Yohane 13:18 - Katɔti Ɔku Kedee

¹⁸ “Ɔɔɔdi bina ƒui litemi na ndaku bɔsu ɔƒaani. Ngyi bina akɔ bani na lɛ́ƒuna. Nsu ɔlɛka Bunweni Kedee Ɔku kemmo etemila ebo-nwu kemmo lɛni kalɛ na bénweni bése banini, ‘Ukyuli ɔni nákyaku-mi kɔnu lɛkyami kemmo na bɔ́di ni, anwu nénwini únye-mi lɛlɔ.’

Yohane 13:18 ပူးပေါင်းရင်းမြစ်များ

Kɔgya 41:9

Mina ɔtɔ kemmo ɔkpana geen ɔni lɛ́ƒɔ lɛ́di na ami ku-nwu bɔɔdi na lɛkyami linwi kemmo muedi ni, anwu nénwini únye-mi lɛlɔ.

Yeremia 41:2

Kadikɔ mmɔ na Ismael ku nwuna bekpone bammɔ bádu Gedalia ɔni na nka Babilon ɔga ɔ́ƒuna ka utaanu Yuda kalɔ lɛlɔ mmɔ.

Mateo 10:36

Na ukyuli ukisine geen ni, ɔdubɔsi anwu ɔlati nwuna kaduli kemmo.

Mateo 26:21

Na uwi ɔni na belie baadi ni, Yesu ɔ́su-ma ɔnini, “Mɔɔsu-mii ka ni, bina kemmo unwi ɔdubɔkya-mi kakya.”

Mateo 26:23

Yesu údie kenye ɔnii, “Ukyuli ɔni na ami ku-nwu kɔnu nkya lɛkyami kemmo ndubɔkya-mi kakya.

Marko 14:17

Ka useyi uwi údu ni, Yesu ku nwuna batɛyane leevu-inyɔ bammɔ bésie bétéduo mmɔ.

Marko 14:18

Na uwi ɔni na belie badaku bɔdi ni, Yesu ɔ́su ɔnini, “Mɔɔsu-mii geen ka bina akɔ unwi ɔni na ami ku-nwu bulie bɔɔdi mɛni ɔdubɔkya-mi kakya.”

Marko 14:20

Yesu údie kenye ɔnini, “Bina leevu-inyɔ bamɛni kemmo unwi na ɔdi. Na ami ku-nwu mɔɔkya kɔnu lɛkyami kemmo mɛni.

Luka 22:21

Nsu ni, bɛnu bɛti bɛnii ukyuli ɔni ndubuti-mi ute badu ni, ulie ɔɔdiku-mi na kadikɔ mɛni.

Yohane 13:21

Uwi ɔni na Yesu ɔ́su ɔmɛni ɔ́wɔlɔ ni, kayi kékpoku-nwu geen. Amu na ɔ́su-ma nwaa ɔnini, “Mɔɔsu-mii geen ka bina akɔ unwi ɔdubɔkya-mi kakya.”

Yohane 13:22

Mmɔ ni, Yesu basiakune bammɔ bénwini bánu lɛlɔ anumi na béƒu, ɔsika baaagyi ukyuli ɔni na Yesu ɔda.

Yohane 13:26

Amu na Yesu údie kenye ɔnini, “Ukyuli ɔni na ndubuti bodobodo ɔdi litu kutu lite ni, anwu na ɔdi.” Anwuɔsu Yesu ɔ́bwɛ bodobodo blii ɔdi útu kutu na úti úte Yuda ɔni ndi Simon Iskariot ubidi.

Yohane 15:16

Ɔɔɔdi amii náƒuna-mi. Mmomu ami náƒuna-mii. Na lɛ́ƒuna-mii lise ka bisie bitátaabla kabla kabuni kani ndi ebi pii ani na bɛdubɔnwu. Na abla ebi ani ndubutu uwi na elebie. Ɔmɛni ɔsu ni, Katɔti ɔdubute-mii lɛla biala na bivele-nwu si bɛ́kpali-mi lɛnyi.

Yohane 15:19

Si bɛ́bla unwi ku kayawi bekyuli na bana ablala kemmo ni, badubɔyɔ-mii aani bana badi. Nsu ami lɛ́ƒuna-mii lɛ́lɛku kayawi bekyuli bammɔ akɔ, na bɛsɔ bɛɛɛdi bana badi. Ɔmmɔ ɔsu na beekisi-mii.

