Yohane 14:12 - Katɔti Ɔku Kedee

¹² Mɔɔsu-mii geen nnii ukyuli biala ɔni mɔɔƒɔ́-mi taadi ni, ɔdubɔbla ala ani na mɔɔbla. Na ɔdubɔbla-nya utulo kalɛ na lɛ́bla. Ɔsika bɔtɔlɔ nda nteesie mina Ɔti kudɔ.

Yohane 14:12 ပူးပေါင်းရင်းမြစ်များ

Mateo 21:21

Amu na Yesu údie kenye ɔnini, “Mɔɔsu-mii geen nnii si bɛ́ƒɔ bɛ́di na bina kasusu keeese inyɔ inyɔ ni, bɛdubɔkana lɛla lɛni na lɛ́bla kɔdingyii kɔmɛni bɔbla. Nsu ɔɔɔdi ɔmɛni lɛti. Mmomu ni, bɛdubɔkana na bɛsu kɔbi kɔmɛni muedi bɛnii, ‘Gyu mɛni téduo ɛpu kemmo,’ na ɔdubɔlɛ lɛni.

Marko 11:13

Ɔ́nu ɔgyu ka kɔdingyii kɔdi kunye kɔni lɛlɔ na evete asia pii. Anwuɔsu úsie ɔnii útánu si ebi adi asia-ku lili. Nsu ka údu kugyii kɔmmɔ kalɔ ni, ɔ́nu ka kútanwu ebi. Evete kani nsia-ku lili. Na uwi ɔni na kɔsɔ kɔnwu lɛnɔ útedu tɔ.

Marko 16:17

Na Katɔti ɔdubute baƒɔtaadine ɔyikun na babla akɔla lidu lidu. Badubɔgya ayu ekpidi na mina lɛnyi kemmo. Badubutemi adi lidu lidu.

Yohane 14:28

Bínu ka lɛ́su-mii nnii, ‘Bɔtɔlɔ nda bina kudɔ, na ndubɔsɔ linwini libo-mii kudɔ.’ Si bɛgyi ka bɛɛyɔ́-mi geen ni, kubiti kɔdubɔda-mii ka lísela Ati kudɔ. Ɔsika anwu utulo-mi.

Yohane 16:7

Nsu mɔɔsu-mii geen ka ni, si lɛ́tɔlɔ-mii kudɔ ni, ɔdia-mii utulo. Ɔsika si ńtatɔlɔ ni, Ubunkune ɔmmɔ ulebo-mii kudɔ. Nsu si lɛ́tɔlɔ ni, ndubɔtala-nwu lɛkya-mii.

Yohane 4:37

Anwuɔsu lɛsugba lɛmɛni lɛdi litemi geen ka ni, ukyuli ɔdi ɔɔkya edula, na ukyuli ɔbambadi mɔɔƒɛ-nya.

Yohane 5:20

Ɔsika Ati ɔɔyɔ́ ami Ubidi na ɔɔtina-mi lɛla biala lɛni na ɔɔbla. Na ɔdubɔtina-mi ala ani na lɛbla litulo ɔmɛni na ɔdubo-mii bɔbla kalɛ kadi.

Yohane 7:33

Amu na Yesu ɔ́su-ma ɔnini, “Ndubɔsɔ lɛkya-mii kudɔ libu uwi klukui ɔdi kani na lɛtɔlɔ nteesie Anwu ɔni nátala-mi kudɔ.

Yohane 7:39

Mɛni ni, Kɔyu kɔni ndubɔƒɔ bekyuli bani náƒɔ-nwu bádi lɛlɔ kemmo litemi na ɔɔsu. Ɔsika úti úbedu ɔƒɛni ni, Katɔti útatala tɔ Kɔyu kɔmmɔ ɔnii kutáƒɔ-ma lɛlɔ kemmo. Ɔsika Yesu úteduo tɔ nwuna lɛga bɔdi bukeye kemmo.

Batalane Kabla 10:46

Nsu balakana ɔkɔ bɔsia, ɔsika beenú ka beetemi adi lidu lidu na beemwi Blɔti. Amu na Petro úye ɔnini,

Batalane Kabla 16:18

Amu na lɛla lɛmɛni lísie anumi emeyi pii. Na ka Paulo ɔ́nɔ bɔnu ni, únwini na ɔ́su kɔyu kɔni nsiaku ugblebi ɔmɛni ɔnini, “Mɔɔbɔku-ɔ na Yesu Kristo lɛnyi kemmo nnii vi lɛ-nwu lɛlɔ!” Na kɔnakunwi ni, kɔyu kukpidi kɔmɛni kɔ́vi kɔ́lɛ-nwu lɛlɔ kemmo!

