Yohane 13:31 - Katɔti Ɔku Kedee

³¹ Uwi ɔni na Yuda ɔ́tɔlɔ kama ni, Yesu ɔ́su-ma ɔnini, “Ɔƒɛni na Katɔti ɔdubɔkɔliku Ukyuli Ɔyawine Ubi lɛnyi katɔ. Na ɔkɛnku Ubidi ɔmmɔ lɛlɔ ni, bekyuli badubɔkɔliku Ɔti ɔmmɔ lɛnyi katɔ.

Yohane 13:31 ပူးပေါင်းရင်းမြစ်များ

Mateo 8:20

Amu na Yesu ɔ́su-nwu ɔnini, “Beƒiebuo bebo libu lɛni kemmo na baatɛ, na baasɛ bebo ayu. Nsu Ukyuli Ɔyawine Ubi ni, anwu uuubo katɛnkɔ muedi.”

Luka 12:50

Lɛƒɛda bonwu lɛdi lɛdubo-mi lɛlɔ aani kalɛ na ketu keeti ukyuli. Na liiibo bɔnwuna bɔdi úti utédu uwi ɔni na lɛƒɛda lɛmɛni líbo líbavi.

Yohane 11:4

Ka Yesu únu kenye kamɛni ni, ɔ́su ɔnini, “Ɔlɛ ɔni na Lasaro uuƒi mɛni ni, ɔɔɔdi kukpi ndubɔdi-nwu kawɔlɔkɔ.

Yohane 12:23

Amu na Yesu údie kenye ɔnini, “Uwi údu ka Katɔti ɔkɔliku ami nwuna Ubidi lɛnyi katɔ na bekyuli anumi.

Yohane 12:28

Anwuɔsu mɔɔsu nnii, ‘Ati, ya na bekyuli bakɔliku ƒula lɛnyi katɔ.’ ” Mmɔ ni, bénu butemi bɔdi básiku kayaa ka bɔɔsu bɔnini, “Lɛ́ɛya na bekyuli bákɔliku mina lɛnyi katɔ. Na nsɔ ndubo bɔya na bakɔliku-mi lɛnyi katɔ bebu.”

Yohane 14:13

Na lɛla biala na bivele si bɛ́kpali-mi lɛnyi ni, ndubɔbla-ni lite-mii. Ɔmɛni ndubɔya na ɔkɛnku-mi lɛlɔ ni, bekyuli badubɔkɔliku mina Ɔti lɛnyi katɔ.

Yohane 16:14

Ɔdubɔya na bekyuli bakɔliku-mi lɛnyi katɔ, ɔsika lɛla lɛni na masu-nwu ni, ani na ɔdubuti ubasu-mii.

Yohane 7:39

Mɛni ni, Kɔyu kɔni ndubɔƒɔ bekyuli bani náƒɔ-nwu bádi lɛlɔ kemmo litemi na ɔɔsu. Ɔsika úti úbedu ɔƒɛni ni, Katɔti útatala tɔ Kɔyu kɔmmɔ ɔnii kutáƒɔ-ma lɛlɔ kemmo. Ɔsika Yesu úteduo tɔ nwuna lɛga bɔdi bukeye kemmo.

Batalane Kabla 2:36

Anwuɔsu mɔɔyá na amii Israelƒuɔ bɛti ka ni, Katɔti nábla Yesu ɔni na amii bɛ́du mɛni ɔnii unwini Blɔti ku Ukyuli Ɔƒunadi.”

Batalane Kabla 3:13

Ɔsika Unwoti úti ɔbu úte Ubidi Yesu. Na Unwoti ɔmɛni ndi Abraham ku Isak ku Yakob lɛnɔ Ɔti. Na anwu kani ndi bula bati kuuku lɛnɔ Unwoti. Ubidi Yesu ɔmmɔ na amii bíti bíte bɛnii badu. Na bíni-nwu na Pilato anumi bɛnii bɛɛɛgyi-nwu ina ka Pilato ɔ́yɔ ka ɔnyonu-nwu.

Korintoƒuɔ 2 3:18

Na abu baƒɔtaadine bani na lɛla lɛdi liiibi-bu anumi ni, bɔɔnu Blɔti bukeye nwaa. Na Blɔti ɔni ndi Katɔti Kɔyu mɛni ni, anwu mɔɔvumana-bu udu taabla nwuna udu kalɛ na buteekeye teebu.

Eƒesoƒuɔ 1:12

Ɔmɛni ɔsu ni, bɛya na abu bani ndi bekyuli bedeedi bani nákɛ lɛnunsia na Kristo kemmo mɛni ni, bumwi Katɔti ka ɔdia geen ɔsu.

Eƒesoƒuɔ 2:7

Katɔti ɔ́bla ɔmɛni úti ɔ́tina bekyuli na uwi ɔni ndububo ƒui kemmo kalɛ na banu nwuna lɛƒɔndia lɛni na ubo ute-bu ka liiibo bɔkɔku bɔdi ɔkɛnku bɔyɔ bɔni na ɔɔyɔ́-bu na Yesu Kristo ɔsu.

Eƒesoƒuɔ 3:10

Na ɔkɛ nwuna baƒɔtaadine lɛlɔ ni, bayikune ku kenyekɔ biala kani mbo ɔyikun na kayaa batɛya Katɔti lɛnunda bonwu lɛni mɔɔbla kabla na lilu pii lɛlɔ na nwuna baƒɔtaadine akɔ.

Ƒilipiƒuɔ 2:11

Na ukyuli biala ɔdubudie kenye ɔnii Yesu Kristo ndi Blɔti. Na beti bumwi bete Unwoti Katɔti.

Petro 1 1:21

Na ɔkɛnku Kristo ɔmɛni lɛlɔ ɔsu na bɛ́ƒɔ Katɔti bɛ́di. Na anwu nágyila-nwu ɔ́lɛku kekpine na úte-nwu keliekɔ kenengudi geen. Ɔmmɔ geen ɔsu na bɛ́ƒɔ Katɔti bɛ́di na bɛsia-nwu anu.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Petro 1 4:11

Lɛsa ɔkɔne biala ni, utaakɔ Katɔti litemi buni lɛmmɔ lɛsa. Na ukyuli ɔni muubunku bekyuli ni, uti ɔyikun ɔni na Katɔti úte-nwu ƒui uteebunku-ma. Na bekyuli basia Yesu Kristo lɛlɔ bemwi Katɔti na ulu biala lɛlɔ. Bumwi ku ɔyikun ɔdi Yesu Kristo ɔdi uwi ƒui. Ɔsia lɛni.