Yohane 13:1 - Katɔti Ɔku Kedee

¹ Amu na limeyi lɛni na kadi kégye ndi Kukpi Lili Bɔvia Limeyi lɛmmɔ ni, Yesu ɔ́ti ka uwi údu ka ɔtɔlɔ kayawi kamɛni lɛlɔ uteesie ɔti kudɔ. Na ka ɔɔyɔ́ ama bani náƒɔ-nwu bádi ƒui na kayawi kamɛni lɛlɔ ɔsu ni, ɔɔwia ka ɔtina-ma kalɛ na ɔɔyɔ́-ma geen.

Yohane 13:1 ပူးပေါင်းရင်းမြစ်များ

Agba 8:31

Na ami lɛnɔ ni, lɛlɔ lɛ́yɔ-mi na kayawi kammɔ ƒui ɔsu na ebiti áƒɔ-mi lɛlɔ kemmo ƒui na kadi ƒui bekyuli bammɔ lɛlɔ.

Yeremia 31:3

Uwi ɔdi návi ni, Unwoti údie lɛlɔ ɔ́tina-mi na ɔ́su ɔnini, “Israel, ndubo butaayɔ-ɔ uwi ndi uwi, anwuɔsu na lɛ́kɛku-ɔ kayi buɛɛ na muuwiku-ɔ lɛlɔ ku kɔnyana bɔnu.

Mateo 26:45

Amu na ɔ́sɔ úbo batɛyane bammɔ kudɔ na ɔ́su-ma ɔnini, “Ɔsu bɔtɛ na bɛmu bɛtɛ bɛɛnwuna lɛni? Ɔƒɛni na uwi ɔmmɔ údu ka beti Ukyuli Ɔyawine Ubi ɔmmɔ bakya bekyuli bekpidi enu kemmo.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Luka 22:53

Lɛ́kya-mii kudɔ na Yudaƒuɔ kakpakɔ limeyi ndi limeyi na bítakya ɔkplu bɛnii biiƒie-mi. Nsu ni, Katɔti néte-mii kuƒi kɔmɛni. Na Satan ɔyikun ɔdi lɛlɔ ɔƒaani.”

Luka 9:51

Amu ka uwi ɔni na ɔlɛka Katɔti uti Yesu usienku katɔ ɔdaku budu ni, ɔ́lɛ ugyii ka uteesie Yerusalem.

Yohane 11:55

Uwi ɔmmɔ kemmo ni, Yudaƒuɔ Kukpi Lili Bɔvia Limeyi bɔdi ɔ́ɔkpɛ úde. Na bekyuli pii bási kalɔ kammɔ ekpo ƒui bésie Yerusalem bátátaabla lɛlɔ bɔƒɔ ɔdi ɔmmɔ batáklibi lɛlɔ bete limeyi lɛmmɔ bɔdi.

Yohane 12:23

Amu na Yesu údie kenye ɔnini, “Uwi údu ka Katɔti ɔkɔliku ami nwuna Ubidi lɛnyi katɔ na bekyuli anumi.

Yohane 13:29

Na ka Yuda ɔmɛni nda bana kavumi ɔsu ni, batɛyane bammɔ badi bákali ka bɔsu na Yesu ɔ́ɔsu-nwu ɔnii utéye ala ani na badubuti badi limeyi uboku iye utéte bawabane ala adi.

Yohane 13:3

Yesu ɔgyi nwaa ka Ɔti úti ɔyikun úte-nwu ka ɔdi ala ƒui lɛlɔ. Na ɔgyi ka Katɔti ɔmmɔ kudɔ na ɔ́si, na nwuna kudɔ kani na ɔdubɔsɔ unwini usie.

Yohane 13:34

“Na ɔƒɛni ni, muubó-mii ɔda ɔwɔdi. Bɛyɔ lɛlɔ! Na kalɛ na ami lɛ́yɔ-mii ni, lɛni kani na ɔlɛka amii lɛnɔ bɛyɔ lɛlɔ.

Yohane 14:28

Bínu ka lɛ́su-mii nnii, ‘Bɔtɔlɔ nda bina kudɔ, na ndubɔsɔ linwini libo-mii kudɔ.’ Si bɛgyi ka bɛɛyɔ́-mi geen ni, kubiti kɔdubɔda-mii ka lísela Ati kudɔ. Ɔsika anwu utulo-mi.

Yohane 14:31

Nsu ɔlɛka bayawine bati ka mɔɔyɔ́ Ati, na mɔɔbla lɛla biala kalɛ kani na úbo-mii ɔda. “Amu bibo, na bɔgyu.”

Yohane 16:28

Sɔsɔ na ɔdi ka Ati kudɔ na lɛ́si líbo kayawi. Na ɔƒɛni mɔɔtɔlɔ kayawi kamɛni kemmo nteesie Ati kudɔ.”

Yohane 17:1

Ka Yesu ɔ́su-ma ala amɛni ɔ́wɔlɔ ni, ɔ́kɔliku anumi ɔ́nu katɔ na ɔ́su ɔnini, “Ati, uwi ɔmmɔ údu. Kɔliku ami ƒ'ubidi katɔ kalɛ na ami lɛnɔ lɛ́kɔliku ƒula lɛnyi katɔ.

