Yohane 12:47 - Katɔti Ɔku Kedee

⁴⁷ “Si ukyuli ɔdi uunú litemi lɛni na mɔɔsu nsu uládi-ni lɛlɔ ni, lɛɛɛdubo-nwu kɔtɔ bɔdu. Ɔsika ńtebo nnii mbadu kayawi bekyuli kɔtɔ. Mmomu líbo nnii mbaƒɔ-ma ngba.

Yohane 12:47 ပူးပေါင်းရင်းမြစ်များ

Mateo 18:10

“Bɛnu kaduɛ kalɛ na bilanu banamu wɛlɛ wɛlɛ bamɛni ɔdi bɛnii ɔɔɔdi lɛla lɛdi na bina akɔ. Ɔsika mɔɔsu-mii nwaa nnii bebo Katɔti batu bani nnye mina Ɔti anumi na katɔ uwi biala.

Mateo 18:11

Ɔsika Ukyuli Ɔyawine Ubi úbo ɔnii ubaƒɔ bekyuli bani náyii ngba geen ulu ɔmmɔ.

Mateo 20:28

Lɛni na ami Ukyuli Ɔyawine Ubi lɛ́bla. Ńtebo nnii babla mina kabla. Mmomu líbo mbabla kabla na liti mina ngba lɛƒɔ bekyuli pii lili kayu.”

Luka 19:10

Na ami, Ukyuli Ɔyawine Ubi, líbo nnii mbedie bekyuli bani ƒui náyii ulu geen ɔmmɔ.”

Luka 9:56

Na anwu ku batɛyane bammɔ bébo bávi bésie lɛkpaklɔ bamba.

Yohane 12:48

Ukyuli biala ɔni muuní-mi ni, na ulaƒɔ mina litemi taadi ni, lɛla lɛni madu-nwu kɔtɔ linye lɛgya-nwu. Na etemila ani na lɛ́su anya ndubo-nwu kɔtɔ bɔdu na limeyi likplodi lɛmmɔ lɛlɔ.

Yohane 3:17

Ɔsika Katɔti útatala Ubidi ɔnii ubadu bekyuli bayawine kɔtɔ. Mmomu ɔkɛnku Ubidi ɔmmɔ lɛlɔ ni, ubedie-ma na bakɛ bɔƒɔ.

Yohane 5:45

“Nsu bitakali bɛnii ami ndubo-mii kɔtɔ bɔdu na mina Ɔti kudɔ! Mose ɔni ɔda bubo lɛlɔ na bibo katɔ busie lɛnunsia ni, anwu mmomu ndubo-mii kɔtɔ bɔdu!

Yohane 8:26

Mbo ala pii na lɛsu lɛsiku-mii lɛlɔ na lɛdu-mii kɔtɔ na bina ɔbladu ɔsu. Nsu ukyuli ɔni nátala-mi ni, ulányi ɔkɔ. Na ala ani na línu lɛ́siku-nwu kudɔ ni, anya muuti taasu kayawi bekyuli.”

Petro 2 3:15

Na bɛbu bɛnu kalɛ na Katɔti ɔɔkɛ́ku-mii kayi. Ɔmmɔ ndi kuƒi kɔni na úte-bu ka bɔkɛ ngba bɔƒɔ. Lɛni kani na Ɔnwa Paulo ɔkɛnku lɛlati lɛni na Katɔti úte-nwu kenye únweni ɔku úte-mii.

Yohane 1 4:14

Bɔ́nu bɔ́ti nwaa na buudie kenye ka Katɔti ɔ́tala Ubidi ka ubedie bayawine ɔlɛku ekpidi kemmo.