Yohane 13:34 - Katɔti Ɔku Kedee

³⁴ “Na ɔƒɛni ni, muubó-mii ɔda ɔwɔdi. Bɛyɔ lɛlɔ! Na kalɛ na ami lɛ́yɔ-mii ni, lɛni kani na ɔlɛka amii lɛnɔ bɛyɔ lɛlɔ.

Yohane 13:34 ပူးပေါင်းရင်းမြစ်များ

Kɔgya 119:63

Na bekyuli bani na baabu-ɔ na baadi ƒula ɔda bubo lɛlɔ ni, ama na mɔɔdiku kɔkpana.

Kɔgya 16:3

Bekyuli bani na Katɔti ɔ́ƒuna úte lɛlɔ na basiaku-nwu kama siin na kalɔ lɛlɔ mɛni ni, beekeye na baayɔ́-mi kaƒɔ geen. Ƒula bekyuli kedee ndi mina bayikune, na bana lɛlɔ na mɔɔkɛ́ ebiti.

Lewiƒuɔ Ɔda Bubo 19:18

“ ‘Tedie likpidi kasi iye ukyuli litemi litakya-a kayi kemmo ku kɔnyi. Mmomu yɔ ƒula ukyulikpana aani ƒula kalɛ.

Lewiƒuɔ Ɔda Bubo 19:34

“ ‘Ɔƒɔ ɔni nkya-a kudɔ ni, nu-nwu aani ƒula lɛlɔ ukyuli kani na ayɔ-nwu aani ƒula lɛlɔ kalɛ, ɔsika amii lɛnɔ bɛ́bla baƒɔ na Egyipte kalɔ dii. Ami ndi Unwoti bina Katɔti.

Mateo 5:44

Nsu ɔƒɛni ni, ami mɔɔsu-mii nnii bɛyɔ bina bekisine na bɛkpali katɔ bite bekyuli bani muukpóku-mii.

Yohane 15:17

Anwuɔsu ɔda ɔni muubo-mi ndi ɔmɛni. Bɛyɔ lɛlɔ.

Yohane 17:21

Ati, muuvele ka aya na bana ƒui babla unwi aani kalɛ kani na awɔ eliku-mi na ami lɛnɔ nliku-ɔ. Ya na belieku-bu kalɛ na kayawi bekyuli baƒɔ badi ka awɔ nátala-mi.

Romaƒuɔ 12:10

Biti bɔyɔ bite lɛlɔ ku kayi ƒaa aani banwa baƒɔtaadine. Na bɛbu bina bakpana bitulo lɛlɔ.

Romaƒuɔ 13:10

Bɔyɔ bulábla nwuna ukyulikpana likpidi. Anwuɔsu bɔyɔ ndi lɛla lɛni na ɔda bubo bɔmmɔ ƒui bɔdanku.

Romaƒuɔ 13:8

Si bɛda ukyuli ɔdi kayu ni, biteni-ka bɔƒɔ. Bɛƒɔ kana ƒui na kasa. Nsu kayu kani na bɛdubɔda na kalása bɔƒɔ ndi bina ukyulikpana bɔyɔ. Ɔsika ukyuli biala ɔni na ubo bɔyɔ ute nwuna ukyulikpana ni, ɔɔtina ka ɔ́ɔdi Katɔti ɔda bubo bɔmmɔ lɛlɔ.

Galatiƒuɔ 5:22

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Galatiƒuɔ 6:10

Anwuɔsu uwi biala na kuƒi kɔtɛ-bu ni, bɛya na butaabla lɛbuni teete ukyuli biala. Ɔni ntulo ndi ka bɛbla bite banwa baƒɔtaadine.

Galatiƒuɔ 6:2

Bibunku lɛlɔ si ɔdi ɔkya lɛbibo lɛdi kemmo. Na si bɛɛbla ɔmɛni ni, na bɛɛdi Kristo ɔda bubo lɛlɔ.

Eƒesoƒuɔ 5:2

Na bɛsiaku Kristo ɔbladu kama na bɛyɔ lɛlɔ aani kalɛ na ɔɔyɔ́-bu na úti lɛlɔ ɔ́kpa na bula lili aani akpala ƒɛƒɛɛ úte Katɔti. Na adi akpala ani mɔɔyɔ́ Katɔti kaƒɔ.

Koloseƒuɔ 1:4

Ɔsika búnu kalɛ na bɛda bina bɔƒɔtaadi na Yesu Kristo kemmo ku kalɛ na bɛɛyɔ́ bina banwa baƒɔtaadine ƒui.

Tesalonikaƒuɔ 1 3:12

Na Blɔti ɔya na bina bɔyɔ bɔni bibo bite lɛlɔ bumomo bubu. Na bɛyɔ bekyuli bamba lɛnɔ aani kalɛ na bɔɔyɔ́-mii.

Tesalonikaƒuɔ 2 1:3

Banwa, bɔda Katɔti enugya kayu uwi ƒui na amii ɔsu. Na ɔdia ka butaaƒɔ-ka, ɔsika bina bɔƒɔtaadi bɔɔkɔ́ katɔ, na bina lɛlɔ bɔyɔ lɛnɔ buusié anumi teebu ɔsu. Ɔmɛni ɔsu na bɔɔlɔ-mii lɛnyi buni na Katɔti baƒɔtaadine akɔ.

Hebriƒuɔ 13:1

Bitaayɔ lɛlɔ uwi biala kemmo aani banwa kalɛ.

Yakobo 2:8

Na si bɛ́di Katɔti ɔda bubo bunengudi bɔmɛni lɛlɔ ni, bɛ́bla-nwu kaduɛ. Ɔkya Bunweni Kedee Ɔku kemmo ka, “Yɔ ƒula ukyulikpana aani ƒula lɛlɔ kalɛ.”

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Petro 2 1:7

Na si bílie ngba bɔbuni bɔmɛni ni, na bɛkana na bɛdi kɔnwa geen. Na si bɛ́di kɔnwa geen kɔmɛni ni, na ɔya na bitaayɔ bekyuli ƒui.

Yohane 1 3:11

Ɔmɛni ndi kenye kani na bínu bɛ́si kalɔ kesekɔ ƒui, na ani ndi ka ɔlɛka bɛyɔ lɛlɔ.

Yohane 1 3:23

Ɔda bubo bɔni na úse úte-bu ndi ka bɔƒɔ Ubidi Yesu Kristo ɔmmɔ bɔdi, na bɔyɔ bula lɛlɔ aani kalɛ kani na úbo-bu ɔda úbavi.

Yohane 1 4:21

Na ɔda ɔni na Kristo úbo-bu ndi ka ukyuli biala ɔni mɔɔyɔ́ Katɔti ni, ɔlɛka ɔyɔ nwuna ɔnwa ɔƒɔtaadine lɛnɔ.

Yohane 2 1:5

Na ɔƒɛni ni, uleku ɔyɔne, muuvele-ɔ ka aya na bula ƒui bɔyɔ lɛlɔ. Ɔmɛni ɔɔɔdi ɔda bubo bɔwɔdi na muunweni lite-ɔ. Mmomu ɔdi ɔda bubo bɔni nkya ɔ́si kalɔ kesekɔ.