Yohane 14:13 - Katɔti Ɔku Kedee

¹³ Na lɛla biala na bivele si bɛ́kpali-mi lɛnyi ni, ndubɔbla-ni lite-mii. Ɔmɛni ndubɔya na ɔkɛnku-mi lɛlɔ ni, bekyuli badubɔkɔliku mina Ɔti lɛnyi katɔ.

Yohane 14:13 ပူးပေါင်းရင်းမြစ်များ

Mateo 21:22

Na lɛla biala lɛni na bɛdubuye Katɔti na bɔƒɔtaadi kemmo ni, bɛdubɔkɛ-ni.”

Mateo 7:7

“Bivele Katɔti ala, na ɔdubuti-nya ute-mii. Bɛwia nwuna ala, na ɔdubɔya na bɛkɛ-nya. Bibo Katɔti kegbuta kɔnu na ɔdubɔlɛmi ute-mii.

Marko 11:24

Anwuɔsu mɔɔsu-mii nnii lɛla biala lɛni na bɛdubuye Katɔti na uwi ɔni na bɛɛkpali katɔ ni, bɛƒɔ bɛdi bɛnii bɛdubɔkɛ-ni. Na Katɔti ɔdubɔbla lɛla lɛmmɔ ute-mii.

Luka 11:9

“Anwuɔsu mɔɔsu-mii nnii bivele Katɔti na ɔdubuti ute-mii, bɛwia na bɛdubɔkɛ, bibo kɔnu kegbuta na ɔdubɔlɛmi ute-mii.

Yohane 10:30

Ati ku ami ƒui ni, bekyuli benwi na bɔdi.”

Yohane 12:44

Amu na Yesu ɔ́su ku lɛdi momoomo ɔnini, “Ukyuli ɔni mɔɔƒɔ́-mi taadi ni, ɔɔɔdi ami lɛti na ɔ́ƒɔ ɔ́di. Mmomu ɔ́ƒɔ anwu ɔni nátala-mi lɛnɔ ɔ́di.

Yohane 13:31

Uwi ɔni na Yuda ɔ́tɔlɔ kama ni, Yesu ɔ́su-ma ɔnini, “Ɔƒɛni na Katɔti ɔdubɔkɔliku Ukyuli Ɔyawine Ubi lɛnyi katɔ. Na ɔkɛnku Ubidi ɔmmɔ lɛlɔ ni, bekyuli badubɔkɔliku Ɔti ɔmmɔ lɛnyi katɔ.

Yohane 14:14

Bɛkpali-mi lɛnyi bivele lɛla biala, na ndubɔbla-ni lite-mii.

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Yohane 15:16

Ɔɔɔdi amii náƒuna-mi. Mmomu ami náƒuna-mii. Na lɛ́ƒuna-mii lise ka bisie bitátaabla kabla kabuni kani ndi ebi pii ani na bɛdubɔnwu. Na abla ebi ani ndubutu uwi na elebie. Ɔmɛni ɔsu ni, Katɔti ɔdubute-mii lɛla biala na bivele-nwu si bɛ́kpali-mi lɛnyi.

Yohane 15:7

Si biliku-mi na mina etemila ákɛ keliekɔ na bina lɛlɔ kemmo ni, bivele lɛla biala na bɛɛwia, na ndubute-mii.

Yohane 16:23

“Si uwi ɔni na limeyi lɛmmɔ líbo líbedu ni, bileye-mi lɛla lɛdi. Ɔsika mɔɔsu-mii geen ka lɛla biala na bɛdubɔkpali-mi lɛnyi bivele mina Ɔti ni, ɔdubute-mii.

Yohane 16:26

Na si limeyi lɛmmɔ lídu ni, bɛdubo-mi lɛnyi bɔkpali bivele-nwu ala. Naaasu nnii ami ndubo-nwu ala buvele bute-mii.

Yohane 16:7

Nsu mɔɔsu-mii geen ka ni, si lɛ́tɔlɔ-mii kudɔ ni, ɔdia-mii utulo. Ɔsika si ńtatɔlɔ ni, Ubunkune ɔmmɔ ulebo-mii kudɔ. Nsu si lɛ́tɔlɔ ni, ndubɔtala-nwu lɛkya-mii.

Yohane 4:10

Yesu údie kenye ɔnini, “Si bɔti na adubɔti litela lɛni na Katɔti ubo ute-ɔ ku ukyuli ɔni udu muuvele-ɔ ntu ɔnii ɔɔní ni, nka awɔ mmomu ndubuvele-mi ntu bɔni mɔɔgbá na buute ngba, na lite-ɔ ntu bɔmmɔ.”

Yohane 4:14

Nsu ntu bɔni na ndubute ni, utukwɛ ɔsɔ ulada ukyuli ɔni mani-mu. Mmomu bɔdubunwini libiɔ lɛni mɔɔyu na bana lɛlɔ kemmo, na ɔdubute-ma ngba bɔni nsɔ naaadubo bɔsa kudii.”