Yohane 15:25

Na ala amɛni ƒui ni, ɔlɛka ebo-nwu kemmo lɛni kalɛ kani na bénweni bése na Bunweni Kedee Ɔku kemmo banini, ‘Beekisi-mi keeke.’

Yohane 17:12

Uwi ɔni na nkya-ma kudɔ ni, lɛ́da-ma kɔkɔɔkɔ na lɛ́gyumana-ma ɔkɛnku ɔyikun ɔni nkya lɛnyi lɛni na éte-mi kemmo. Ńtayila bana akɔ ɔdi, amu ntu anwu ɔni básu bese ka ayila-nwu udu. Ɔmɛni ndubɔya na Bunweni Kedee Ɔku kemmo etemila ebo-nwu kemmo kalɛ na básu.

Yohane 18:32

Na ala amɛni álɛ lɛni kalɛ na litemi lɛni na Yesu ɔ́su ɔ́siku kukpi kɔni udu na ɔdubo bukpi lɛlɔ ubo ute lɛni sɔsɔ.

Yohane 19:24

Na bekpone bammɔ básu lɛlɔ banini, “Buláni awu ɔmɛni bulabwɛ. Mmomu bɛya na bɔtu egulabi bɔnu bula akɔ ɔni menwini mewi na buti awu ɔmmɔ bute-nwu.” Na ɔkɛnku ɔmɛni ɔsu ni, Bunweni Kedee Ɔku kemmo etemila ébo éte lɛni sɔsɔ uwi ɔni na básu bése banii, “Béle-mi lɛlɔ ala béte lɛlɔ. Na bátu egulabi na mina awu lɛlɔ.” Na lɛni geen lɛnɔ na bekpone bammɔ bábla.

Yohane 19:36

Bábla ala amɛni ƒui kalɛ na Bunweni Kedee Ɔku kemmo etemila ebo ete lɛni ɔni na bénweni banini, “Nwuna likubi linwi muedi balaƒɛ-ni.”

Yohane 21:17

Kɔtɛdi ni, Yesu ɔ́sɔ úye Petro ɔnini, “Simon, Yohane ubidi, aayɔ́-mi?” Amu ka Yesu ɔ́sɔ úye-nwu kɔtɛdi ɔnii, “Aayɔ́-mi?” ɔsu ni, Petro lɛlɔ lɛ́bla anwu ɔlati kɔnyana, na ɔ́su Yesu ɔnini, “Blɔti, agyi lɛla biala. Na agyi lɛnɔ ka mɔɔyɔ́-ɔ!” Amu na Yesu ɔ́su-nwu ɔnini, “Taanu mina baƒonu lɛlɔ.

Yohane 6:70

Amu na Yesu údie kenye ɔnini, “Ami náƒuna bina leevu-inyɔ bamɛni ina ka bina akɔ unwi ɔdi ukisine.”

Batalane Kabla 1:16

“Mina banwani, lɛla lɛni na bénweni na Bunweni Kedee Ɔku kemmo ni, ɔlɛka libo-nwu kemmo aani kalɛ na Katɔti Kɔyu kɔ́kɛnku Dawid lɛlɔ kútemi kɔ́siku Yuda ɔni nátɔnku bekyuli bani néƒie Yesu lɛlɔ.

Korintoƒuɔ 2 4:5

Bulakɔ abu alati lɛlɔ lɛsa teete-mii, mmomu Yesu Kristo lɛlɔ lɛsa na bɔɔkɔ́ teete-mii ka ɔdi Blɔti. Na abu bɔdi kabla bablane bute-mii na Kristo ɔsu.

Hebriƒuɔ 4:13

Ala ani ƒui na Katɔti údie lítabɛ-nwu. Na ɔɔnu lɛla biala kalɛ na lise. Na nwuna anumi na bɔdubo bula akunta ƒui bɔbu.

Budie Taatina 2:23

Lɛnɔ ni, ndubo uleku ɔmɛni basɔnɔbi ƒui bɔdu. Na mmɔ ni, baƒɔtaadine lɛkpa lɛmmɔ ƒui badubɔti ka ami ndi ukyuli ɔni ngyi ukyuli biala kayi ku lili kemmo. Ndubo bina akɔ ɔdi biala kayu bɔƒɔ na lɛla lɛni na ɔ́bla kenye.