Yohane 13:7 - Katɔti Ɔku Kedee

⁷ Amu na Yesu údie kenye na ɔ́su-nwu ɔnini, “Elénu tɔ lɛla lɛni na mɔɔbla ɔƒɛni mɛni kalɔ. Nsu kama ni, adubunu-ni kalɔ.”

Yohane 13:7 ပူးပေါင်းရင်းမြစ်များ

Yeremia 32:43

“Yeremia, uwi ɔni na éye kalɔ kammɔ ni, ɔ́tina ka limeyi lɛdi lɛdubo ɔni na basɔ badubɔkana na beye kɔlɔ bete lɛlɔ. Aasu anii bádi kalɔ kamɛni lɛlɔ na bekyuli ku bebuo ƒui bása-ka lɛlɔ na kenwini ketele kalɔ kakwiidi.

Daniel 12:12

Ukyuli biala na ɔ́kɛ kayii buɛɛ útédu ka emeyi apim unwi ku emeyi eti aku ku avlaatɛ-alɔ (1,335) ávi ni, Katɔti ɔdubute ukyuli ɔmmɔ kusɛ kusɛ.

Daniel 12:8

Línu lɛla lɛni na Katɔti ɔtu ɔmmɔ ɔ́su, nsu ńtenu-ni kalɔ. Anwuɔsu líye-nwu nnini, “Ati dɛ na ala ammɔ adubo bɔlɛ?”

Yohane 12:16

Na nka Yesu batɛyane bétenu lɛla lɛmɛni kalɔ kudeedi. Nsu uwi ɔni na Katɔti ɔ́gyila-nwu ɔ́siku kekpine na úte-nwu ɔbu ni, mmɔ na bényimo ka Bunweni Kedee Ɔku ɔ́su ɔmɛni ɔ́siku-nwu lɛlɔ ka bekyuli bábla ala amɛni ƒui béte-nwu.

Yohane 13:36

Mmɔ na Simon Petro úye-nwu ɔnini, “Blɔti, wɛ na ésela?” Amu na Yesu údie kenye ɔnini, “Kesii kani na lísela ni, alakana-mi bɔsiaku ɔƒaani. Nsu nwuna kama ni, adubɔsia-mi kama ebo mmɔ.”

Yohane 13:6

Ka Yesu úbo úbedu Simon Petro kudɔ ni, Petro úye-nwu ɔnini, “Blɔti, bɔƒɔ na adubo-mi lɛgba?”

Yohane 14:26

Katɔti Kɔyu kɔni ndi Ubunkune ɔni na Katɔti ɔdubɔtala ɔkya-mii na mina lɛnyi kemmo ni, anwu ndubɔtina-mii lɛla biala. Na ɔdubɔya na binyimo ala ani ƒui na lɛ́su-mii.