Yohane 5:19

Mmɔ na Yesu údie kenye ɔnini, “Mɔɔsu-mii geen nnii ami Katɔti Ubidi naaakana lɛla lɛdi bɔbla na ami ɔlati ɔyikun kemmo. Mmomu lɛla lɛni na mɔɔnu ka mina Ɔti ɔɔbla ni, ani kani na ami lɛnɔ mɔɔbla. Anwuɔsu mina Ɔti ablala kama na ami Ubi lɛnɔ nsia.

Yohane 7:37

Na limeyi likplodi lɛlɔ na emeyi ammɔ bɔdi kemmo ɔni ndi limeyi linengudi ni, Yesu ɔ́ta únye na ɔ́su ku lɛdi momoomo ɔnini, “Si utukwɛ ɔɔda ukyuli ɔdi ni, ukyuli ɔmmɔ ɔtɔlɔ ubo-mi kudɔ na ubani ntu.

Korintoƒuɔ 1 14:13

Na ukyuli ɔni mɔɔtɛmi na adi lidu lidu kemmo ni, uvele Katɔti na ute-nwu litela lɛni na uti udie ala ani na ɔɔsu mmɔ kalɔ.

Eƒesoƒuɔ 2:18

Ɔkɛnku Kristo lɛlɔ na bula akpa anyɔ ƒui, Yudaƒuɔ ku bani naaadi Yudaƒuɔ, bɔkɛ Katɔti Kɔyu kunwi lɛlɔ búbo Katɔti anumi.

Eƒesoƒuɔ 3:12

Ɔmɛni ɔsu na bunye kpakplaa na búti bula kayi ƒui bɔ́sia-nwu lɛlɔ ka si bɔ́blaku-nwu unwi na bɔ́ƒɔ-nwu bɔ́di ni, na bɔkɛ ulu ƒaa na bɔda bɔlɛ Katɔti anumi ku kayi buse.

Eƒesoƒuɔ 3:14

Ɔmɛni ɔsu mɔɔlɛ akɔnkɔ teevele Katɔti.

Ƒilipiƒuɔ 4:13

Mɔɔkana na mɔɔbla lɛla biala ɔkɛnku Kristo ɔyikun ɔni na úte-mi ɔsu.

Koloseƒuɔ 3:17

Na lɛla biala lɛni na bɛɛsu iye bɛɛbla kemmo ni, bɛbla-ni na Blɔti Yesu lɛnyi kemmo. Na bitaagya Katɔti enu taasiaku Blɔti Yesu lɛlɔ.

Hebriƒuɔ 13:15

Anwuɔsu ni, bɛya na bɔsia Kristo lɛlɔ na buteeti linugya akpala teete Katɔti. Na akpala ammɔ ndi kalɛ na buubó nwuna lɛnyi kedee kudu ku bula kenye.

Hebriƒuɔ 4:15

Ɔɔɔdi ɔkpane unengudi ɔni na bula lɛlɔ lilakywi-nwu kaƒɔ na bula kpɛtɛ kpɛtɛ bɔbla kemmo. Mmomu ɔdi ukyuli ɔni na ala ékpoku-nwu ánu na ulu biala lɛlɔ aani bula kalɛ kani. Nsu útabla likpidi lɛdi.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Yakobo 1:5

Si bina akɔ ɔdi ɔɔyaki lɛnunda ni, ɔlɛka uvele Katɔti na ɔdubuti-ni ute-nwu, ɔsika Katɔti uuti-ni teete ukyuli biala ku kaƒɔ ƒaa.

Yakobo 5:16

Anwuɔsu bidie bina alaekpidi ani na bɛ́bla kalɔ bite lɛlɔ. Na bitaakpali katɔ teete lɛlɔ kalɛ na Katɔti wabwi-mii lɛlɛ lɛni na biiƒi. Ukyuli ɔni nse sɛɛn ni, nwuna katɔ bɔkpali bubo ɔyikun geen.

Petro 1 2:5

Biti lɛlɔ bite Katɔti na ɔtu Kɔyu kemmo kakpakɔ aani kalɛ na ɔtune uuti atabi taatu ɔtɔ. Bɛdubɔbla bakpane kedee bani muuti Kɔyu kemmo akpala ani námanku teete Katɔti ɔkɛnku Yesu Kristo lɛlɔ.

Yohane 1 3:22

Na lɛla biala na buuvele-nwu ni, bɔɔkɛ́-ni ɔsika bɔɔdi nwuna ɔda bubo lɛlɔ na bɔɔbla lɛla lɛni mɔɔyɔ́-nwu kaƒɔ.

Yohane 1 5:14

Bɔgyi nwaa ka si buuvele Katɔti lɛla biala na nwuna bɔyɔ kenye ni, uunú-bu bɔkpali.