Yohane 17:16

Kalɛ kani na lɛɛɛdi kayawi kamɛni ɔdi ni, lɛni kani na ama lɛnɔ baaadi kayawi kamɛni badi.

Yohane 17:26

Lídie-ɔ lɛ́tina-ma. Na ndubo butaabla lɛni kalɛ na bati ka aayɔ́-ma aani kalɛ na aayɔ́-mi, na bati ka nliku-ma.”

Yohane 17:5

Ɔƒɛni ni, Ati, sɔ kɔliku mina lɛnyi katɔ na ƒula anumi aani kalɛ na nse ɔni na lɛ́kya-a kudɔ asa na édie kayawi.

Yohane 18:4

Na ka Yesu ɔ́ti ala ani ndubo-nwu bɔlɛku ɔsu ni, ɔ́lɛ úbo anumi na úye-ma ɔnini, “Ɔma na bɛɛwia?”

Yohane 19:28

Yesu ɔ́ti ka ɔƒaani ni, ɔ́ɔwɔlɔ lɛla biala na ɔlɛka ɔbla. Na kalɛ na Bunweni Kedee Ɔku kemmo ala ani bénweni bése ebo ete lɛni ɔsu ni, Yesu ɔ́su ɔnini, “Utukwɛ ɔɔda-mi.”

Yohane 2:13

Lebo lɛmmɔ ni, uwi ɔdaku budu ka badi Yudaƒuɔ Kukpi Lili Bɔvia Limeyi, na Yesu lɛnɔ úsie Yerusalem.

Yohane 6:4

Uwi ɔmmɔ ni, Yudaƒuɔ Kukpi Lili Bɔvia Limeyi bɔdi uwi ɔdaku budu.

Yohane 7:30

Ɔmɛni ɔsu ni, báwia ka beƒie-nwu. Nsu ukyuli ɔdi útakana-nwu butuku, ɔsika nwuna uwi útedu tɔ.

Yohane 7:6

Amu na Yesu ɔ́su-ma ɔnini, “Mina uwi útedu tɔ. Nsu amii ni, uwi biala use ute-mii.

Yohane 8:20

Kenye kamɛni na ɔ́su-ma na kesii kani nde egulabi kesekɔ na kakpakɔ kemmo mmɔ. Nsu ukyuli ɔdi útakana-nwu buƒie, ɔsika nwuna uwi ɔmmɔ útedu tɔ.

Romaƒuɔ 8:37

Na ɔmɛni ƒui kemmo ni, butulo lɛlɔ badine ɔkɛnku Kristo ɔni mɔɔyɔ́-bu ɔsu.

Korintoƒuɔ 1 1:8

Na ɔdubɔgyumana-mii na bɛda bina bɔƒɔtaadi kaduɛ utédu kawɔlɔkɔ. Anwu ndubɔya na si Blɔti Yesu Kristo úbo ubatɛku bayawine litemi ni, kɔtɔ bɔdu bɔdi bulebo-mii lɛlɔ.

Hebriƒuɔ 3:14

Bubo kadikɔ ɔkɛnku Kristo lɛlɔ si búƒie-nwu bɔ́da kpakplaa na búti bula lɛlɔ ƒui bɔ́sia-nwu lɛlɔ útédu kawɔlɔkɔ.

Hebriƒuɔ 3:6

Nsu Kristo anwu ni, ɔ́bla ala ulu lɛlɔ aani ubi ɔni ntɔnku Katɔti kaduli. Na abu ndi nwuna ɔtɔ ɔmmɔ si búse kayi na búƒie lɛnunsia lɛni kudu na buubó bɔ́da kpakplaa.

Hebriƒuɔ 6:11

Lɛni na bɔɔwia ka bina akɔ ɔdi biala ɔda lɛlɔ ku udu buni ɔmɛni kaduɛ utédu kawɔlɔkɔ kalɛ na bina lɛnunsia lɛlɛ-mii kɔsia.

Petro 1 1:13

Anwuɔsu ni, bɛda lɛlɔ bise bite kabla. Na binye kagyumana na bitaanu ulu teete lɛbuni lɛni na Katɔti ɔdubɔbla ute-mii lɛlɔ uwi ɔni na Yesu wasɔ webo wabaƒɔ-mii ngba.

Yohane 1 4:19

Bɔɔyɔ́ Katɔti ku bekyuli ɔsika Katɔti náka-bu bɔyɔ.

Budie Taatina 1:5

Na Yesu Kristo ndi anwu ɔni muudie lɛla lɛdi biala kenye ulu lɛlɔ. Ɔdi ukyuli udeedi ɔni na Katɔti ɔ́gyila ɔ́lɛku bekpine akɔ na ɔsɔ ulekpi kudii. Yesu ɔmɛni mɔɔdi kayawi baga ƒui lɛlɔ. Na ɔɔyɔ́-bu. Na úti nwuna ubugya ɔ́kpa na bula lili, na ɔ́ƒɔ-bu ɔ́lɛku bula ekpidi kemmo.