Batalane Kabla 19:12

Na si béti nwuna adala adi bétuku ɔlɛne ɔdi muedi ni, aabwi-nwu, na asɔ aagyá ayu ekpidi lɛnɔ taalɛku bekyuli bani kemmo na eli.

Batalane Kabla 2:33

Na ɔƒaani ni, Katɔti úte-nwu kenyekɔ kenengudi na nwuna kɔdianu, na úti nwuna Kɔyu úte-nwu aani kalɛ na ɔ́su úse. Lɛni na anwu lɛnɔ ɔ́tala-ku ɔ́kya-bu. Anwuɔsu na bɛɛnu na biinú lɛla lɛni mɔɔlɛ́ mɛni.

Batalane Kabla 2:41

Ɔmɛni ɔsu ni, bana akɔ pii báƒɔ Petro litemi bádi, na bákpila-ma ntu na Yesu lɛnyi kemmo, na bana bumomo bɔbla aani nkyuli mpim ɛtɛ. Na ama lɛnɔ béti lɛlɔ bebunku baƒɔtaadine bammɔ limeyi lɛmmɔ.

Batalane Kabla 4:16

Badi béye banii, “Bi na ɔlɛka bɔbla ku bekyuli bamɛni? Bulakana buni bɔnii lɛla lɛni na bábla mɛni lɛɛɛdi akɔla budie taatina, ɔsika ukyuli biala na Yerusalem ɔgyi na únu litemi lɛmɛni.

Batalane Kabla 4:33

Na batalane bamɛni bákɔ Unwoti litemi lɛsa ku kayi geen básiku Blɔti Yesu bɔta bɔlɛ bekpine akɔ lɛlɔ. Na Unwoti keyi buɛɛ ku kusɛ kusɛ ɔkya-ma akɔ.

Batalane Kabla 4:4

Nsu bekyuli pii bani nénu bana etemila amɛni kemmo ni, báƒɔ litemi buni lɛmɛni bádi. Na bana bumomo bɔbla aani banana mpim ɛlɔ.

Batalane Kabla 5:15

Na bana badi béti balɛne bátáva atala lɛlɔ na keyi, kesii kani na báƒɔ bádi ka si Petro ɔ́si ɔɔví na nwuna kɔyu kúwi balɛne bamɛni lɛlɔ ni, ɔlɛ ɔni beeƒi waba-ma!

Batalane Kabla 6:7

Amu na bekyuli pii báƒɔ Katɔti litemi buni. Na baƒɔtaadine lɛnɔ bémomo na Yerusalem bébu. Na Yudaƒuɔ bakpane pii badi lɛnɔ bénwini basiaku bɔƒɔtaadi bɔmmɔ kama.

Batalane Kabla 8:7

Ɔ́bɔku ayu ekpidi pii ɔ́lɛku bekyuli lɛlɔ kemmo, na ayu ekpidi amɛni áva momoomo asa na ávi álɛ-ma lɛlɔ kemmo. Amu na ɔ́sɔ ɔ́bwi bani na lɛlɔ kakɛ kenwi kékpi-ma ku ama bani náƒɛ bewi kalɔ lɛnɔ.

Batalane Kabla 9:34

Na ka Petro ɔ́nu-nwu ni, ɔ́su-nwu ɔnini, “Enea, nu! Yesu Kristo ɔ́bwi-ɔ! Ta nye! Na abuma ƒula atɛla.” Na mmɔ kani na ɔ́ta únye ku ɔlɔkplu.

Batalane Kabla 9:40

Amu na Petro ɔ́su bana ƒui ɔnii bavi balɛ ɔtɔ ɔmmɔ kemmo, na ɔ́lɛ akɔnkɔ na ɔ́kpali katɔ. Amu na únwini anumi ɔ́tina Dorka na ɔ́su-nwu ɔnini, “Dorka, ta!” Mmɔ kani na úbimi anumi. Na ka ɔ́nya ɔ́nu Petro ni, ɔ́ta úlie.

Romaƒuɔ 15:19

Na badubɔbla lɛni ɔkɛnku ɔyikun ala ani na bánu ku akɔla budie taatina ani na Katɔti Kɔyu kɔ́ya na lɛ́bla ɔsu. Anwuɔsu ɔ́si Yerusalem ɔkɛ útávi Iliriko amadɔ ni, lɛ́kɔ Kristo litemi buni lɛmmɔ lɛsa.