Mmomu ndubɔsɔ linwini libo-mii kudɔ.

Yohane 14:18 ပူးပေါင်းရင်းမြစ်များ

Kɔgya 101:2

Bo na ebebunku-mi. Mmɔ na ndubɔkana lɛlɔ bɔda kaduɛ ntaabla lɛbuni kalɛ na naaaƒiɔ-ɔ na mina kaduli.

Kɔgya 23:4

Si ina nkɛ ntédu kasuudikɔ kani nse aani kekpine muedi ni, naaayia ɔgbankpi ɔdi. Ɔsika ngyi ka awɔ na nsiaku. Na ƒula ɔgagyii ku ugyii ɔdadi muusé-mi kayi.

Yesaia 43:1

Unwoti ɔnini, “Ami nédie amii Yakob kaba kemmo bebi na lɛ́bla-mii na bɛdi Israel kadi. Bɛda bɔyia bɛya, ɔsika ami nédie-mii. Lɛ́sia-mii lɛnyi lɛni na mɔɔlɔ-mii na ɔƒaani bɛdi mina badi.

Yesaia 51:12

“Ami ndi Unwoti ɔni nése-mii kayi Na bi na bekyuli keeke badi? Bekyuli bani nse aani livo lɛni mɔɔyɛyɛ na ɔlɛka bitaayia-ma?

Kɔnyana Buwulo 5:3

Na búnwini aani bekpinebi, na bula beni bénwini bekpinele.

Hosea 14:3

Asiria ulakana-bu bɔƒɔ, na kekpo bapɔnkɔ kɛɛkɛ lɛnɔ ulakana-bu bubunku. Anwuɔsu bɔsɔ bulákpa baƒiɔ bani na bɔ́vɔ, ɔsika awɔ Unwoti mɔɔnu bekpinebi kɔnyana.”

Hosea 6:3

Anwuɔsu bɛya na bɔkya ɔkplu biala na bɔnu bula Unwoti bɔti. Nwuna bɔda bɔlɛ bɔdi litemi geen aani kalɛ na ɔƒɛ ɔɔtu ɔtanta na ɔkɔ uuubo-nwu kemmo. Na ɔdubo ubaya na lɛlɔ lɛyɔ-bu aani kalɛ na ketudi ɔnantu ɔɔna na kalɔ ku lɛla biala lɛɛyɔ́ buɛɛ.”

Mateo 18:20

Ɔsika kesii kani na nkyuli inyɔ iye ɛtɛ bása na mina lɛnyi kemmo ni, ami lɛnɔ nkya-ma akɔ.”

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Yohane 14:16

Na ndubuvele mina Ɔti na ute-mii Ubunkune ɔbambadi ɔni ndubulie-mii kudɔ uwi ƒui.

Yohane 14:3

Anwuɔsu si lísie ńtáklibi-ku lɛ́wɔlɔ ni, ndubɔsɔ linwini libo na mbakpanku-mii ntése mina kudɔ na amii lɛnɔ bilie mmɔ.

Yohane 16:16

“Kébu uwi blii ɔdi na bɛsɔ bilanu-mi. Na ɔmmɔ kama blii lɛnɔ ni, bɛdubɔsɔ bɛnu-mi.”

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Tesalonikaƒuɔ 2 2:16

Na buuvele kebunku taasiku Blɔti Yesu Kristo ku bula Unwoti Katɔti kudɔ ɔni mɔɔyɔ́-bu, na úti kayi buse ku lɛnunsia úte-bu ɔ́si nwuna lɛƒɔndia ɔsu.

Hebriƒuɔ 2:18

Na ka ala lidu lidu ékpoku anwu ɔlati na úbo abi ɔsu ni, ɔɔkana na uubunku bekyuli bani ƒui na ala ammɔ eekpóku.