Yohane 13:19 - Katɔti Ɔku Kedee

¹⁹ “Na mɔɔsu-mii ɔmɛni lise asa ubo ubalɛ, kalɛ na si úbo úbalɛ lɛni sɔsɔ ni, na bɛti ka ami ndi Anwu ɔni nkya ɔ́si kalɔ kesekɔ.

Yohane 13:19 ပူးပေါင်းရင်းမြစ်များ

Yesaia 41:23

Na bɛsu-bu lɛla lɛni na uwi ɔni mebo mmɔ ɔdanku ɔduboku, na bɔti ka bɛdi baƒiɔ bayikune. Bɛbla akɔla budie taatina bɔdi na bɔnu, likpidi lɛdi o-o, lɛbuni lɛdi o-o ni, na bɔnu bɔyia ku liƒu, na bina ala abla-bu yaa.

Yesaia 43:10

Mina bekyuli, amii ndi mina kabla bablane ku litemi lɛmɛni kenye bediene. Na mɔɔwia ka bɛti-mi na biti bina kayi bɛsia-mi lɛlɔ na binu kalɔ ka ami lɛti ndi Katɔti. Ami kani nákya uwi ɔni návi na ami kani ndubo bɔkya uwi ɔni lɛnɔ mebo, ɔsika ɔdi ɔsɔ uuubo mina kalɛ.

Yesaia 48:5

Na lɛ́su-mii ɔmɛni ƒui líse kalɛ na si uwi ɔni na ébo aalɛ́ ni, na bilasu bɛnini, ‘Baƒiɔ bani na bɔɔkpá nábla ala ammɔ.’

Malakai 3:1

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”

Mateo 11:3

Na bétéye Yesu banii, “Awɔ ndi ukyuli ɔni na Katɔti ɔ́su úse ka ɔdubo, munuu butaanu ukyuli bamba ulu?”

Mateo 24:25

Binu! Mɔɔlɛ-mii lise asa na uwi ɔmmɔ udu.

Luka 21:13

Na uwi ɔmɛni kemmo geen na ulu ɔ́lɛmi úte-mii ka bɛsu Katɔti litemi buni lɛmmɔ.

Yohane 1:15

Yohane údie-nwu ɔ́tina bekyuli uwi ɔni na ɔ́kɔ lɛsa úte kasalakɔ ƒui ɔnini, “Ɔmɛni ndi ukyuli ɔni lɛlɔ na ńtaatɛmi taasiku ɔni lɛ́su nnii ukyuli ɔdi ɔkpɛ-mi kama ɔdubo ɔni ntulo-mi ƒui, ɔsika ɔkya kukuuku asa na báwɔ-mi.”

Yohane 14:29

Na lɛ́ɛsu-mii ɔmɛni líse asa na ala ammɔ ebo abalɛ kalɛ na si uwi ɔni na álɛ sɔsɔ ni, na bɛƒɔ bɛdi.

Yohane 16:4

Mmomu lɛ́su-mii ɔmɛni kalɛ na si uwi ɔni na bábla ala amɛni údu ni, na binyimo lɛla lɛni na lɛ́su-mii. “Ńtasu-mii ala amɛni ńtasiku kalɔ kesekɔ, ɔsika nkya-mii kudɔ uwi ɔmmɔ.

Yohane 4:26

Mmɔ ni, Yesu údie kenye ɔnini, “Ami ɔni mɔɔtɛmiku-ɔ mɛni ndi Anwu ɔmmɔ.”

Yohane 8:28

Anwuɔsu Yesu ɔ́su-ma ɔnini, “Si uwi ɔni na bɛ́kɔliku Ukyuli Ɔyawine Ubi katɔ ni, mmɔ na bɛdubɔti ka ami ndi Anwu ɔmmɔ. Na naaabla lɛla lɛdi na ami ɔlati ɔyikun kemmo. Mmomu mɔɔtɛmi kalɛ kani na mina Ɔti ɔ́tina-mi.

Yohane 8:58

Amu na Yesu ɔ́su-ma ɔnini, “Mɔɔsu-mii geen nnii asa badubɔwɔ Abraham ni, Ami nli.”